india vs bangladesh second test india wins with three wickets here are scores

INDIA WINS AGAINST BANGLADESH: ભારત અને બાંગ્લાદેશ વચ્ચેની બીજી ટેસ્ટમાં ભારતનો 3 વિકેટે વિજય થયો હતો. ભારત પર ગઇકાલ સુધી પરાજયનું સંકટ તોળાઈ રહ્યું હતું. કારણ કે ભારતના ટોપ ઓર્ડરનો મિનિ ધબડકો થયો હતો. પણ ત્યાર પછી અક્ષર પટેલે બાજી થોડી સાંભળી હતી. પણ આજે પાંચમા દિવસે પણ સવારે વહેલી ત્રણ વિકેટો પડી જતાં એક સમયે લાગતું હતું કે ભારત હારી જશે પરંતુ ત્યાર પછી ઇન ફોર્મ બેટ્સમેન શ્રેયસ ઐયરે અને ઓલરાઉન્ડર રવિચંદ્રન અશ્વિને સ્થિરતા અપાવતા ભારતને જીત સુધી લઈ ગયા હતા.

વર્લ્ડ ટેસ્ટ ચેમ્પિયનશિપની વાત કરીએ તો આ મેચ ભારતીય ટીમ માટે મહત્વપૂર્ણ છે. અત્યારે તે ટેબલમાં બીજા નંબર પર છે. બાંગ્લાદેશ તરફથી લિટન દાસે શાનદાર 73 રન બનાવ્યા હતા. આ સાથે જ ઝાકિર હસને પણ 51 રનની સંઘર્ષપૂર્ણ ઇનિંગ રમી હતી. મેચમાં બાંગ્લાદેશે પ્રથમ દાવમાં 212 જ્યારે ભારતે 314 રન બનાવ્યા હતા. આ રીતે ભારતને 87 રનની જંગી લીડ મળી હતી. 2016ની વાત કરીએ તો આ મેદાન પર ઈંગ્લેન્ડને 274 રનનો ટાર્ગેટ મળ્યો હતો, જેના જવાબમાં ઈંગ્લેન્ડની ટીમ 164 રન બનાવીને પેવેલિયન પરત ફરી હતી. તે જ સમયે, 2018 માં, વેસ્ટ ઈન્ડિઝની ટીમ 204 રનના લક્ષ્યનો પીછો કરતી વખતે 139 રનમાં ઓલઆઉટ થઈ ગઈ હતી.

2ND Test. India Won by 3 Wicket(s) https://t.co/CrrjGfXPgL #BANvIND

— BCCI (@BCCI) December 25, 2022

Published by:Mayur Solanki

First published: December 25, 2022, 11:23 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IND Vs BAN, India vs Bangladesh, Shreyas iyer, ક્રિકેટ