વડોદરાના અલકાપુરીમાં બિલ્ડિંગમાં આગ ફાટી નીકળી, મીટરમાં લાગેલી આગ પાંચમાં માળ સુધી પહોંચી ગઈ | A fire broke out in a building in Vadodara's Alkapuri, with meters of fire reaching the fifth floor

વડોદરા11 મિનિટ પહેલા

વડોદરા શહેરના અલકાપુરી વિસ્તારમાં વિશ્વાસ કોલોનીમાં આવેલા ટોટલ હેલ્થ સ્ટુડિયોમાં આગ ફાટી નીકળી હતી. મીટરમાં લાગેલી આગ જોતજોતામાં બિલ્ડિંગના પાંચમાં માળ સુધી પ્રસરી ગઈ હતી. જેને પગલે બિલ્ડિંગમાં દોડધામ મચી ગઈ હતી. ફાયર બ્રિગેડની ટીમે ઘટના સ્થળ પહોંચીને ભારે જમહેત બાદ આગ પર કાબૂ મેળવ્યો હતો. આગની આ ઘટનામાં સદનસીબે કોઈ જાનહાનિ થઈ નહોતી.

લોકોમાં ગભરાટ જોવા મળ્યો
વડોદરાના અલકાપુરી વિસ્તારમાં આવેલી વિશ્વાસ કોલોનીમાં ટોટલ હેલ્થ સ્ટુડિયો આવેલો છે. આ સ્ટુડિયોમાં લાગેલા મીટરમાં શોર્ટ સર્કિટના કારણે આજે અચાનક આગ ફાટી નીકળી હતી. આગ લાગતા જ બિલ્ડિંગના લોકોમાં દોડધામ મચી ગઈ હતી અને લોકો દોડીને બિલ્ડિંગની બહાર આવી ગયા હતા. મીટરમાં લાગેલી આગે વિકરાળ સ્વરૂપ ધારણ કરી લેતા લોકોમાં ભારે ગભરાટ જોવા મળ્યો હતો. આગના બનાવને પગલે આસપાસના રહીશોના ટોળા ઉમટી પડ્યા હતા. સ્થાનિકોએ તુરંત જ ફાયર બ્રિગેડને જાણ કરી દીધી હતી.

બિલ્ડિંગમાં વિકરાળ આગ ફાટી નીકળી હતી.

પાણીનો મારો ચલાવી આગ બૂઝાવી
ફાયર બ્રિગેડની ટીમ ઘટના સ્થળે દોડી ગઈ હતી અને આગ પર કાબૂ મેળવવાના પ્રયાસો હાથ ધર્યા હતા. શરૂઆતમાં આગ મીટરમાં લાગી હતી, પરંતુ ધીમે ધીમે આગ બિલ્ડિંગના પાંચમાં માળ સુધી ફેલાઈ ગઈ હતી. જોકે, ફાયર બ્રિગેડની ટીમે સતત પાણીનો મારો ચલાવીને આગ પર કાબૂ મેળવ્યો હતો. જેથી લોકોએ હાશકારો અનુભવ્યો હતો. ફાયર બ્રિગેડની ટીમે ફાયર સેફ્ટીની સુવિધા અંગે પણ તપાસ શરૂ કરી છે.

અલકાપુરી વિસ્તારમાં વિશ્વાસ કોલોનીમાં આવેલા ટોટલ હેલ્થ સ્ટુડિયોમાં આગ ફાટી નીકળી હતી.

ફાયર સેફ્ટીની સુવિધાની તપાસ
અમે જ્યારે સ્થળ પર પહોંચ્યા, ત્યારે મીટરોમાં આગ લાગેલી હતી અને આગ ઉપર સુધી ફેલાઈ ગઈ હતી. અમે આવીને પાણીનો મારો ચલાવ્યો હતો. અત્યારે પરિસ્થિતિ કંટ્રોલમાં છે. નીચે કોર્મશિયલ છે અને ઉપર રેસિડેન્સિયલ બિલ્ડિંગ છે. ઉપર જે લોકો હતા, તે બધા નીચે આવી ગયા હતા. અમે ફાયર સેફ્ટીની સુવિધા અંગે તપાસ કરી રહ્યા છીએ.

મીટરમાં લાગેલી આગ જોતજોતામાં બિલ્ડિંગના પાંચમાં માળ સુધી પ્રસરી ગઈ હતી.

ફાયર બ્રિગેડની ટીમે ઘટના સ્થળ પહોંચીને ભારે જમહેત બાદ આગ પર કાબૂ મેળવ્યો હતો.

આગના બનાવને પગલે આસપાસના રહીશોના ટોળા ઉમટી પડ્યા હતા.

આગની આ ઘટનામાં સદનસીબે કોઈ જાનહાનિ થઈ નહોતી.

લોકો દોડીને બિલ્ડિંગની બહાર આવી ગયા હતા.

અન્ય સમાચારો પણ છે…

Read More

One person's stubbornness got Junagadh a science museum; Know what is the truth.apj – News18 Gujarati

Ashish Parmar, Junagadh: ઘણી વખત સાંભળવા મળે છે કે તમારી એક જીદ દુનિયાને બદલવા માટે કાફી છે ત્યારે જૂનાગઢનું આવેલું સાયન્સ મ્યુઝિયમ આજે એક વ્યક્તિની જીદથી અડીખમ ઊભું છે જૂનાગઢમાં રહેતા જયેન્દ્રસિંહ બી જાદવ કે જેઓએ જુનાગઢમાં સાયન્સ મ્યુઝિયમ બનાવવા માટે સંકલ્પ લીધેલો તેમના આ સંકલ્પને તેમના પરિવારજનોએ પણ સાત સહકાર નહોતો આપ્યો પરંતુ આજે આ સાયન્સ મ્યુઝિયમમાં કેટલાય વિદ્યાર્થીઓ રોજે આવે છે અને કંઈક નવું શીખીને જાય છે.

1998 માં કરવામાં આવી સાયન્સ મ્યુઝિયમની સ્થાપના

આ સાયન્સ મ્યુઝિયમની સ્થાપના 1998 માં કરવામાં આવી ત્યારબાદ આજ સુધી અલગ અલગ પ્રકારના સમયને આનુસંગિક ફેરફારો કરવામાં આવ્યા છે જેમાં 3D મુવીઝ, ડાયનોસોર ગેમ્સ સહિતની અનેક સુવિધા વધારવામાં આવી છે અને વિદ્યાર્થીઓ અહીં જ્ઞાન લઈને જઈ રહ્યા છે બહારના જિલ્લાઓમાંથી હાલમાં અહીં પ્રવાસ અર્થે આવતા વિદ્યાર્થીઓને ખૂબ શીખવા મળી રહ્યું છે.

મ્યુઝિયમ ની સ્થાપના પહેલા અનેક જગ્યાએ એનાલિસિસ થયા

આ સાયન્સ મીડીયમ ની સ્થાપના કરતા પહેલા જયેન્દ્રસિંહ જાદવે ગુજરાતમાં આવેલા અલગ અલગ જગ્યાએ સાયન્સ મ્યુઝિયમની મુલાકાત લીધી અને વિદ્યાર્થીઓને ગમત સાથે જ્ઞાન કઈ રીતે વધુમાં વધુ મળી શકે તે માટે દરેક સાયન્સ સિટીના મુલાકાત લઇ અને તેમના વિશે જાણકારી લીધી. ત્યારબાદ જૂનાગઢમાં સાયન્સ સીટી મ્યુઝિયમ ની સ્થાપના કરી અને આજે તેમના પૌત્ર સહિત દરેક લોકો અહીંનું સંચાલન કરી રહ્યા છે

જાણો શું છે અહીંની ફી

અહીં ફી માટે પણ નજીવા દર રાખવામાં આવ્યા છે અહીં કોઈ સ્વતંત્ર રીતે મુલાકાત લેવાય છે તો રેગ્યુલર ફી તથા કોઈ સંસ્થા પોતાના બાળકોને લઈને અહીં પ્રવાસ અર્થે આવે છે તો ફીની કિંમતમાં 50% ડિસ્કાઉન્ટ આપવામાં આવે છે જેથી વિદ્યાર્થીઓને અહીં ગમ્મત સાથે જ્ઞાનનો ખજાનો મળી રહે છે અને જે તે શાળાએથી પ્રવાસ લઈને આવેલા સંચાલકોને પોતાના વિદ્યાર્થીઓને શૈક્ષણિક જ્ઞાન આપ્યાની ખુશી મળે છે.

અહીં કરી શકાય છે સંપર્ક

જો તમે પણ કોઈ શૈક્ષણિક પ્રવાસ લઈ અને તમારા વિદ્યાર્થીઓને અહીં લાવવા માંગો છો તો અહીંના સંપર્ક નંબર : 0285 2623565 પર સંપર્ક સાધી શકો છો અને માહિતી મેળવી શકો છો.

તમારા શહેરમાંથી (રાજકોટ)

• 
  

  
  

  Rajkot : ફિલ્મ ‘તખુભાની તલવાર’નો જોરદાર વિરોધ, ક્ષત્રિય રાજપુત કરણી સેનાની ચેતવણી- ફિલ્મ રિલીઝ થઇ તો…

• 
  

  
  

  Rajkot: સૌરાષ્ટ્રનું સૌથી મોટું ફોટોગ્રાફી એક્ઝિબિશન, એટલા સુંદર ફોટો કે બે વાર જોવાનું મન થાય!

• 
  

  
  

  માતા પિતા માટે લાલબત્તી સમાન કિસ્સો! પતંગ કાઢવા જતા ત્રીજા માળેથી પટકાયું બાળક

• 
  

  
  

  રાજકોટમાં માણસ અને શ્વાન વચ્ચે અનોખો પ્રેમ, શેઠના મૃત્યુ બાદ તેમનો શ્વાન પ્રેમ અકબંધ

• 
  

  
  

  રાજકોટ: ભારત-શ્રીલંકા વચ્ચે યોજાશે T20 મેચ, ઓનલાઇન બુકિંગ શરૂ, જાણો કેટલો છે ટિકિટનો ભાવ

• 
  

  
  

  હોટલ હિલ સ્ટોનમા ચાલતું હતું કુટણખાનું; ગ્રાહકો દીઠ ઉઘરાવતા હતા 2000 રૂપિયા, પોલીસે કર્યો પર્દાફાશ

• 
  

  
  

  Ranji Trophy 2023: મુંબઇ સામે જીત અપાવવા ધર્મેન્દ્રસિંહ જાડેજાનું ઓલરાઉન્ડ પ્રદર્શન

• 
  

  
  

  મારા પતિએ દિયર અને તેના મિત્ર સમક્ષ મારી સાથે દુષ્કર્મ આચર્યું, મહિલાએ દાખલ કરી પોલીસ ફરિયાદ

• 
  

  
  

  કોણ છે આ રિક્ષાચાલક, જે સાળંગપુર કથામાં ફ્રીમાં ચા-કોફી પીવડાવી કરે છે સેવા?

• 
  

  
  

  Rajkot : ધોરાજીનું દંપતી નવા ઘરમાં પ્રવેશ કરે તે પૂર્વે જ નડ્યો અકસ્માત, પુત્રની સમક્ષ માતાએ તોડ્યો દમ

• 
  

  
  

  જોત જોતામાં જ બે યુવાનો બાઈક સાથે ખાડામાં ખાબક્યા, જુઓ ઘટનાના લાઈવ સીસીટીવી

Published by:Santosh Kanojiya

First published: January 01, 2023, 13:16 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Junagadh news, Local 18, Museum

Read More

Vadodara: Two killed after falling from bridge, fear of accident after vehicle lost control

વડોદરા: થર્ટી ફર્સ્ટની ઉજવણી અને ન્યૂ યરના વેલકમ વચ્ચે વડોદરામાં અકસ્માતની ઘટના સામે આવી છે. અહીં ફતેગંજ બ્રિજ પરથી પટકાતાં બે લોકોના મોત નિપજ્યાં છે. ગાડી પરથી કાબુ ગુમાવતા ઘટના બન્યાની આશંકા સેવાઇ રહી છે. પ્રાથમિક માહિતી અનુસાર, મોડીરાત્રે અકસ્માત થયો હોવાનું મનાઇ રહ્યું છે. પોલીસે કાર્યવાહી શરૂ કરી મૃતદેહને પી.એમ માટે સયાજી હોસ્પિટલમાં ખસેડયા છે.

અકસ્માત કેવી રીતે થયો?

વડોદરા સહિત રાજ્યમાં બે વર્ષ બાદ ભારે ઉત્સાહ સાથે નવા વર્ષની ઉજવણી કરાઇ હતી, ત્યાં જ અમુક ઘટનાઓને લીધે અરેરાટી ફેલાઇ છે. વડોદરામાં ન્યૂ યરની રાતે જ ફતેગંજ બ્રિજ પર અકસ્માત સર્જાયો હતો. બ્રિજ પરથી પટકાતા બે લોકોનાં મોત નિપજ્યાં છે. ઘટનાને પગલે પોલીસ કાફલો દોડી આવ્યો હતો અને પીએમની કાર્યવાહી હાથ ધરી હતી. અકસ્માત કેવી રીતે થયો? તે મામલે પોલીસે વધુ તપાસ હાથ ધરી છે.

વડોદરાના ફતેગંજ બ્રિજ પરથી પટકાતા બેના મોત
ગાડી પરથી કાબુ ગુમાવતા ઘટના બન્યાની આશંકા#NewsUpdate #Gujarat #Vadodara pic.twitter.com/PSuZeoA3fL

— News18Gujarati (@News18Guj) January 1, 2023

Published by:Azhar Patangwala

First published: January 01, 2023, 12:48 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Accident News, Gujarat News, Vadoadara News

Read More

ઉમરેઠ ખાતે ‘કિશોરી મેળો’ યોજાયો, વિવિધ યોજનાઓ, કાયદા વિષયક જાણકારી આપવામાં આવી | A 'Kishori Melo' was held at Umreth, various schemes, legal information was given

આણંદ3 મિનિટ પહેલા

• કૉપી લિંક

રાજ્યના મહિલા અને બાળ વિકાસ વિભાગ દ્વારા “બેટી બચાવો બેટી પઢાવો” યોજના તથા “પુર્ણા” યોજનાના સંયુક્ત ઉપક્રમે “સશક્ત અને સુપોષિત કિશોરી અભિયાન” અંતર્ગત આણંદ જિલ્લાના ઉમરેઠ નગરપાલિકા ટાઉનહોલ ખાતે ‘કિશોરી મેળો’ યોજવામાં આવ્યો હતો. કિશોરીઓને વિવિધ યોજનાઓ, કાયદા વિષયક જાણકારી આપવામાં આવી હતી.

આ મેળાનો પ્રારંભે ‘પુર્ણા’ કન્સલ્ટન્ટ નિધીબેન ઠક્કરે આઈ.સી.ડી.એસ અંતર્ગત પૂર્ણા યોજનાની કિશોરીઓને જાણકારી આપી હતી, જયારે જિલ્લા રોજગાર અધિકારીની કચેરીના કેરિયર કાઉન્સેલર ચેતનભાઈ મહેતાએ કિશોરીઓને શિક્ષણ, નોકરીની તકો, કૌશલ્ય વર્ધનના વિવિધ વિષયો પર માહિતી આપી માર્ગદર્શન પુરૂં પાડ્યુ હતું. મહિલા અને બાળ સુરક્ષા અધિકારી અને દહેજ પ્રતિબંધક રક્ષણ અધિકારી ફરજાનાખાને મહિલા કલ્યાણ હસ્તક કાર્યરત બેટી બચાવો-બેટી પઢાવો યોજનાની જ્યારે તાલુકા હેલ્થ ઓફિસર કોમલબેન મહિડાએ કિશોરીઓના આરોગ્યને લગતી વિવિધ યોજનાઓની જાણકારી આપવાની સાથે એનિમિયાના નિરાકરણ માટે લેવાતા પગલાં વિશે સમજ આપી હતી.

બાળ સુરક્ષા એકમ ચાઈલ્ડ પ્રોટેકશન ઓફિસર પાર્થ ઠકકરે કિશોરીઓ તથા બાળકોને લગતી વિવિધ સુરક્ષા યોજનાની અને કિશોરીઓ તથા બાળકોના હક અને કાયદા વિશે જ્યારે તાલુકા કાનુની સેવા સત્તા મંડળના એડવોકેટ એ.એલ.પટેલે મફત કાનૂની સહાય તથા કિશોરીઓને લગતા કાયદાઓની જોગવાઈ જેવી કે ચાઇલ્ડ મેરેજ એક્ટ અને પોકસો એક્ટ વિશે જાણકારી પુરી પાડી હતી.

તાલુકા પ્રાથમિક શિક્ષણ અધિકારી દિનેશ ડાભીએ કિશોરીઓમાં શિક્ષણનું મહત્વ અને ઓપન સ્કૂલ માટેની તથા શી-ટીમના મહિલા એ.એસ.આઇ.એ કિશોરીઓને સ્વ-બચાવની તાલીમ અને તેનું મહત્વ સમજાવી કિશોરીઓને સ્ટેજ પર બોલાવી વિવિધ સ્વબચાવના ઉપાયો શિખવાડ્યા હતા.

સુપરવાઈઝર ઈન્સ્ટ્રકટર ભુમિકા માણાવદરિયાએ સરકાર દ્વારા ચાલતા વિવિધ આઇ.ટી.આઇ અને કે.વી.કે. ના કોર્ષની અને લીડ બેંકના ચીફ મેનેજર પ્રદીપ ચૌહાણે બેંકમાં કેવી રીતે ખાતું ખોલવું, પોસ્ટમાં ચાલતી વિવિધ યોજના અને અન્ય બેંકિંગ સેવાઓ વિશે જાણકારી આપી હતી.

કાર્યક્રમમા ઉપસ્થિત તમામ અધિકારીઓ દ્વારા કિશોરીઓને તેમના હક જેવા કે શિક્ષણ, સશક્તિકરણ, પોષણ, સ્વાથ્ય, દિકરા અને દિકરીના ભેદભાવ રહિત સમાજ ની સ્થાપના કરીશુંના શપથ લેવડાવીને બોર્ડ ઉપર હસ્તાક્ષર કરાવવામાં આવ્યાં હતાં.

કાર્યક્રમમાં પોષણના મહત્વને કિશોરીના ઘરની આસ-પાસ સારી રીતે પોષણ વાટીકા (કિચન ગાર્ડન) બનાવી શકાય તેની સાથે સાથે “ઈન્ટરનેશનલ મિલેટ વર્ષ-2023″ ની જાણકારી આપી સ્થાનિક ઉપલબ્ધ મિલેટ જેવા કે રાગી, બાજરા, જુવાર વગેરેનું શારીરિક અને આરોગ્યની દ્રષ્ટિએ તેનું મહત્વ વિશે સમજ આપવામાં આવી હતી.

સાયબર ક્રાઇમ વિભાગના વિરેનભાઇએ કિશોરીઓને સાયબર ક્રાઇમ શું છે અને તેનાથી બચવા શું કરવુ તે વિષય પર વિસ્તૃત જાણકારી આપી હતી. પ્રારંભમાં પ્રોગ્રામ ઓફિસર કલ્પનાબેન પટેલએ સ્વાગત પ્રવચન જ્યારે કાર્યક્રમના અંતે માલતીબેન એમ.પઢિયારે આભારવિધિ કરી હતી. આ કાર્યક્રમમા ઉમરેઠ તાલુકા પંચાયત પ્રમુખ રંજનબેન પરમાર, ઉમરેઠ નગરપાલિકા પ્રમુખ રમીલાબેન પટેલ, ખેતીવાડી, બાગાયત, રોજગાર કચેરીના તેમજ અન્ય વિવિધ વિભાગોના અધિકારીઓ તથા કચેરીના કર્મચારીઓ તથા કિશોરીઓ હાજર રહ્યા હતા.

અન્ય સમાચારો પણ છે…

Read More

Surat: A video of a policeman's has gone viral, hitting a man with stick and slap

Surat policeman video viral: સુરતમાં પોલીસ જવાનની ગુંડાગીરી. બે પોલીસકર્મીની બર્બરતાનો વીડિયો વાયરલ. એક વ્યક્તિને રસ્તે ઢસડી-ઢસડીને માર્યો.

Read More

ગાંધીનગરનાં ઈન્ફોસિટીમાં 'મોડી રાત સુધી કાફે કેમ ચાલું રાખ્યું' કહી ત્રણ ઈસમોએ સંચાલકને ફિલ્મી ઢબે દોડાવી દોડાવીને ઢોર માર માર્યો | In Gandhinagar's Infocity, three youths chased the manager and beat him to death by asking 'Why is the cafe open till late night'?

ગાંધીનગર24 મિનિટ પહેલા

• કૉપી લિંક

ગાંધીનગરનાં ઈન્ફોસિટીમાં આવેલા ધ રોડ સાઈડ નામના કાફેનાં સંચાલકને ગઈકાલે થર્ટી ફર્સ્ટની રાત્રે મોડી રાત સુધી કાફે કેમ ચાલું રાખ્યું એમ કહીને ત્રણ ઈસમોએ દોડાવી દોડાવી ઢોર માર મારતાં ફિલ્મી દ્રશ્યો સર્જાયા હતા. ત્રણેય હુમલાખોરોથી બચવા સંચાલકે ઈન્ફોસિટીથી ડીએઆઇઆઇસીટી કોલેજ સુધી બચાવો બચાવોની બૂમો પાડીને દોટ લગાવી હતી. જ્યાં પણ ત્રણેય હુમલાખોરોએ તેને આંતરીને ધોઈ નાખ્યો હતો. આ અંગે ઈન્ફોસિટી પોલીસે ગુનો નોંધી વધુ તપાસ હાથ ધરી છે.
ફિલ્મી ઢબે દોડાવી દોડાવીને ઢોર માર માર્યો
ગાંધીનગરમાં થર્ટી ફર્સ્ટની ઉજવણી લઇને પોલીસે ઘડી કાઢેલા એક્શનપ્લાનનાં ધજાગરા ઉડાવી ગઈકાલે રાત્રે ત્રણ ઈસમોએ કાફેના સંચાલકને ફિલ્મી ઢબે દોડાવી દોડાવીને ઢોર માર માર્યો હોવાની ફરિયાદ ઈન્ફોસિટી પોલીસના ચોપડે દાખલ કરવામાં આવી છે.

મોડી રાત સુધી કાફે ચાલુ રાખવા મામલે માર માર્યો
મહેસાણાનાં વિજાપુરનો મૂળ વતની હેનિલ વિરલભાઇ કંસારા હિંમતનગર ખાતે પોલીટેકનિક કોલેજમાં કોમ્પ્યુટર આઈટીનો અભ્યાસ કરે છે અને સાથે સાથે ઇન્ફોસીટી ખાતે ધ રોડ સાઇડ નામે કેફે કૌટુંબિક ભાઇ મિહીર નરેશભાઇ કંસારા સાથે ભાગીદારીમાં ચલાવે છે. ગઈકાલ રાત્રીના બંને પિતરાઈ ભાઈઓ કાફે ખાતે હિસાબના ચોપડા લેવા માટે મિત્રની કાર લઈને ગયા હતા. તે વખતે હેનિલનો ઓળખીતો હિતેશ વિનુભાઇ પટેલ હાથમાં ધોકો લઈ તેમજ વિશાલ જાની સાથે અન્ય એક ઈસમ કાફે પર ગયા હતા અને અત્યાર સુધી કાફે શા માટે ચાલુ રાખ્યું છે કહીને હિતેશ લાકડાના ધોકાથી માર મારવા લાગ્યો હતો.
ગાડીના કાચ પણ તોડી નાખ્યાં
જ્યારે અન્ય બે ઈસમો બિભત્સ ગાળા ગાળી કરી ગડદાપાટુનો માર મારવા લાગ્યા હતા. આ જોઈને હેનિલનો ભાઈ ગભરાઈને બચાવો બચાવોની બૂમો પાડીને ભાગી ગયો હતો. હિતેશે ધોકા મારીને ગાડીના કાચ પણ તોડી નાખ્યાં હતાં. જેનાં પગલે હેનિલ કાફેથી ડીએઆઇઆઇસીટી કોલેજ તરફ બચાવો બચાવોની બુમો પાડતો પાડતો ભાગ્યો હતો. જેને પકડવા માટે ત્રણેય ઈસમોએ ફિલ્મી ઢબે પીછો કરીને કોલેજના ગેટ પાસે હેનિલને આંતરી લીધો હતો.બાદમાં ત્રણેય ઈસમો ભેગા થઈને હેનિલને ઢોર માર મારવા લાગ્યા હતા.
​​​​​​​ત્રણેય વિરૂદ્ધ ગુનો નોંધવામાં આવ્યો
આ દરમિયાન આસપાસના લોકોનું ટોળું એકઠું થઈ જતાં ત્રણેય હુમલાખોરો જાનથી મારી નાખવાની ધમકીઓ આપી નાસી ગયા હતા. આ બનાવની જાણ થતાં ઈન્ફોસિટી પોલીસ પણ દોડી ગઈ હતી અને ઉક્ત ત્રણેય ઈસમો વિરુદ્ધ ગુનો નોંધી વધુ તપાસ શરૂ કરી છે.

અન્ય સમાચારો પણ છે…

Read More

આણંદ: ત્રિપલ અકસ્માત બાદ કારમાં લાગી આગ, 1નું મોત, 4 ઘાયલ

Anand Triple Accident: આણંદમાં ત્રિપલ અકસ્માત. પીકઅપ ટેમ્પોએ કારને ટકકર મારી. અકસ્માત બાદ કારમાં આગ લાગી.

Read More

​​​​​​​સુરતમાં યુવાનોએ 2023ના વર્ષને રક્તદાન કરીને આવકાર્યુ, વર્ષના પ્રથમ રક્તદાતા બનવાનો ગર્વ અનુભવ્યો | ​​​​​​​Youth in Surat welcomed the year 2023 by donating blood, proud to be the first blood donor of the year

• Gujarati News
• Local
• Gujarat
• Surat
• ​​​​​​​Youth In Surat Welcomed The Year 2023 By Donating Blood, Proud To Be The First Blood Donor Of The Year

​​​​​​​સુરત9 મિનિટ પહેલા

• કૉપી લિંક

યુવાનોએ પોતાના લોહીનું દાન કરીને નવા વર્ષની શરૂઆત કરી હતી.

સુરતીઓ દરેક વાર તહેવારને અનોખી રીતે ઉજવવા માટે જાણીતા છે. ત્યારે પશ્ચિમી સંસ્કૃતિના રંગે રંગાઈને ઘણા યુવાનોએ અડધી રાતે 2023ના વર્ષને નાચી ગાઈને આવકાર્યું છે. ત્યારે સુરતમાં રાષ્ટ્રભાવનાને ઉજાગર કરતાં યુવાનોના ગ્રુપ દ્વારા રક્તદાનને મહાદાનના સંદેશને સાર્થક કરતાં 2023ના વર્ષને રક્તદાન કરીને આવકાર્યું છે. સાથે વર્ષ 2023ના પ્રથમ રક્તદાતા શહેરમાં બનવાનો પણ ગર્વ વ્યક્ત કર્યો હતો.

રક્તદાન સમયની માગ
રક્તદાન કરનાર કલ્પેશભાઈ વાઘણી, પ્રશાંત બોરડા અને સાગર ભાદાણી સહિતના યુવાનોએ કહ્યું કે, માણસ આજે લેબોરેટરીમાં બધુ જ બનાવી શકે છે. પરંતુ લોહી બનાવી શકતો નથી. જ્યારે થેલેસેમિયાથી લઈને ઘણા લોકોને અને સારવાર કે ઓપરેશન વખતે લોહીની જરૂરીયાત ઉભી થતી હોય છે. ત્યારે બ્લડબેંકમાં અમે સમયાંતરે રક્તદાન કરીએ છીએ. પરંતુ ઉમદા રાષ્ટ્ર ત્યારે જ થશે જ્યારે સમાજ સશક્ત હશે. અમે આ ભાવના સાથે જ રક્તદાન કરીને કંઈક ગર્વની લાગણી વ્યક્ત કરી રહ્યાં છીએ.

ખરા અર્થમાં ઉજવણી
કલ્પેશ વાઘાણીએ કહ્યું કે,રક્તદાન કરવું એ એક ખૂબ જ ઉમદા ઉદ્દેશ્ય છે અને આપણી સમૃદ્ધ સંસ્કૃતિ તેમજ સેવા અને સહયોગની પરંપરાને જોતા, હું દેશવ્યાપી મહા સ્વૈચ્છિક રક્તદાન અભિયાન- રક્તદાન અમૃત મહોત્સવના ભાગરૂપે તમામ નાગરિકોને આગળ આવવા અને સ્વેચ્છાએ રક્તદાન કરવા માટે અનુરોધ કરું છું.

અન્ય સમાચારો પણ છે…

Read More

રાજ્યમાં ફરી ઠંડીનું મોજુ ફરી વળ્યું, હજુ કડકડતી ઠંડી માટે રહેજો તૈયાર

Gujarat Weather Forecast: રાજ્યમાં બે દિવસ બાદ ફરી ઠંડીનું મોજુ ફરી વળ્યું છે. એક જ રાતમાં પારો 3 ડિગ્રી સુધી ગગડતાં કડકતી ઠંડીનો અહેસાસ. 12 શહેરોમાં ઠંડી વધી છે. હજુ પારો ગગડશે.

Read More

PM મોદીનાં માતા હીરાબાનું વડનગરમાં બેસણું,સંજય જોશી, પરસોત્તમ રૂપાલા સહિતના નેતાઓ પહોંચ્યા | Prime Minister Narendra Modi's mother Heeraba will sit in Vadnagar today

મહેસાણા4 મિનિટ પહેલા

• વિધાનસભાના અધ્યક્ષ શંકર ચૌધરી સહિતનાઓએ વડનગર પહોંચીને શ્રદ્ધાંજલિ આપી

વડાપ્રધાન નરેન્દ્ર મોદીના માતા હીરાબાનું 30 ડિસેમ્બરે મોડી રાત્રે નિધન થયું હતું. હીરાબાના નિધનને લઇને સમગ્ર રાજ્ય શોકમગ્ન છે. ત્યારે વડનગરમાં આજે હીરાબાનું બેસણું છે. વડનગરમાં સવારથી જ હીરાબાને શ્રદ્ધાંજલિ આપવા માટે લોકો ઉમટી રહ્યા છે. હીરાબાના નિધનને પગલે વડનગરમાં વેપારીઓએ ત્રણ દિવસ બંધ પાળીને શ્રદ્ધાંજલિ આપી છે. વડનગરમાં આજે હીરાબાની પ્રાર્થના સભાનું આયોજન કરવામાં આવ્યું છે. ત્યારે વિધાનસભાના અધ્યક્ષ શંકર ચૌધરી સહિતનાઓ વડનગર શ્રદ્ધાંજલિ આપવા આવી પહોંચ્યા હતા.

વિધાનસભાના અધ્યક્ષ શંકર ચૌધરી સહિતનાઓ પહોંચ્યા.

સેક્ટર 30ના સ્મશાનમાં અંતિમસંસ્કાર કરાયા હતા
વડાપ્રધાન નરેન્દ્ર મોદીનાં માતા હીરાબા પંચમહાભૂતમાં વિલીન થઈ ગયાં છે. નરેન્દ્ર મોદી પણ વહેલી સવારે રાયસણ પંકજભાઈના ઘરે પહોંચી ગયા હતા. અહીં તેમણે હીરાબાના અંતિમદર્શન કર્યા હતા. સેક્ટર 30 સ્મશાનમાં હીરાબાના અંતિમસંસ્કાર કરવામાં આવ્યાં હતા. અંતિમવિધિમાં મોદી પરિવાર ભાવુક થઈ ગયો હતો. મોદી પરિવારે હીરાબાના આત્માને શાંતિ મળે એ માટે પ્રાર્થના કરવા પણ કહ્યું હતું.

હીરાબાને શ્વાસ લેવામાં તકલીફ પડી રહી હતી
વડાપ્રધાન મોદીનાં માતા હીરાબાએ શુક્રવારે અમદાવાદમાં અંતિમશ્વાસ લીધા હતા. શુક્રવારે સવારે 3.30 કલાકે અમદાવાદની યુએન મહેતા હોસ્પિટલમાં તેમનું નિધન થયું હતું. હીરા બાને મંગળવારે હોસ્પિટલમાં દાખલ કરાયાં હતાં. તેમને શ્વાસ લેવામાં તકલીફ પડી રહી હતી. તેઓ 100 વર્ષનાં હતાં. હીરાબાના નિધનના સમાચાર સામે આવતાં જ દેશભરના નેતાઓએ ટ્વિટર દ્વારા તેમને શ્રદ્ધાંજલિ આપી હતી.

મોદીએ માતાના પાર્થિવદેહને કાંધ આપી હતી.

વડાપ્રધાન મોદી તેમની માતા સાથે.

અન્ય સમાચારો પણ છે…

Read More

પોરબંદરના વડવાળા ગામે ફાર્મ હાઉસની ચોરીનો ભેદ ઉકાલાયો, 49 હજારના મુદ્દામાલ સાથે આરોપીની અટકાયત કરી | Vadwala village of Porbandar solves farm house theft case, arrests accused with 49 thousand worth of valuables

પોરબંદર25 મિનિટ પહેલા

• કૉપી લિંક

જુનાગઢ રેન્જના પોલીસ મહાનિરીક્ષક મયંકસિંહ ચાવડા તથા પોરબંદર પોલીસ અધિક્ષક ડો.રવિ મોહન સૈની દ્વારા પોરબંદર જિલ્લાના અનડીટેક ગુન્હાઓ શોધી કાઢવા માટે સુચના આપવામાં આવેલી છે. જેને લઈ એલસીબી પીઆઈ એચ.કે.શ્રીમાળી તથા સ્ટાફ રાણાવાવ પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન ખાનગી બાતમી મળેલી કે, રાણાવાવ પોલીસ સ્ટેશન વિસ્તારમાં ઘાડનો ગુન્‍હો ગઇ તા.21/11/2022ના રોજ નોંધાયેલો હતો. અને સદર ધાડના ગુન્‍હાના આરોપી બાપોદર ગામની સીમમાં રહેતા જયેશ હાજા બાપોદરાની વાડીમાં મજુરીકામ કરતા મધ્યપ્રદેશના મજુરો ભુરલો તથા તથા કાયદાના સંઘર્ષમા આવેલા કિશોર હોય તથા ધાડમાં ગયેલ મુદામાલ બંન્નેએ વાડીની રહેણાંક ઓરડીમાં સંતાડેલ હોવાની હકીકત મળેલી હતી.

જેથી બાતમીવાળી જગ્યાએ રેઇડ કરતા આ આરોપી (1) ભુરલા માંગલ્યા મસાણીયા (2) કાયદાના સંઘર્ષમાં આવેલા કીશોર મળી આવ્યા હતા. ઉપરોકત ગુન્‍હાના કામે ધાડમાં ગયેલા મોબાઇલ ફોન નંગ-2 કી.રૂ.3500 તથા રોકડા રૂ. 14,000 તથા ધાડમાં ઉપયોગ કરેલા સ્પ્લેન્ડર બાઈક-1 કીં.રૂ.25,000 તથા ઉપરોકત બંન્નેની અંગજડતીમાંથી મળેલા મોબાઇલ ફોન નંગ-2 કી.રૂ.6500 મળી કુલ રૂપિયા 49,000 ના મુદામાલ સાથે પકડી પાડી આગળની કાર્યવાહી માટે રાણાવાવ પોલીસ સ્ટેશન ખાતે સોંપી આપેલ છે.

પકડાયેલ મુદામાલ
(1) ધાડમાં ગયેલ મોબાઇલ ફોન 2 કીંમત રૂપિયા 3500

(2) ધાડમાં ગયેલ રોકડા રૂપિયા 14,000

(3) ધાડ ઉપયોગ કરવામાં આવેલ સ્પ્લેન્ડર મોટર સાઈકલ 1 કિંમત રૂપિયા 25,000

(4) અંગજડતીમાંથી મળી આવેલ મોબાઇલ ફોન નંગ 2 કીંમત રૂપિયા 6500

આરોપી

(1) ભુરલા માંગલ્યા મસાણીયા ઉ.વ.૩૭ રહે.મુળ જાઇ ગામ ચોકીદાર ફળીયુ તા.કુકશી, જીલ્લો, ધાર, મધ્યપ્રદેશ હાલ વરવાળાથી કેરાળા જતા રોડ ઉપર સોલાર ફાર્મ પાસે બાપોદર ગામની સીમ જયેશ બાપોદરાની વાડીએ તા.રાણાવાવ જી.પોરબંદર.

(2) કાયદાના સંઘર્ષમાં આવેલ કીશોર

કામગીરી કરનાર અધિકારી/કર્મચારી

આ કામગીરીમાં પોરબંદર એલસીબી પીઆઈ એચ.કે.શ્રીમાળી,એએસઆઈ બટુક વિંઝુડા, રાજેન્દ્ર જોષી, હેડ કોન્સટેબલ જીણા કટારા, કેશુ ગોરાણીયા, હરેશ આહિર, ઉપેન્દ્રસિંહ જાડેજા, ઉદય વરૂ, ગોવિંદ મકવાણા, રણજીતસિંહ દયાતર, કુલદિપસિંહ જાડેજા, કરશન મોડેદરા, પોલીસ કોન્સટેબલ દિલીપ મોઢવાડીયા, વુમન હેડ કોન્સટેબલ નાથી ઓડેદરા સહિતનો સ્ટાફ રોકાયેલો હતો.

અન્ય સમાચારો પણ છે…

Read More

Vandalism in a well-known club of Ahmedabad, New Year party was closed, the matter got complicated

અમદાવાદ: શહેર સહિત સમગ્ર રાજ્યમાં 31મી ડિસેમ્બરની ધામધૂમથી ઉજવણી કરવામાં આવી હતી. કોરોનાના બે વર્ષ બાદ યુવાધન મન મૂકીને 31મી ડિસેમ્બરની ઉજવણી કરતું નજરે પડ્યું હતું. ત્યારે અમદાવાદ શહેરમાં પણ વિવિધ પાર્ટી પ્લોટ્સ અને ક્લબમાં ન્યૂ યર પાર્ટીનું આયોજન કરવામાં આવ્યું હતું. જે દરમિયાન અમદાવાદની જાણીતી કલબમાં તોડફોડ થઈ હતી. અહીં ક્લબના બાઉન્સર અને લોકો વચ્ચે મારામારી થઇ હતી. રોષે ભરાયેલા લોકોએ ક્લબમાં તોડફોડ કરી હતી. પાર્ટી બંધ કરાવાતા મામલો બિચક્યો હતો.

કેક કાપીને નવા વર્ષને વધાવ્યો

યાત્રાધામ અંબાજીમાં પણ કોરોનાના કહેર બાદ આ વર્ષે પાર્ટીનું શાનદાર આયોજન કરાયું હતું. યુવાનોએ 31 ડિસેમ્બરની શાનદાર ઉજવણી કરી હતી. વર્ષ 2022ને વિદાય અપાઈ અને 2023ને વેલકમ કરાયું હતું. પાર્ટીનું આયોજન કરીને 2022ની અંતિમ રાત્રીની ઉજવણી કરવામાં આવી હતી. રાત્રે 12 વાગ્યે વિદાયની કેક કાપીને નવા વર્ષ 2023ને ભવ્ય આતશબાજી કરીને વધાવ્યો હતો.

આ પણ વાંચો: પીધેલાઓથી પોલીસ સ્ટેશન હાઉસફૂલ, મંડપ બાંધ્યા, હોલ ભાડે રાખવા પડ્યા

અનેક ચેકીંગ પોઇન્ટ પર ચેકિંગ હાથ ધરવામાં આવ્યું

નવા વર્ષની ઉજવણીને ધ્યાન રાખીને શહેર પોલીસ તંત્ર દ્વારા ખાસ વ્યવસ્થા કરવામાં આવી હતી. અનેક ચેકીંગ પોઇન્ટ પર ચેકિંગ હાથ ધરવામાં આવ્યું હતું. પોલીસ દ્વારા શહેરના એન્ટ્રી એક્ઝિટ પોઇન્ટ પર ચેકીંગ કરવામાં આવ્યું હતું. મહત્વનું છે કે બ્રેથ એનેલાઈઝર દ્વારા શંકાસ્પદ લોકોની પણ તપાસ કરવામાં આવી હતી. SOG, LCB, સહિતની ટીમો દ્વારા રાઉન્ડ ધ ક્લોક પેટ્રોલિંગ કરવામાં આવ્યું હતું.

મોટી સંખ્યામાં યુવાધન ન્યૂ યરને વેલકમ કરતું નજરે પડ્યું

અમદાવાદ સહિત સમગ્ર રાજ્યમાં 31મી ડિસેમ્બરની ભાવભેર ઉજવણી કરવામાં આવી હતી. કોરોનાના બે વર્ષ બાદ યુવાધન મન મૂકીને 31મી ડિસેમ્બરની ઉજવણી કરતું નજરે પડ્યું હતું, ત્યારે અમદાવાદ શહેરના એસજી હાઇવે, સીજી રોડ સહિતના વિસ્તારોમાં મોટી સંખ્યામાં યુવાધન ન્યૂ યરને વેલકમ કરતું નજરે પડ્યું હતું. હૈયે હૈયું દળાઈ તે માફક યુવાધન ડીજેના તાલે નાચતું નજરે પડ્યું હતું.

તમારા શહેરમાંથી (અમદાવાદ)

Published by:Azhar Patangwala

First published: January 01, 2023, 09:23 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Gujarat News, New year party

Read More

જામનગરમાં માર્ગો પર કાર સહિતના વાહનોનું ચેકીંગ, ડેકી-કાગળોની ચકાસણી કરવામાં આવી | Checking of vehicles including cars on the roads in Jamnagar, verification of deki-papers

જામનગર6 મિનિટ પહેલા

• કૉપી લિંક

• નવા વર્ષના આગમનને અનુલક્ષીને શહેર તેમજ ધોરીમાર્ગો પર પોલીસની કાર્યવાહી

જામનગરમાં નવા વર્ષના આગમનને અનુલક્ષીને પોલીસે માર્ગો પર કાર સહિતના વાહનોનું ચેકીંગ કર્યું હતું. આ દરમ્યાન વાહનોની ડેકી અને કાગળોની ચકાસણી કરવામાં આવી હતી. જામનગરમાં શનિવારે 31 ડિસેમ્બરની ઉજવણીને અનુલક્ષીને પોલીસ દ્વારા ચેકીંગ કરવામાં આવ્યું હતું.

શહેરના મુખ્ય માર્ગો તેમજ ધોરીમાર્ગો પર એલસીબી, એસઓજી, સિટી-એ, બી, સી ડિવિઝન તેમજ પંચકોશી-એ અને બી ડિવિઝન પોલીસ સ્ટેશનના સ્ટાફ દ્વારા સઘન ચેકીંગ કરાયું હતું. શહેરમાં આવેલી હોટલો તેમજ શહેરની આજુબાજુમાં આવેલા ફાર્મહાઉસ તથા અન્ય રેસ્ટોરન્ટ, હોટલો પર પણ પોલીસે વોચ ગોઠવી હતી. સવારથી અંબર ચોકડી, સુભાષબ્રિજ પર પોલીસ દ્રારા ટ્રાફીક ડ્રાઈવ કરવામાં આવી હતી. જેમાં વાહનોને સાથે રાખવાના જરૂરી કાગળો, મોટરોમાં કાળી ફિલ્મ કાઢવા ઉપરાંતની કાર્યવાહી કરવામાં આવી હતી.

અન્ય સમાચારો પણ છે…

Read More