શિયાળામાં બજારોમાં જામફળની મબલખ આવક થતી હોય છે. સમગ્ર દેશમાં એક સાથે દેશી જામફળનો માલ બજારોમાં આવતા તેના ભાવ ખૂબ ઓછા રહે છે. પરંતુ તાઇવાન પિન્ક નામની આ જામફળની પ્રજાતિ એવી છે કે વર્ષના કોઈ પણ સીઝનમાં ખેડૂતો તેનો પાક લઈ શકે છે. આ થકી ઓફ સીઝનના કારણે ખેડૂતોને પોતાના પાકના મો માગ્યા ભાવ મળી રહે છે.
કચ્છના નખત્રાણા તાલુકામાં અનેક ખેડૂતોએ આ ગુલાબી જામફળની ખેતી શરૂ કરી છે. અન્ય દેશી જામફળનું હાર્વેસ્ટીંગ હજુ શરૂ થયું છે ત્યારે આ તાઇવાન પિંક જામફળનું હાર્વેસ્ટીંગ પૂર્ણ થઈ બજારમાં મળતા શરૂ થઈ ગયા છે. આ કારણે જ જ્યાં દેશી જામફળના પ્રતિ કિલો રૂ. 20 થી 30 ખેડૂતોને મળતાં હોય છે ત્યારે આ ગુલાબી જામફળના ખેડૂતોને કિલો દીઠ રૂ. 50 થી લઈને 90 સુધી મળી રહે છે. તો વળી આ વેરાયટીna જામફળમાં એક એક ફળ 500 ગ્રામથી લઈને 800 ગ્રામ સુધીના મળે છે.
ખેડૂતોએ જણાવ્યું હતું કે, રોપા ખરીદવાથી લઈને જમીને તૈયાર કરવા પાછળ તેમને એકર દીઠ રૂ. 40 હજાર જેવો ખર્ચ થાય છે જેમાં એકર દીઠ પાંચથી છ ટન માલ ખેડૂતોને મળી રહ્યું છે. તો વળી આ જામફળને કોઈ પણ પ્રકારના પેસ્ટીસાઇડ અથવા જંતુનાશક દવાની જરૂર પણ ન પડતા આ સંપૂર્ણપણે ઓર્ગેનિક ખેતી વડે જ તૈયાર થાય છે.
જો કે, જામફળ પર જીવાત ન લાગે તે માટે ફૂલના ફૂટવાથી જ તેના પર પ્લાસ્ટિકની થેલી ચડવવામાં આવે છે. તેના 30 થી 35 દિવસ બાદ ફળ પાકીને પૂર્ણ આકારમાં આવતા તેના પરથી ઠેલી ઉતારવામાં આવે છે.
તમારા શહેરમાંથી (કચ્છ)
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર