દાહોદ (ગુજરાત)એક કલાક પહેલા
- લિંક કૉપિ કરો
બંને બસનો આગળનો ભાગ સંપૂર્ણ ક્ષીણ થઈ ગયો હતો.
ગુજરાતના ઝાલોદ તાલુકાના વેલપુરા ગામમાં સંતરામપુર હાઇવે પર બે ST બસો સામસામે અથડાયા હતા. અકસ્માત એટલો ભયંકર હતો કે બંને બસનો આગળનો ભાગ સંપૂર્ણ રીતે ચકનાચૂર થઈ ગયો હતો. આ અકસ્માતમાં બસમાં સવાર 30 થી વધુ મુસાફરો ઘાયલ થયા છે, જ્યારે તેમાંથી 15 થી વધુની હાલત ગંભીર બનતા તેમને સારવાર માટે દાહોદની ઝાયડસ હોસ્પિટલમાં દાખલ કરવામાં આવ્યા છે.
અકસ્માતમાં કોઈ જાનહાનિ નથી
દાહોદ જિલ્લાના ફતેપુરા તાલુકાના સુખપર ગામ પાસેથી પસાર થતા ઝાલોદ સંતરામપુર હાઈવે પર વેલપુરા ગામ પાસે બે એસટી બસ સામસામે અથડાયા હતા. આ અકસ્માતમાં 30થી વધુ મુસાફરો ઘાયલ થયા છે. અકસ્માતના સમાચાર મળતા જ 108ની ટીમે તમામ ઘાયલોને તાત્કાલિક નજીકની હોસ્પિટલમાં દાખલ કર્યા હતા.
આ દુર્ઘટનામાં કોઈ જાનહાનિ થઈ ન હતી પરંતુ 15 થી વધુ મુસાફરોને મોટી ઈજાઓ પહોંચી હતી. ઘટનાની જાણ થતા પોલીસ કાફલો ઘટના સ્થળે પહોંચી વધુ તપાસ હાથ ધરી છે.
