સુરત21 મિનિટ પહેલા
- કૉપી લિંક
પ્રતીકાત્મક તસવીર
- ટોળકીએ ફંડ ટેક્સ ક્લિયરન્સ સહિતના નામે ટૂકડે ટૂકડે વેપારી પાસેથી રકમ પડાવી
માતાના નામે વીમાના 16.28 લાખ મેળવવાના ચક્કરમાં હીરાવેપારીએ 77 લાખ ગુમાવ્યા છે. અડાજણ પાલ શ્રીપદ અનંતામાં રહેતા 39 વર્ષીય હીરા વેપારી શૈલેષભાઈ સાવલીયાએ સાયબર ક્રાઇમમાં ફરિયાદ આપતા પોલીસે અજાણ્યા સામે ચીટીંગનો ગુનો નોંધ્યો છે, 17મી સપ્ટેમ્બરે સવારે એક શખ્સનો મેક્સ લાઇફ ઇન્શ્યોરન્સ કંપનીમાંથી બોલતો હોવાની વાત કરી હતી. પછી તેણે હીરાના વેપારીને કહ્યું કે તમારા માતા વિમલાબેન સાવલીયાના વીમાના 16.28 લાખ મળવાપાત્ર છે અને તે રૂપિયા મેળવવા પહેલાં 42115 રૂપિયા ટ્રાન્સફર કરવા પડશે .
વેપારીએ તેના ખાતામાં ટ્રાન્સફર કર્યા હતા. ત્યાર પછી ફંડ કિલયન્સ, ફંડ ટેક્ષ ક્લીયરન્સ, સ્ટેટ ફંડ રેવન્યુ ચાર્જ, એનઓસી ચાર્જ, સ્ટેટ ફંડ ટ્રાન્જેકશન અને ઈન્કમટેક્ષ ફંડ ક્લીયરન્સ ટેક્સ સહિતના નામે વેપારી પાસેથી 77 લાખ પડાવ્યા હતા. વેપારીએ 17મી સપ્ટેમ્બરથી લઈ 14મી ઓકટોબર-22 સુધીમાં 77 લાખ ટોળકીના ખાતામાં ટ્રાન્સફર કર્યા હતા.ટોળકીએ તમામ ટ્રાન્જેકશનોની રસીદ પણવેપારીને મોકલી હતી. ઠગે ભારતીય વીમા નિયામક ઔર વિકાસ પ્રાધિકરણના લેટર પેડ પર બનાવટી લેટર પણ મોકલ્યો હતો.
સિટીલાઇટની મહિલા સીએએ 6 લાખ ગુમાવ્યા
સિટીલાઇટની મહિલા ચાર્ટર્ડ એકાઉન્ટન્ટના ખાતામાંથી 6.16 લાખરૂપિયા ઉપડી ગયા હતા હતી.સીએએ ગુગલ પરથી પંજાબ નેશનલ બેંકનો કસ્ટમર કેરનો ખોટો નંબર લીધો હતો. જેના પર કોલ કરતા સામેની વ્યકિતે પંજાબ એન્ડ નેશનલ બેંકના કસ્ટમર કેરમાંથી બોલું છું એમ કહ્યું હતું. પછી ઠગે ચાર્ટર્ડ એકાઉન્ટન્ટના મોબાઇલ પર એક લીંક મોકલી હતી. જે લીંક ઓપન કરી મહિલાએ તમામ વિગતો ભરી દીધી હતી. લીંકમાં ભરેલી વિગતોને કારણે મહિલાના બેંક ખાતામાંથી 6.16 લાખની રકમ ઉપડી ગઇ હતી.
