કચ્છ (ભુજ )2 કલાક પહેલા
- કૉપી લિંક
અંજાર કોર્ટ દ્વારા રૂ. 9 હજારની લાંચ લેનાર અંજાર પાણી પુરવઠા બોર્ડના જુનિયર ક્લાર્ક શશીકાંત કરશનદાસ ઠકકરને આજે એક વર્ષની સાદી કેદ અને રૂ. એક લાખનો દંડ ફટરકારતી સજા સંભળાવી હતી. કોર્ટના આ ચુકાદાથી ભ્રષ્ટ સરકારી બાબુમાં ભય પ્રસરી જવા પામ્યો છે. વર્ષ 2003માં ભુજ લાંચ રૂશ્વત બ્યુરો દ્વારા આરોપીને છટકું ગોઠવી ઝડપી પાડવામાં આવ્યો હતો.
આ અંગે સામે આવેલી વિગતો મુજબ વર્ષ 2003માં ભુજ લાંચ રૂશ્વત બ્યુરોને પાણી પુરવઠા બોર્ડના ડિવિઝન 2 ખાતે ગટર વ્યવસ્થા બોર્ડના પંપ રીપેરીંગ સહિતની કામગીરી કરી હતી. જે માટે કામની કુલ રકમના બિલ પાસ કરાવવા બોર્ડના જુનિયર ક્લાર્ક દ્વારા રૂ. 9 હજારની લાંચ મંગવામાં આવી હોવાની ફરિયાદ મળી હતી. બ્યુરો દ્વારા છટકું ગોઠવી લાંચની રકમ સ્વીકારવા બદલ આરોપી શશીકાંત કરસનદાસ ઠકકરને રંગે હાથ ઝડપી લઈ કાયદેસરની કાર્યવાહી હાથ ધરવામાં આવી હતી. આ બાબતનો કેસ આજે અંજાર એસીબીની સ્પેશિયલ કોર્ટમાં ચાલી જતા ન્યાયાધીશ દ્વારા ભ્રષ્ટાચાર નિવારણ અધિનિયમની કલમો તળે આરોપીને એક-એક વર્ષની સાદી કેદની સજાનો હુકમ આપ્યો હતો . આ બન્ને સજા સાથે ભોગવવાનો ચુકાદો આપ્યો હતો ઉપરાંત રૂ. એક લાખનો દંડ ફટકારતી સજા સંભળાવી ભ્રષ્ટ સરકારી કર્મીઓ માટે ધાક બેસાડતો ચુકાદો આપ્યો હતો.
