વડોદરા12 મિનિટ પહેલા
- કૉપી લિંક
પ્રજ્ઞાચક્ષુ કેટેગરીમાં રાજ્યમાં પ્રથમ આવનાર વડોદરાની યેશાને IAS બનવાની ઇચ્છા છે
ગુજરાત માધ્યમિક શિક્ષણ બોર્ડ દ્વારા લેવામાં આવેલી પરિક્ષાનું આજે પરિણામ જાહેર થયું છે. જેમાં વડોદરાની યેશા મકવાણાએ પ્રજ્ઞાચક્ષુ કેટેગરીમાં લેપટોપનો ઉપયોગ કરીને આપેલી ધોરણ 10 ની પરિક્ષામાં 85.2 ટકા મેળવી ગુજરાતમાં પ્રથમ સ્થાન હાસલ કર્યું છે. યેશાએ IAS બનવાની ઇચ્છા વ્યક્ત કરી છે. અને પોતે IAS બનીને રહેશે તેવો વિશ્વાસ વ્યક્ત કર્યો હતો.
હું બહું ખૂશ છું
ધાર્યું પરિણામ મેળવનાર યેશાએ ખૂશી અને ગૌરવ વ્યક્ત કરતાં જણાવ્યું હતું કે, મેં પરીક્ષાનું પ્રશ્નપત્ર બ્રેઈલમાં પસંદ કર્યુ હતું. અને મેં નિયત સમય મર્યાદામાં સફળતાપૂર્વક તમામ પેપરના જવાબ આપ્યા હતા. મને મારું ધાર્યું પરિણામ આવતા હું અને મારા પિતા વિજયભાઇ, માતા વિકાસબહેન સહિત પરિવાર ખૂબ ખુશ છે. દીકરી યેશાની સાથે પરિણામ લેવા માટે આવેલી માતા વિકાસબહેને જણાવ્યું હતું કે, આજે હું મારી દીકરીથી ખૂબ ખુશ છું. અમે તેની IAS બનવાની ઇચ્છા પૂરી કરવા માટે ભવિષ્યમાં જે સંઘર્ષ કરવો પડે તે કરવા તૈયાર છે.
માતા વિલાસબહેન સાથે યેશા
બે વર્ષથી સંકુલ સાથે છે
યેશા દીપક ફાઉન્ડેશન સંચાલિત સંકુલ સ્કૂલ અને રિસોર્સ સેન્ટરના સમાવિષ્ટ શિક્ષણ પ્રોજેક્ટના ભાગરૂપે વેબ મેમોરિયલ સ્કૂલમાં અભ્યાસ કરે છે. તે છેલ્લા બે વર્ષથી સંકુલ સાથે છે અને તે પહેલાં તેના જીવનમાં ક્યારેય કોમ્પ્યુટર સાથે કામ કર્યું ન હતું. આ ઐતિહાસિક પગલું ભરત વાયા, આચાર્ય સંકુલ શાળા, બરોડા, સ્ટાફ અને મેનેજમેન્ટના પ્રયાસોના ઇનપુટને કારણે પ્રાપ્ત થયું છે.
ધાર્યુ પરિણામ અપાવનાર ભરત વાયા સાથે યેશા
તાલિમ આપવામાં આવી હતી
ભરત વાયાએ જણાવ્યું હતું કે, અમે યેશાને કમ્પ્યુટર પર સંપૂર્ણ શબ્દ અને ફોર્મેટિંગ લખવાની તાલીમ આપી હતી. અને ફરજિયાત એકમ કસોટી લીધી જેહતી. તે અમને ઈમેલ કરે છે. હું આ બાબતને પ્રિન્ટમાંથી ટેક્સ્ટમાં અને પછી બ્રેઈલમાં કન્વર્ટ કરું છું અને તેણીને નિયત સમયમાં પેપરનો પ્રયાસ કરાવતો હતો. તે ત્રણ કલાકમાં તેની પરીક્ષા પૂર્ણ કરવામાં સક્ષમ હતી. અમે તેને તાલીમ આપવા માટે નોન વિઝ્યુઅલ ડેસ્કટોપ એક્સેસ (NVDA) નો ઉપયોગ કર્યો હતો. આજે તણે તેની અથાગ મહેનતનું ફળ મળ્યું છે.
રાઇટર વિના પરિક્ષા આપી
યેશાએ પ્રિલિમ પરીક્ષામાં 82 ટકા મેળવ્યા હતા. અને તેના વર્ગમાં પ્રથમ સ્થાન મેળવ્યું હતું. 10મા અને 12મા ધોરણના કુલ 19 વિદ્યાર્થીઓ પોતાની જાતે પરીક્ષા આપવા માટે કોમ્પ્યુટરની તાલીમ મેળવી રહ્યા છે. જેમાં યેશા એકમાત્ર એવી હતી કે, જેણે પોતાના ધોરણ 10માની બોર્ડની પરીક્ષાઓ આત્મવિશ્વાસ સાથે લખી હતી. અને દિવ્યાંગ કેટેગરીમાં ગુજરાતમાં પ્રથમ સ્થાન મેળવ્યું છે.
ભવિષ્યમાં પગભર બને
યેશા દરેક ક્ષેત્રમાં ઉત્સાહી છે અને પોતાની જાતને દિવ્યાંગ તરીકે વ્યાખ્યાયિત કરતી નથી. તે ગાયન અને અન્ય પ્રવૃત્તિઓમાં સારી છે અને ભવિષ્યમાં IAS બનવા માંગે છે. અમારો ઉદ્દેશ્ય વિદ્યાર્થીઓને આત્મનિર્ભર બનાવવાનો અને તેમના પોતાના પર એવી વસ્તુઓ કરવાનો છે જે તેમને આત્મવિશ્વાસ આપે છે. ટેક્નોલોજી આજની જરૂરિયાત છે અને અમે અહીં સંકુલમાં તેમને વિવિધ ટેક્નોલોજી, એપ્લિકેશન્સ અને અન્ય ઉપયોગી વસ્તુઓ શીખવીએ છીએ જે તેમને ભવિષ્યમાં સ્વતંત્ર બનાવે છે. તેમ સમાજ સુરક્ષા સંકુલના ઈન્ચાર્જ ડો. રૂચી મહેતાએ જણાવ્યું હતું.
67 વિદ્યાર્થી અભ્યાસ કરી રહ્યા છે
યેશા કોમ્પ્યુટરનો ઉપયોગ કરીને પોતાની પરીક્ષા આપવા માટે પરીક્ષા બોર્ડની પરવાનગી લેવી પડી હતી. હવે તે તેના જેવી છોકરીઓ માટે વિશ્વાસ અને આત્મવિશ્વાસ સાથે તેમના જીવનમાં નવી ઊંચાઈ પ્રાપ્ત કરવા માટે એક પ્રેરણા બની ગઈ છે. હાલમાં સંકુલમાં 67 વિદ્યાર્થીઓ કીબોર્ડ ઓરિએન્ટેશન શીખી રહ્યા છે.