300 બોટલથી વધારે વિદેશી દારૂનો જથ્થો કબજે કર્યો
આ સાથે વાત કરવામાં આવે તો, વલસાડ નજીકથી પસાર થતા અમદાવાદ મુંબઈ નેશનલ હાઈવે પરથી વલસાડ રૂરલ પોલીસે મોંઘી દાટ ગાડીઓમાં દારૂની હેરાફેરીના ત્રણ કેસ કર્યા છે. જેમાં પોલીસે આરોપીઓની ધરપકડ કરી 300 બોટલથી વધારે વિદેશી દારૂનો જથ્થો મળી અંદાજે પાંચ લાખથી વધુનો મુદ્દા માલ કબજે કરી અને આરોપીઓ વિરુદ્ધ કાયદેસરની કાર્યવાહી હાથ ધરી છે. વલસાડ રૂરલ પોલીસ 31 ડિસેમ્બર અને નવા વર્ષની ઉજવણીને લઈ પોલીસના એક્શન પ્લાન મુજબ હાઇવે પર વાહન ચેકિંગમાં હતી.આ પણ વાંચો: બહેન માટે છોકરો જોવા અમદાવાદ આવવું યુવકને 10.75 લાખમાં પડ્યું
પોલીસે સઘન ચેકિંગ શરૂ કરી દીધું
ઉલ્લેખનીય છે કે, દરમિયાન આ વાહનો ત્યાંથી પસાર થઈ રહ્યા હતા. અને અલગ અલગ જગ્યાએથી આ વાહનોમાં ચોરખાના બનાવી અને થતી દારૂની હેરાફેરીને ઝડપી પાડવામાં આવી છે. આ મામલે પોલીસે પાંચ આરોપીઓની ધરપકડ કરી તમામ વિરુદ્ધ કાયદેસરની કાર્યવાહી હાથ ધરાઈ છે. પોલીસના હાથે ઝડપાયેલા આરોપીઓની વાત કરવામાં આવે તો, સુભાષ વસાવા, મહિમા પંડા, વિશાલ કદમ,સંજીત ઉર્ફે સંદીપ યાદવ અને સોનું લક્ષ્મણ ઉર્ફે ચામુંડા અર્જુન ખરવાલનો સમાવેશ થાય છે.
આ પણ વાંચો: ગોંડલના સુલતાનપુરમાં ગરીબ પરિવારને નવું મકાન બનાવીને આપી અદ્યતન સુવિધા, જુઓ તસવીરો
તમામ વિરૂદ્ધ પોલીસે કાર્યવાહી હાથ ધરી
આ તમામની ધરપકડ કરી પોલીસે તેમના વિરૂદ્ધ કાયદેસરની કાર્યવાહી હાથ ધરી છે. આગામી સમયમાં પણ 31મી ડિસેમ્બર અને નવા વર્ષની ઉજવણીને લઈ વલસાડ જિલ્લા પોલીસ સતર્ક છે. જિલ્લાની તમામ આંતર રાજ્ય ચેકપોસ્ટો પર ચુસ્ત પોલીસ બંદોબસ્ત સાથે ચેકિંગ ચાલી રહ્યું છે. આથી આ વખતે વલસાડ જિલ્લામાં દારૂની હેરાફેરી અને નશાની હાલતમાં ઝડપાયા શોખીનોને સબક શીખવવા પોલીસ અત્યારથી જ કામે લાગી ગઈ છે.
તમારા શહેરમાંથી (વલસાડ)
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: 31st december, 31st Party, New year party, Valsad news, Valsad police