Gold Silver Price Today: વિક્રમી કિંમત તરફ આગળ વધી રહેલા સોનાની તેજીને આજે બ્રેક લાગી છે અને સોનામાં પ્રોફિટ બુકિંગ જોવા મળી રહ્યું છે. છેલ્લા ટ્રેડિંગ સેશનમાં 56 હજારનો આંકડો વટાવનાર સોનું આજે 56 હજારની નીચે ઉતરી ગયું છે. મંગળવારે વાયદા બજારમાં પણ ચાંદીના ભાવમાં ઘટાડો જોવા મળ્યો છે અને આજે ચાંદીના ભાવમાં રૂ.400થી વધુનો ઘટાડો નોંધાયો છે. ચાંદી પણ 69 હજારની નીચે કારોબાર કરી રહી છે.
મંગળવારે સવારે 10 વાગ્યે મલ્ટીકોમોડિટી એક્સચેન્જ (MCX) પર 24 કેરેટ સોનાનો વાયદો રૂ. 2ના સામાન્ય ઘટાડા સાથે 55,862 પર ટ્રેડ થઈ રહ્યો હતો. અગાઉ સોનામાં 55,920 રૂપિયાના સ્તરે ખુલીને ટ્રેડ શરૂ થયો હતો. છેલ્લા ટ્રેડિંગ સેશનમાં સોનાની કિંમતમાં મોટો ઉછાળો આવ્યો હતો અને આ રેકોર્ડ 56,200ની ઉપર જતો જોવા મળ્યો હતો. જોકે, બાદમાં વેચવાલી જોવા મળી હતી અને સોનાના ભાવમાં ઘટાડો થયો હતો.
ચાંદીએ પણ તેની ચમક ગુમાવી હતી
મંગળવારે, MCX પર સવારે 10 વાગ્યે, ચાંદીના વાયદાના ભાવ રૂ. 430 અથવા 0.62 ટકાના ઘટાડા સાથે 68,470 પર હતા. અગાઉ ચાંદીમાં 68,671 પર ખુલીને કારોબાર શરૂ થયો હતો. એક દિવસ પહેલા ચાંદીના વાયદાના ભાવ પણ 70 હજારની નજીક જતા દેખાતા હતા પરંતુ બાદમાં વેચવાલી વધવાને કારણે તેના ભાવમાં પણ ઘટાડો થયો હતો અને ભાવ ફરી એકવાર 69 હજારની નીચે આવી ગયો હતો.
News Reels
વૈશ્વિક બજારમાં સોનું મજબૂત, ચાંદી તૂટી
આજે આંતરરાષ્ટ્રીય બજારમાં પણ સોના અને ચાંદીના ભાવમાં ફેરફાર જોવા મળી રહ્યો છે. યુએસ માર્કેટમાં સોનાનો હાજર ભાવ 0.11 ટકા વધીને 1871.57 ડોલર પ્રતિ ઔંસ થયો હતો જ્યારે ચાંદીનો હાજર ભાવ 1.99 ટકા ઘટીને 23.52 ડોલર પ્રતિ ઔંસ થયો હતો. વૈશ્વિક બજારમાં પણ સોના-ચાંદીના ભાવમાં સતત વધારો જોવા મળી રહ્યો છે.
સોનાની આગામી આગાહી શું રહેશે?
સોનાના ભાવ MCX પર રેકોર્ડ તોડવા આતુર છે, ત્યાં હાજર બજારમાં તેની કિંમત પણ કોરોના પહેલાના સ્તરથી ઘણી ઉપર પહોંચી ગઈ છે. કોમોડિટી નિષ્ણાતોનો અંદાજ છે કે વર્ષ 2023માં સોનાની કિંમત 60 હજારની આસપાસ પહોંચી શકે છે. લગ્નની સિઝન શરૂ થયા બાદ તેની કિંમતોમાં જોરદાર ઉછાળો આવવાની શક્યતા છે.
ભારત અને શ્રીલંકા વચ્ચે ત્રણ મેચની વનડે શ્રેણીની પ્રથમ મેચ 10 જાન્યુઆરી (મંગળવાર)ના રોજ ગુવાહાટીમાં રમાશે. આ વર્ષે વનડે વર્લ્ડ કપ યોજાવાનો છે, તેથી ભારતીય ટીમ માટે શ્રીલંકા સીરિઝ ઘણી મહત્વપૂર્ણ છે. રોહિત શર્મા આ ODI સિરીઝમાં ટીમ ઈન્ડિયાની કેપ્ટનશીપ કરી રહ્યો છે, જે અંગૂઠાની ઈજામાંથી સંપૂર્ણ રીતે સ્વસ્થ થઈ ગયો છે. જ્યારે હાર્દિક પંડ્યા વાઇસ કેપ્ટનની ભૂમિકામાં છે.
શુભમન ગિલ અને રોહિત ઓપનિંગ કરશે
પ્રથમ વનડેમાં તમામની નજર ભારતીય ટીમના પ્લેઈંગ-11 પર રહેશે. છેલ્લી મેચમાં બેવડી સદી ફટકારનાર ઈશાન કિશનને પ્લેઈંગ-11માંથી બહાર બેસવું પડશે. કેપ્ટન રોહિત શર્માએ પુષ્ટી કરી કે તે પોતે શુભમન ગિલ સાથે ઓપનિંગ કરશે.
રોહિત શર્માએ કહ્યું, ‘બંને ઓપનરો (ગિલ અને કિશન) ખરેખર સારું પ્રદર્શન કર્યું છે. પરંતુ મને લાગે છે કે શુભમન ગિલને તક આપવી યોગ્ય રહેશે કારણ કે તેણે અગાઉની મેચોમાં ઘણા રન બનાવ્યા હતા. હું ઈશાન પાસેથી કોઈ શ્રેય લેવાનો નથી. તે અમારા માટે ખૂબ જ સારો રહ્યો છે. તેણે બેવડી સદી ફટકારી છે અને હું જાણું છું કે બેવડી સદી ફટકારવી એ કેટલી મોટી ઉપલબ્ધિ છે. પરંતુ સાચું કહું તો અમારે એવા ખેલાડીઓને પૂરતી તક આપવાની જરૂર છે જેમણે અગાઉ સારું પ્રદર્શન કર્યું છે.
ઉલ્લેખનીય છે કે ટી-20ના નંબર-1 ખેલાડી સૂર્યકુમાર યાદવને પણ પ્લેઈંગ-11માંથી બહાર રહેવું પડી શકે છે. શ્રેયસ સૂર્યા પર ધ્યાન આપી શકે છે, જેણે ગયા વર્ષે વન-ડે ક્રિકેટમાં ઘણા રન બનાવ્યા હતા. રોહિતે કહ્યું કે ભારત એવા ખેલાડીઓને મહત્વ આપશે જેમણે ODI ફોર્મેટમાં સારું પ્રદર્શન કર્યું છે. રોહિતે કહ્યું, ‘હું પણ ફોર્મ સમજું છું. ફોર્મ મહત્વનું છે, પરંતુ ફોર્મેટ પણ મહત્વપૂર્ણ છે. 50-ઓવરનું ફોર્મેટ એક અલગ ફોર્મેટ છે, જે T20 કરતાં થોડું લાંબુ છે અને જે ખેલાડીઓ વન-ડેમાં સારો દેખાવ કરે છે તેમને ચોક્કસપણે તક મળશે.
ફાસ્ટ બોલર જસપ્રીત બુમરાહની બહાર થયા બાદ શમી સિવાય ભારત પાસે બે ફાસ્ટ બોલરો માટે જગ્યા છે. આ સાથે જ હાર્દિક પંડ્યા ચોથા ફાસ્ટ બોલરની ભૂમિકા ભજવશે. બે ઝડપી બોલરો માટે મોહમ્મદ સિરાજ, અર્શદીપ સિંહ અને ઉમરાન મલિક વચ્ચે મુકાબલો છે. અર્શદીપ સિંહ અને મોહમ્મદ સિરાજને પ્લેઇંગ-11માં સ્થાન મળે તેવી શક્યતા વધુ છે અને બંને મોહમ્મદ શમીને સપોર્ટ કરશે.
Abhishek Gondaliya, Amreli:ગીર પૂર્વેના પાણિયા રેન્જમાંથી એક ઘાયલ સિંહબાળને જ પકડવામાં આવ્યું હતું. સિંહબાળના જડબામાં ફેક્ચર થયું હતું. જેથી રેસ્ક્યુ કરી હોસ્પિટલમાં ખસેડવામાં આવ્યું હતું અને તેના જડબાનું ઓપરેશન કરવામાં આવ્યું હતું.
વન અધિકારી રાજદીપસિંહ ઝાલાએજણાવ્યું હતું કે, ગીર પૂર્વની વાણિયા રેન્જમાંથી ઝડપાયેલા એક ઘાયલ સિંહબાળને જડબામાં ખૂબ જ ઈજા હોય જેથી જૂનાગઢ હોસ્પિટલ ખાતે ખસેડવામાં આવ્યું હતું. જૂનાગઢની વેટનરી કોલેજના તબીબો દ્વારા આજે સિંહબાળના જડબાનું સફળ ઓપરેશન કરવામાં આવ્યું હતું.
સિંહબાળને જડબામાં ફેક્ચર થયું હતું. ગીર પૂર્વ ધારી ડિવિઝન નીચે રેન્જમાં થોડા દિવસ પહેલાં ઘાયલ થયેલા સિંહબાળનું રેસ્ક્યુ કરવામાં આવ્યું હતું અને જેનેએનિમલ કેર સેન્ટર ખાતે મોકલવામાં આવ્યું હતું. એનિમલ કેરમાંજડબામાં ફેક્ચર થયા હોવાનું નિદાન થયું હતું.
સિંહબાળને જૂનાગઢની કામધેનુ યુનિવર્સિટી હસ્તકની વેટનેરી કોલેજમાં ખસેડાયું હતું. અહીંના વેટેનરી ડો. વૈભવ સી. ડોડીયા ડો. હાર્દિક, ડો. પિયુષ માલવી તથા વેટનરી કોલેજની ટીમ દ્વારા સિંહબાળના જડબાનું ઓપરેશન કરાયું હતું.
મુખ્ય વન રક્ષક આરાધના શાહુ તથા ધારીના ડીસીએફ રાજદીપસિંહ ઝાલા અને કોલેજના ડેન ડો.પી.એચ. ટાંકે સફળ સર્જરી કરનાર ટીમને બિરદાવી હતી.
Mumbai Airport: મુંબઈ એરપોર્ટ પર ડ્રગ્સ ઝડપાયાની આ પહેલી ઘટના નથી. આ પહેલા પણ કસ્ટમ વિભાગે ઘણી વખત એરપોર્ટ પરથી ડ્રગ્સ માફિયાની ધરપકડ કરી છે. ડ્રગ્સના માફિયાઓ અન્ડરગાર્મેન્ટમાં છુપાવીને ડ્રગ્સની હેરફેર કરે છે.
Mumbai Airport Drugs Seized: મુંબઈ એરપોર્ટના કસ્ટમ વિભાગે એક વ્યક્તિની બેગમાંથી રૂ. 28 કરોડનું કોકેઈન જપ્ત કર્યું છે. કસ્ટમ અધિકારીઓએ ભારતીય મુસાફરોની ધરપકડ કરી છે. કસ્ટમ વિભાગે જણાવ્યું કે, ધરપકડ કરાયેલ વ્યક્તિને અન્ય વ્યક્તિએ ડ્રગ્સ લઈ જવાની લાલચ આપી હતી. તેઓ સોશિયલ મીડિયા પર પણ મળ્યા હતા.
કસ્ટમ અધિકારીઓએ જણાવ્યું કે આ વ્યક્તિ દાણચોરીના ભાગ બનવા માટે હનીટ્રેપ કરવામાં આવ્યો હતો. તેની બેગમાંથી રૂ. 28.10 કરોડની કિંમતનું 2.81 કિલો કોકેન મળી આવ્યું છે. જણાવી દઈએ કે મુંબઈ એરપોર્ટ પર ડ્રગ્સ જપ્ત થવાની આ પહેલી ઘટના નથી. આ પહેલા પણ કસ્ટમે ઘણી વખત ડ્રગ્સ સ્મગલરની ધરપકડ કરી છે.
#WATCH | Mumbai Airport Customs y’day arrested an Indian pax carrying 2.81 Kg cocaine worth Rs 28.10 Cr, concealed in a duffle bag. Probe shows that pax was lured to carry drugs by persons whom he met only over social media. He was honey trapped to indulge in smuggling: Customs pic.twitter.com/oCxBG5F2CP
ત્રણ દિવસ પહેલા, 6 જાન્યુઆરીએ, મુંબઈના છત્રપતિ શિવાજી મહારાજ ઈન્ટરનેશનલ એરપોર્ટ પર કસ્ટમ અધિકારીઓએ બે અલગ-અલગ કેસમાં 31.29 કરોડની કિંમતનું 4.47 કિલો હેરોઈન અને 15.96 કરોડની કિંમતનું 1.59 કિલો કોકેઈન જપ્ત કર્યું હતું.
ફોલ્ડર્સ અને બટનોમાં છુપાવ્યા હતા કોકેઈન અને હેરોઈન:
અધિકારીઓના જણાવ્યા મુજબ, એક આંતરરાષ્ટ્રીય મુસાફરે ડોક્યુમેન્ટ ફોલ્ડરમાં હેરોઈન છુપાવ્યું હતું, જ્યારે અન્ય પેસેન્જર પોતાના કપડાના બટનમાં કોકેઈન સાથે પકડાયો હતો. કસ્ટમ્સ એક્ટની સંબંધિત કલમો હેઠળ બે અલગ-અલગ કેસ નોંધવામાં આવ્યા હતા અને આરોપી મુસાફરોની ધરપકડ કરવામાં આવી હતી. બંનેને 14 દિવસની જ્યુડિશિયલ કસ્ટડીમાં મોકલી દેવામાં આવ્યા છે.
Parth Patel, Ahmedabad: AMC દ્વારા દર વર્ષે અમદાવાદમાં ફ્લાવર શોનું આયોજન કરવામાં આવતું હોય છે. ત્યારે આ વખતે BAPS સંસ્થા દ્વારા પ્રમુખસ્વામી મહારાજ શતાબ્દી મહોત્સવની ઉજવણી કરવામાં આવી રહી છે. જેમાં આકર્ષક ગ્લો ગાર્ડન બનાવવામાં આવ્યું છે. આ ગ્લો ગાર્ડન અને ફ્લાવર શોને સંસ્થા દ્વારા અલગ અલગ વિષય આધારિત પ્રતિકૃતિઓ બનાવી લોકો સમક્ષ રજૂ કરવામાં આવી છે. તો આવો આપણે પણ જાણીએ બંને વચ્ચેની સામ્યતા વિશે.
પ્રમુખ જ્યોતિ ઉદ્યાન (ગ્લો ગાર્ડન) ની વિશેષતાઓ પ્રમુખસ્વામી મહારાજે અસંખ્ય આત્માઓના જીવનને શ્રદ્ધા અને ભક્તિના કિરણોથી પ્રકાશિત કર્યા છે. આ માટે શાશ્વત શ્રદ્ધાંજલિ તરીકે એક ગ્લો ગાર્ડન એટલે કે પ્રમુખ જ્યોતિ ઉદ્યાન બનાવવામાં આવ્યું છે. આ ગ્લો ગાર્ડનને છ થીમમાં વિભાજિત કરવામાં આવી છે: ભગવાન, ગુરુ, શાસ્ત્રો, રાષ્ટ્ર, વિશ્વ અને પ્રકૃતિ.
ગ્લો ગાર્ડનના દરેક તત્વનો ઉદ્દેશ્ય પ્રેરણાત્મક સંદેશ આપવાનો
આ જ કારણથી જગત પ્રાણીઓ, પક્ષીઓ અને મનુષ્યોના સંયોજનથી ઝળહળી ઉઠે છે. આ બગીચાના દરેક તત્વનો ઉદ્દેશ્ય પ્રેરણાત્મક સંદેશ આપવાનો છે. ચમકતા તત્વોનું આ પ્રકાશમય પ્રદર્શન આ નગરનું સૌથી અનોખું આકર્ષણ છે. આમાં ખાસ વાત એ છે કે, અક્ષરધામ સ્મારકની બંને બાજુએ સમાન ગ્લો ગાર્ડન આવેલો છે. એટલે કે સમગ્ર ગ્લો ગાર્ડનની મિરર ઈમેજ બનાવવામાં આવી છે.
પ્રકૃતિના દરેક ફૂલ, પક્ષી અને પ્રાણી એ પ્રકૃતિમાં શ્રદ્ધા રાખવાનો સંદેશ સમજાવે છે. આ સંસાર મનુષ્યનો સુંદર માળો છે. તેને બચાવવા અને ટકાવી રાખવાની જવાબદારી આપણી છે. 40 ફૂટ પહોળો અને 10.5 ફૂટ ઊંચો માળો મિત્રતાની ભાવનાનું પ્રતીક છે. ગ્લો ગાર્ડનમાં સુંદર મોર, હાથી, અક્ષર દેરી, હંસ વગેરેના ઝળહળતા પ્રતિબિંબોનો સમાવેશ થાય છે.
આયોજક: BAPS સંસ્થા
તારીખ : 14મી ડિસેમ્બર 2022 થી 15મી જાન્યુઆરી 2023 સુધી
હવાઈ માર્ગે: અમદાવાદ એરપોર્ટ જે લગભગ 20 કિ.મી. દૂર છે.
રેલ્વે દ્વારા: કાલુપુર રેલ્વે સ્ટેશન જે 18 કિ.મી. દૂર છે.
રોડ દ્વારા: અમદાવાદથી 15 કિ.મી. દૂર છે.
અમદાવાદ રિવરફ્રન્ટ ફ્લાવર શો 2023 ની વિશેષતાઓ
31 ડિસેમ્બરના રોજ ગુજરાતના મુખ્યમંત્રી ભૂપેન્દ્ર પટેલે સાબરમતી રિવરફ્રન્ટ ખાતે અદ્ભૂત અમદાવાદ ફ્લાવર શો 2023 ખુલ્લો મુક્યો હતો. અમદાવાદ મ્યુનિસિપલ કોર્પોરેશન દ્વારા આ વાર્ષિક ફ્લાવર શોમાં સુંદર ફૂલો પ્રદર્શિત કરવામાં આવ્યા છે. તમે ફ્લોરલ આર્ટ ઉપરાંત અસામાન્ય ફૂલોની પ્રજાતિઓ પણ જોઈ શકો છો. ભવ્ય રિવરફ્રન્ટ ફ્લાવર પાર્કમાં હંમેશા લટાર મારવાનો આનંદદાયક અનુભવ હોય છે.
ફ્લાવર શો નો ઉદ્દેશ્ય
મુખ્ય ઉદ્દેશ્ય ઉત્કૃષ્ટ અને અસામાન્ય ફૂલોનું અનન્ય પ્રદર્શન મૂકીને મુલાકાતી ઓને વાવેતર અને ફૂલો વિશે માહિતગાર કરવાનો છે. 2023 માં અમદાવાદ ફ્લાવર શોમાં સેવંતી, ગલગોટા, વર્બેના અને પેટુનિયા સહિત સ્થાનિક અને વિદેશી ફૂલોની વિવિધતા પ્રદર્શિત કરવામાં આવી છે.
મુલાકાતીઓ માટે વિવિધ ફાર્મ અને નર્સરીઓ, બાગાયત છોડ, બાગકામ અને રસોડાના બગીચાના ફૂલો અને છોડ તથા અસંખ્ય સ્ટોલ જેમ કે સાલ્વીયા રેડ અને તેમાંથી બનાવેલ વિવિધ શિલ્પોનું પ્રદર્શન છે. જેમાં જિરાફ, G20, હાથી, U20, મિલેટ યર, આઝાદી કા અમૃત મહોત્સવ, ભગવાન હનુમાનજી, ફૂટબોલ, યોગા અને બાર્બી ડોલ એ શો દરમિયાન પ્રદર્શિત કરવામાં આવેલા અસામાન્ય ફૂલોના આકારોમાંથી બનાવેલા છે. આ ફૂલોનું પ્રદર્શન અનેક થીમ પર કેન્દ્રિત છે.
આયોજક: અમદાવાદ મ્યુનિસિપલ કોર્પોરેશન
તારીખ: 31મી ડિસેમ્બર 2022 થી 15મી જાન્યુઆરી 2023 સુધી
સ્થળ: સાબરમતી રિવરફ્રન્ટ, અમદાવાદ
ટિકિટની કિંમત: પ્રવેશ ફી રૂ. 30 છે. 12 વર્ષથી ઓછી ઉંમરના બાળકો માટે કોઈ પ્રવેશ ફી નથી.
કેવી રીતે પહોંચશો
હવાઈ માર્ગે : અમદાવાદ એરપોર્ટ જે લગભગ 12 કિ.મી. દૂર છે.
રેલ્વે દ્વારા : કાલુપુર રેલ્વે સ્ટેશન માત્ર 5 કિ.મી. દૂર છે.
રોડ દ્વારા : અમદાવાદની મધ્યમાં સાબરમતી નદીના કિનારે છે.
તમારા શહેરમાંથી (અમદાવાદ)
Published by:Santosh Kanojiya
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
અમદાવાદઃ શહેરમાં રહેતી એક પરિણીતાએ તેના સાસરિયાઓ સામે ફરિયાદ નોંધાવી છે. સાસરિયાઓ પરિણીતાને નાની-નાની વાતોમાં મહેણા ટોણા મારતા અને ઘરકામ બાબતે બોલાચાલી કરી શારીરિક-માનસિક ત્રાસ આપી ગાળો બોલી પિતાના ઘરેથી પૈસા લાવવા માટે દબાણ કરતા હતા. યુવતીના પતિને સાસુ સસરા ખોટી ચઢામણી કરી ત્રાસ આપતા હતા. આટલું જ નહીં, યુવતીના સસરાએ એક દિવસ તેની સાથે ઝઘડો કરી છાતી પર હાથ લગાવી નિર્લજ હુમલો કરી આને ઘરમાં પુરીને સળગાવી દો, એમ કહેવા લાગ્યા હતા. સાસરિયાઓનો આ ત્રાસ યુવતીથી સહન ન થતાં આખરે તેણે પોલીસ ફરિયાદ નોંધાવતા પોલીસે ગુનો નોંધી તપાસ શરૂ કરી છે.
‘તારા બાપે તને કંઇ આપ્યુ નથી, ભીખારીની દીકરી છે’
ચાંદખેડામાં રહેતી 34 વર્ષીય યુવતી ગાંધીનગર સચિવાલયમાં નોકરી કરે છે. તેના પરિવારમા પતિ તથા સાસુ સસરા અને બે દીકરીઓ છે. યુવતીના લગ્ન વર્ષ 2010માં થયા હતા. યુવતીનો પતિ નવા સચિવાલય ગાંધીનગર ખાતે આંકડા બ્યુરોમાં ઉંચી પોસ્ટ પર નોકરી કરે છે. લગ્ન બાદ યુવતીના પતિએ તેને સારી રીતે રાખ્યા બાદ તેની સાસુ નાની-નાની વાતમાં મહેણાં ટોણા મારી ઘરકામ બાબતે બોલાચાલી કરતા હતા. વર્ષ 2013માં દીકરીને જન્મ આપ્યા બાદ સાસુ સસરા તારા બાપે તને કંઇ આપ્યુ નથી, ભીખારીની દીકરી છે, તેમ કહી મહેણાં મારતા અને યુવતીને તેના પિતાના ઘરેથી પૈસા લાવવા માટે દબાણ કરતા હતા. જેથી યુવતીએ તેના પિતાને વાત કરતા તેના પિતાએ બે લાખ રૂપિયા પણ આપ્યા હતા. છતાંય સાસુ-સસરા હેરાન પરેશાન કરતા અને યુવતી તેના પતિને કહે તો પતિ કહેતો કે મારા માતા-પિતા જેમ કહે તેમ રહેવું પડશે. યુવતીની નણંદ અને નણંદોઇ અવારનવાર ઘરે આવી યુવતી વિશે તેના પતિ અને સાસુ સસરાને ખોટી ચઢામણી કરતા હતા. યુવતી તે બાબતોનો વિરોધ કરે તો તેનો પતિ તેને માર મારતો હતો. ગઇકાલે આ યુવતી સાંજે નોકરી પરથી ઘરે આવી ત્યારે સાસુ-સસરાએ તેને કહ્યું કે, તું તારા પિતાને કેમ બધું કહે છે, તેમ કહી યુવતી સાથે બોલાચાલી કરવા લાગ્યા હતા.
થોડીવાર બાદ યુવતીનો પતિ પણ ઘરે આવતા તેણે પણ યુવતી સાથે ઝગડો કરી ગાળો બોલી તેને માર મારી સોનાનો દોરો તોડી લઇ લીધો હતો. બાદમાં સાસુ-સસરા પણ યુવતીને માર મારવા લાગ્યા અને યુવતીના સસરાએ યુવતીની છાતી પર હાથ નાખી નિર્લજ હુમલો કરી આને ઘરમાં પુરીને સળગાવી દો, એમ કહેવા લાગ્યા હતા. જેથી યુવતીએ પોલીસમાં ફોન કરેલો અને તેના પતિએ યુવતીના પિતાને ફોન કરી કહ્યું કે, તમારી દીકરીને લઇ જાવ. જેથી યુવતી પણ તેનો જીવ બચાવી ઘરમાંથી નાની દીકરીને લઇ ઉઘાડા પગે પહેરેલા કપડે બહાર નીકળી ગઇ હતી. યુવતીના પતિએ યુવતીના પિતાને ફોન કર્યો હોવાથી પિતા તુરંત યુવતીને લેવા આવ્યા હતા. સાસરિયાઓએ યુવતીને અતિશય માનસિક-શારીરિક યાતનાઓ આપી હોવાથી યુવતીએ આ અંગે પતિ, સાસુ-સસરા સહિતના લોકો સામે ફરીયાદ કરતાં પોલીસે આ મામલે ગુનો નોંધી તપાસ શરૂ કરી છે.
TCS Jobs: ભારતની સૌથી મોટી સોફ્ટવેર નિકાસકાર Tata Consultancy Services (TCS) એ ગઈકાલે સાંજે તેના ત્રિમાસિક પરિણામો જાહેર કર્યા. નાણાકીય વર્ષ 2022-23 ના ઓક્ટોબર-ડિસેમ્બર ક્વાર્ટરમાં કંપનીનું પ્રદર્શન શાનદાર રહ્યું છે અને તેના ચોખ્ખા નફામાં 10.98 ટકાનો વધારો જોવા મળ્યો છે. ત્રીજા ક્વાર્ટરમાં TCSનો ચોખ્ખો નફો 10,883 કરોડ રૂપિયા રહ્યો છે. જોકે, આજે કંપનીના શેરમાં ઘટાડો જોવા મળી રહ્યો છે અને TCSના શેરમાં 2 ટકાથી વધુનો ઘટાડો થયો છે.
TCS એ ડિવિડન્ડ અને નોકરીઓને લઈને આ મોટી જાહેરાત કરી છે
કંપનીની બોર્ડ મીટિંગમાં નિર્ણય લેવામાં આવ્યો છે કે 8 રૂપિયાનું વચગાળાનું ડિવિડન્ડ અને શેર દીઠ 67 રૂપિયાનું સ્પેશિયલ ડિવિડન્ડ આપવામાં આવશે. આ સિવાય કંપનીએ એક મોટી જાહેરાત કરી છે કે તે આગામી નાણાકીય વર્ષ એટલે કે 2023-24માં 1.25 લાખથી વધુ લોકોને નોકરી આપશે. આઈટી સેક્ટરમાં ભરતીને લઈને આ એક મોટી જાહેરાત છે અને તેનાથી કંપનીને ફાયદો થવાની અપેક્ષા છે.
તાજેતરમાં TCS કર્મચારીઓની સંખ્યામાં ઘટાડો થયો છે.
News Reels
ઓક્ટોબર-ડિસેમ્બર ક્વાર્ટરમાં સોફ્ટવેર કંપનીના કર્મચારીઓની સંખ્યા 2,197 ઘટીને 6.13 લાખ થઈ છે. ડિસેમ્બર 2022 ક્વાર્ટરમાં કર્મચારીઓની કુલ સંખ્યામાં ઘટાડો થયો હોવા છતાં, TCS એ કહ્યું છે કે તે નાણાકીય વર્ષ 2023-24માં 1.25 લાખથી વધુ લોકોને રોજગાર આપશે. નાણાકીય વર્ષ 2021-22 માં, કંપનીએ 1.03 લાખ નવા લોકોને રોજગારી આપી હતી અને ઓક્ટોબર-ડિસેમ્બર ક્વાર્ટરમાં 2,197 લોકોનો ઘટાડો થયો હોવા છતાં, TCS એ અત્યાર સુધીમાં નાણાકીય વર્ષ 2023 માં લગભગ 55,000 લોકોની ભરતી કરી છે.
શું કહ્યું કંપનીના CEO રાજેશ ગોપીનાથને
કંપનીના ચીફ એક્ઝિક્યુટિવ ડિરેક્ટર અને મેનેજિંગ ડિરેક્ટર રાજેશ ગોપીનાથને ગઈ કાલે જણાવ્યું હતું કે, “જો તમે અમારા એકંદર હાયરિંગ ટ્રેન્ડ પર નજર નાખો, તો અમે લગભગ સમાન સ્તરે ભરતી કરી રહ્યા છીએ. અમે આગામી નાણાકીય વર્ષમાં 1,25,000 થી 1,50,000 લોકોને નોકરીએ રાખવાનું વિચારી રહ્યા છીએ.” કંપનીના ચીફ હ્યુમન રિસોર્સ ઓફિસર (ચીફ એચઆર) મિલિંદ લક્કડે કહ્યું કે નાણાકીય વર્ષ 2022-23માં અત્યાર સુધીમાં 42,000 નવા લોકોની ભરતી કરવામાં આવી છે.
TCSના શેરમાં આજે ઘટાડો નોંધાયો છે
TCSના શેરમાં આજે ઘટાડો જોવા મળી રહ્યો છે અને ગઈકાલના પરિણામો બાદ આજે કંપનીના શેરમાં ઘટાડો જોવા મળી રહ્યો છે. TCSનો શેર આજે સવારે રૂ. 78.45 અથવા 2.36 ટકા ઘટીને રૂ. 3,241.50 પર ટ્રેડ કરી રહ્યો છે.
Joshimath Sinking News: ડિઝાસ્ટર મેનેજમેન્ટ ઓથોરિટી, ચમોલીના જણાવ્યા મુજબ, સોમવારે જોશીમઠમાં વધુ 68 ઘરોમાં તિરાડો જોવા મળી હતી, ત્યારબાદ જમીન ધસી જવાથી પ્રભાવિત ઘરોની સંખ્યા વધીને 678 થઈ ગઈ છે.
Joshimath Sinking News: જોશીમઠમાં જે જમીનને કારણે અસુરક્ષિત જાહેર કરવામાં આવી છે ત્યાં મોટી સંખ્યામાં લોકો તેમના ઘરો છોડવા તૈયાર નથી, જ્યારે ઉત્તરાખંડના મુખ્ય સચિવ એસએસ સંધુએ સોમવારે કહ્યું કે, દરેક મિનિટ મહત્વપૂર્ણ છે. સંધુએ અસરગ્રસ્ત વિસ્તારમાંથી લોકોને તાત્કાલિક બહાર કાઢવાનો નિર્દેશ આપ્યો હતો.
જિલ્લા પ્રશાસને 200થી વધુ અસુરક્ષિત ઘરો પર લાલ નિશાન લગાવ્યું છે. તેણે આ મકાનોમાં રહેતા લોકોને અસ્થાયી રાહત કેન્દ્રોમાં ખસેડવા અથવા ભાડાના મકાનોમાં સ્થળાંતર કરવા જણાવ્યું છે. આ માટે દરેક પરિવારને આગામી છ મહિના સુધી રાજ્ય સરકાર તરફથી 4000 રૂપિયાની માસિક સહાય મળશે.
વધુ 27 પરિવારોને સલામત સ્થળે ખસેડવામાં આવ્યા:
News Reels
ડિઝાસ્ટર મેનેજમેન્ટ ઓથોરિટી, ચમોલીના એક બુલેટિન મુજબ, સોમવારે જોશીમઠમાં વધુ 68 ઘરોમાં તિરાડો જોવા મળી હતી, જે પછી જમીન ધસી જવાથી પ્રભાવિત ઘરોની સંખ્યા વધીને 678 થઈ ગઈ છે, જ્યારે 27 વધુ પરિવારોને સુરક્ષિત સ્થળે ખસેડવામાં આવ્યા છે.
તેમાં કહેવામાં આવ્યું છે કે, શહેરમાં અત્યાર સુધીમાં 82 પરિવારોને સુરક્ષિત સ્થળોએ ખસેડવામાં આવ્યા છે. રાહત અને બચાવ કાર્ય માટે રાષ્ટ્રીય આપત્તિ પ્રતિભાવ દળ (National Disaster Response Force)અને રાજ્ય આપત્તિ પ્રતિભાવ દળ(State Disaster Response Force)ના જવાનોને તૈનાત કરવામાં આવ્યા છે.
સંધુએ જોશીમઠમાં પરિસ્થિતિની સમીક્ષા કરવા માટે રાજ્ય સચિવાલયના અધિકારીઓ સાથે બેઠક યોજી હતી અને લોકોને તેમના ઘરોમાંથી બહાર કાઢવાનું કામ ઝડપી બનાવવા જણાવ્યું હતું જેથી તેઓ સુરક્ષિત રહે.
ગટર લાઇનનું તાત્કાલિક સમારકામ:
અધિકારીએ જણાવ્યું કે, જે જર્જરિત મકાનોમાં તિરાડો પડી ગઈ છે તેને તાત્કાલિક તોડી નાખવા જોઈએ જેથી વધુ નુકસાન ન થાય. તૂટેલી પીવાના પાણીની પાઈપલાઈન અને ગટરલાઈન પણ તાત્કાલિક રીપેર કરવી જોઈએ કારણ કે આ અસરગ્રસ્ત વિસ્તારમાં વસ્તુઓને વધુ જટિલ બનાવી શકે છે.
અસરગ્રસ્ત વિસ્તારમાં રહેતા ઘણા પરિવારો તેમના ઘર પ્રત્યેના ભાવનાત્મક જોડાણને તોડી શકતા નથી અને તેમને છોડવા માંગતા નથી. જેઓ અસ્થાયી આશ્રયસ્થાનોમાં પહોંચ્યા છે તેઓ પણ તેમના ખાલી મકાનો જોવા પહોંચી રહ્યા છે જે જોખમ ભર્યું છે.
શહેરના સૌથી વધુ અસરગ્રસ્ત વિસ્તારો પૈકીના એક મારવાડી વોર્ડના, એક વૃદ્ધ નાગરિક પરમેશ્વરી દેવીએ જણાવ્યું હતું કે, તેણીએ પોતાનું ઘર બનાવવા માટે તેણીની બધી બચત ખર્ચી નાખી હતી અને હવે તેણીને તેને છોડીને રાહત શિબિરમાં જવા માટે કહેવામાં આવી રહ્યું છે.
મારા ઘર જેટલુ નિરાંત હું બીજે ક્યાં અનુભવી શકું?
તેણે એક પ્રાઈવેટ ન્યૂઝ ચેનલને કહ્યું, “હું બીજે ક્યાંય જવા કરતાં મારા ઘરમાં જ મરી જઈશ. મારા ઘર જેવી શાંતિ મને બીજે ક્યાં મળશે.
મનોહરબાગના રહેવાસી સૂરજ કપરવાનની વાત પણ આવી જ છે. તેનો પરિવાર હજુ પણ ઘર છોડવાનો નિર્ણય લઈ શક્યો નથી.
સિંહધારના રહેવાસી ઋષિ દેવીનું ઘર ધીમે ધીમે ધસી રહ્યું છે. તેણીને તેના પરિવાર સાથે સલામત સ્થળે જવાનું હતું, પરંતુ તેણીના પરિવારે તેણીને આમ કરતા અટકાવ્યા હોવા છતાં તે દરરોજ તેના ઘરે પરત ફરે છે. તે હવે તેના ઘરની તિરાડ દિવાલો તરફ જોતી બેઠી છે. રૂમમાં તિરાડો પડી જતાં રમા દેવીના પરિવારને ઘરના વરંડામાં સૂવાની ફરજ પડી હતી અને અંતે તેઓ ગભરાઈને ઘરની બહાર નીકળી ગયા હતા. પ્રાથમિક શાળાની ઇમારતમાં આશ્રય લેનાર લક્ષ્મીએ કહ્યું કે તે કાયમી પુનર્વસન ઇચ્છે છે. “અમે આ અસ્થાયી રાહત શિબિરમાં કેટલો સમય રહીશું,” તેમણે કહ્યું.
દરમિયાન, સુપ્રીમ કોર્ટે જોશીમઠમાં ભૂસ્ખલનને કારણે સર્જાયેલી કટોકટીને રાષ્ટ્રીય આફત તરીકે જાહેર કરવા દરમિયાનગીરીની માંગણી કરનાર અરજદારને તાકીદની સુનાવણી માટે તેમની અપીલની સૂચિબદ્ધ કરવાના હેતુસર મંગળવારે તેનો ઉલ્લેખ કરવા જણાવ્યું છે.
India vs Sri Lanka Thiruvananthapuram Match: ભારતીય ટીમ હાલમાં શ્રીલંકા સામે ત્રણ વન-ડે શ્રેણી ઘરઆંગણે રમી રહી છે. આ સીરિઝ હેઠળ છેલ્લી મેચ 15 જાન્યુઆરીએ તિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમમાં રમાશે. આ મેચની ટિકિટની કિંમત ઘણી વધારે રાખવામાં આવી છે.
આ મોંઘી ટિકિટોના કારણે કેરળની રાજ્ય સરકાર ટીકાનો સામનો કરી રહી છે. પરંતુ આ દરમિયાન કેરળના રમતગમત મંત્રી વી અબ્દુર્રહિમે વિવાદાસ્પદ નિવેદન આપ્યું છે. રમતગમત મંત્રીએ કહ્યું છે કે ભૂખે મરતા લોકોએ મેચ જોવાની જરૂર નથી.
કેરળના રમત મંત્રીએ આપ્યું વિવાદિત નિવેદન
પત્રકારોએ રમતગમત મંત્રીને વન-ડે મેચની મોંઘી ટિકિટો અંગે સવાલ કર્યા હતા. જેના જવાબમાં રમતગમત મંત્રીએ કહ્યું હતું કે, ટેક્સ ઘટાડવાની શું જરૂર છે? આ દલીલ વાહિયાત છે કે દેશમાં મોંઘવારી વધી રહી છે તો ટિકિટ સસ્તી કરવી જોઈએ. ભૂખે મરતા લોકોએ મેચ જોવાની જરૂર નથી. નોંધનીય છે કે તિરુવનંતપુરમ મેચની ટિકિટની કિંમત ઉપરની સીટ માટે 1300 રૂપિયા અને નીચલી સીટ માટે 2600 રૂપિયા રાખવામાં આવી છે.
News Reels
કેરળમાં વિપક્ષી પાર્ટીઓ કોંગ્રેસ અને ભાજપે રમત મંત્રીના ગરીબો વિરુદ્ધના આ નિવેદનની આકરી ટીકા કરી હતી. તેમણે કહ્યું કે કોઈ જનપ્રતિનિધિએ આવું નિવેદન ન કરવું જોઈએ. આ ખોટું છે. વિપક્ષના નેતા વીડી સાથિસને કહ્યું, ‘મુખ્યમંત્રીએ રમતગમત મંત્રીને તેમની ખુરશી પર બેસવા દેવા ન જોઇએ, એક કલાક પણ નહીં. પોતાને ગરીબોનો પક્ષ ગણાવતી CPI(M) હવે આ મામલે શું કરશે?
15 જાન્યુઆરીએ તિરુવનંતપુરમમાં વન-ડે રમાશે.
નોંધનીય છે કે ભારતીય ટીમે તાજેતરમાં જ શ્રીલંકાની ટીમને ઘરે આંગણે ત્રણ મેચની T20 શ્રેણીમાં 2-1થી હરાવ્યું હતું. આ T20 સીરિઝમાં હાર્દિક પંડ્યા કેપ્ટનશિપ સંભાળી રહ્યો હતો. પરંતુ હવે રોહિત શર્માએ વનડે શ્રેણીમાંથી કેપ્ટનશીપ સંભાળી લીધી છે. હવે ભારત અને શ્રીલંકા વચ્ચે ત્રણ મેચની વનડે શ્રેણી રમાઈ રહી છે.
શ્રેણીની પ્રથમ વનડે 10 જાન્યુઆરીએ ગુવાહાટીમાં રમાશે. આ પછી બીજી મેચ 12 જાન્યુઆરીએ કોલકાતાના ઈડન ગાર્ડન્સમાં રમાશે. ત્યારબાદ શ્રેણીની છેલ્લી વનડે 15 જાન્યુઆરીએ તિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમમાં રમાશે. શ્રેણીની ત્રણેય મેચો ભારતીય સમય અનુસાર બપોરે 1.30 વાગ્યાથી રમાશે.
News Reels
