સુરતએક કલાક પહેલા
- કૉપી લિંક
વરાછામાં આઇસર ટેમ્પોએ બાઈક ચાલકને અડફેટે લેતાં વૃદ્ધ મહિલાનું ઘટના સ્થળે કમ કમાટી ભર્યું મોત નીપજ્યું
સુરતના વરાછા પોદાર અર્કેડ પાસે ગંભીર અકસ્માત સર્જાયો હતો. પૂરપાટ ઝડપે આવતા આઇસર ટેમ્પો ચાલકે બાઈક ચાલકને ટક્કર મારી હતી. જેને લઇ બાઈક પર બેઠેલા 64 વર્ષીય વૃદ્ધ મહિલા નીચે પટકાયા હતા અને ટેમ્પો તેના પરથી ફરી મળતા વૃદ્ધ મહિલાનું ઘટના સ્થળે કમકમાટી ભર્યું મોત નીપજ્યું હતું. સમગ્ર ઘટના દૂરના સીસીટીવીમાં કેદ થઈ ગઈ હતી. ત્યારે બનાવને પગલે વરાછા પોલીસ ઘટના સ્થળે પહોંચી અકસ્માત મોતનો ગુનો નોંધી વધુ તપાસ હાથ ધરી છે.
વરાછામાં સર્જાયો ગમખ્વાર અકસ્માત
સુરતના વરાછા વિસ્તારમાં આવેલા પોદાર આર્કેડની પાસે આજે ગંભીર ગમખ્વાર અકસ્માતની ઘટના બનવા પામી હતી. પોદાર આર્કેટ પાસે બીઆરટીએસ રૂટની બાજુમાંથી બાઈક પર દંપતી પસાર થઈ રહ્યું હતું. દરમિયાન બાઈક પર પસાર થઈ રહેલ દંપત્તિને પાછળથી આઇસર ટેમ્પો ચાલકે ટક્કર મારી હતી. પૂરપાટ ઝડપે આઇસર ટેમ્પો ચાલકે બાઇકને ટક્કર મારી ચાલ્યો ગયો હતી. ત્યારે બાઈક પર સવાર 64 વર્ષીય વૃદ્ધ મહિલા ભગવતીબેન વારલેકર જમીન પર પટકાયા હતા. ત્યારે તેની પરથી આઇસર ટેમ્પો ફરી વળ્યો હતો.
મહિલાનું ઘટના સ્થળે મોત
આઇસર ટેમ્પો દ્વારા બાઈક ચાલકને અડફેટે લઈ તે આગળ નીકળી ગયો હતો. વૃદ્ધ મહિલા પરીથી તેનું વ્હીલ ફરી વળ્યુ હતું. ત્યારે આટલો ગંભીર આઇસર ટેમ્પો ચાલકને અકસ્માત થયા હોવાની જાણ જ થઈ ન હતી અને તે ઘટનાને અંજામ આપી ત્યાંથી પસાર થઈ ગયો હતો. જો કે, અકસ્માત સર્જાતા આસપાસથી લોકો દોડી આવ્યા હતા. ઘટનાને પગલે લોકોએ તાત્કાલિક 108ને બોલાવી હતી અને પોલીસને જાણ કરી હતી. દરમિયાન આ ઘટનામાં બાઈક પર સવાર 64 વર્ષીય મહિલાનું ઘટના સ્થળે જ કમકમાટી ભર્યુ મોત નિપજ્યું હતું. જ્યારે બાઈક ચલાવનાર મહિલાના પતિને ગંભીર ઇજા થતાં તેને 108 મારફતે સારવાર માટે સ્મીમેર હોસ્પિટલ ખસેડવામાં આવ્યા હતા.
પોલીસે તપાસ શરૂ કરી
ઘટનાની જાણ પોલીસને થતા વરાછા પોલીસનો કાફલો ઘટના સ્થળે દોડી આવ્યો હતો. પોલીસે ઘટના સ્થળે પહોંચી તાત્કાલિક તપાસ હાથ ધરી હતી અને પોલીસે અકસ્માત સર્જનાર ટેમ્પો ચાલકને શોધી કાઢ્યો હતો. પોલીસે આઇસર ટેમ્પો કબજે કરી ટેમ્પો ચાલકની અટકાયત કરી છે. પોલીસે મહિલાના મૃત દેહને પીએમ અર્થે સ્મીમેર હોસ્પિટલ મોકલી આપ્યો છે. જ્યારે બાઈક ચલાવનાર પતિને ગંભીર ઈજા પહોંચતા તેને સારવાર માટે હોસ્પિટલ ખસેડવામાં આવ્યો છે અને તેની પાસેથી નિવેદન લઈ માહિતી મેળવવાનો પ્રયાસ કરાઈ રહ્યો છે.
સમગ્ર ઘટના દૂરના સીસીટીવીમાં કેદ
વરાછા પોલીસનો કાફલો ઘટના સ્થળે પહોંચી આવ્યા બાદ અકસ્માતને લઈ આસપાસના સીસીટીવીની તપાસ કરી હતી. દરમિયાન પોદાર આર્કેટની પાસે આવેલા દૂરના એક સીસીટીવી કેમેરામાં આ ઘટના થોડી કેદ થઈ હતી. સીસીટીવીમાં આઇસર ટેમ્પો અકસ્માત સર્જી પુરપાટ ઝડપે આગળ નીકળી જતો હોવાનું જોવા મળ્યું હતું. પોલીસે સીસીટીવીના આધારે આઇસર ટેમ્પાની ઓળખ કરી તાત્કાલિક આઇસર ટેમ્પો કબજે કરી લીધો હતો અને ટેમ્પો ચાલકની પણ અટકાયત કરી કાયદેસરની કાર્યવાહી હાથ ધરી હતી.