Monday, January 2, 2023

આણંદમાં 'શું વારંવાર મોબાઇલ ફોન જોયા કરે છે'? તેમ કહી માતાએ ઠપકો આપતા કિશોરીને લાગી આવ્યું, ઘરે ગળેફાંસો ખાઈ આત્મહત્યા કરી | Anand 'does often look at mobile phones'? By saying that, the mother scolded the girl and committed suicide by hanging herself at home

By , , ,

  • Gujarati News
  • Local
  • Gujarat
  • Anand
  • Anand ‘does Often Look At Mobile Phones’? By Saying That, The Mother Scolded The Girl And Committed Suicide By Hanging Herself At Home

આણંદ16 મિનિટ પહેલા

  • કૉપી લિંક
પ્રતિકાત્મક તસવીર - Divya Bhaskar

પ્રતિકાત્મક તસવીર

આણંદ શહેર નજીકના હાડગુડ ગામે રહેતી 17 વર્ષિય કિશોરીને વારંવાર મોબાઇલ જોવાની ટેવ હતી. જે અંગે માતાએ તેને ઠપકો આપી મોબાઇલ મુકી દેવાનું કહેતાં તેને લાગી આવ્યું હતું અને ઘરમાં ગળેફાંસો ખાઇ આત્મહત્યા કરી લીધી હતી. આ અંગે આણંદ શહેર પોલીસે અકસ્માતે મોતનો ગુનો નોંધી વધુ તપાસ હાથ ધરી છે.
ઠપકો આપતા દીકરીને લાગી આવ્યું હતું
આણંદના હાડગુડ ગામમાં આવેલા અજમતપુરામાં રહેતા આલીશાબહેન નફીસભાઈ (ઉ.વ.17) રાત્રિના વારંવાર મોબાઇલ ફોન જોતી હતી. આથી, તેની માતાએ તેને ઠપકો આપ્યો હતો. શું વારંવાર મોબાઇલ ફોન જોયા કરે છે ? જેથી આલિશાને લાગી આવ્યું હતું અને ઘરે દુપટ્ટા વડે ગળેફાંસો ખાઇ આપઘાત કરી લીધો હતો. આ બાબતે પરિવારજનોને જાણ થતાં તેઓ ચોંકી ગયાં હતાં. આ અંગે શહેર પોલીસને જાણ કરતાં તાત્કાલિક ટીમ સ્થળ પર પહોંચી હતી અને મૃતદેહને ઉતારી તેને પોસ્ટમોર્ટમ માટે મોકલી આપ્યો હતો. આ અંગે અકસ્માતે મોતનો ગુનો નોંધી વધુ તપાસ હાથ ધરી છે.

અત્રે ઉલ્લેખનીય છે કે, આજની યુવા પેઢીને મોબાઇલનું વળગણ વધી ગયું છે. ખાસ કરીને લોકડાઉન દરમિયાન ઓનલાઇન એજ્યુકેશન બાદ ટીનએજરમાં મોબાઇલની લત વધી છે. આ સ્થિતિમાં હાડગુડનો કિસ્સો લાલબત્તો કિસ્સો સમાન બની ગયો છે.

અન્ય સમાચારો પણ છે…

Read More

સુરતની યુવતીને નાઇઝિરિયન યુવકે લગ્ન કરવાની લાલચ આપી છેતરી, ગિફ્ટ છોડાવવા લાખ્ખો રૂપિયા ખંખેર્યા

By , , ,

સુરતઃ સોશિયલ મીડિયા પર ફ્રેન્ડશિપ કર્યા બાદ છેતરપિંડી કરવાના અનેક કિસ્સાઓ સામે આવતા હોય છે. ત્યારે સુરતની એક યુવતીને પણ સોશિયલ મીડિયા દ્વારા એક નાઇઝિરિયન યુવકે છેતરી લીધી હોવાની ઘટના સામે આવી છે. સુરત સાયબર ક્રાઇમમાં આ ઘટના મામલે ગુનો નોંધવામાં આવ્યો છે અને આરોપીની ધરપકડ કરવામાં આવી છે.

નાઇઝિરિયન યુવકે લગ્ન સુધીની વાત કરી

સુરતની યુવતી નાઇઝિરિયન યુવક સાથે સોશિયલ મીડિયામાં સંપર્કમાં આવી હતી. નાઇઝિરિયન યુવક વેબસાઇટ ડેવલપરનો અભ્યાસ કરવા માટે દિલ્હી આવ્યો હતો. ત્યારે દિલ્હીથી સુરતની જ્યોતિ સાથે સંપર્કમાં આવ્યો હતો. થોડા દિવસ સંપર્કમાં રહ્યા બાદ તેની સાથે લગ્ન કરવા સુધીની વાત કરી હતી. નાઇઝિરિયન યુવકે તેને એક ગિફ્ટ મોકલી હતી અને તેને લેવા માટે યુવતીએ રૂપિયા ચૂકવવા પડશે તેવી વાત કરી હતી. આમ, નાઇઝિરિયન યુવકે ષડયંત્ર રચીને રૂપિયા ખંખેરી લીધા હતા.

દિલ્હીથી ગિફ્ટ છોડાવવા માટે ફોન આવ્યો

દિલ્હી ઇમિગ્રેશનમાંથી પ્રિયા નામથી ફોન કરવામાં આવ્યો હતો અને તેણે એરપોર્ટ કર્મચારી તરીકે ઓળખ આપી હતી. સુરતની યુવતીને ફોન કરીને જણાવવામાં આવ્યું હતું કે, ગિફ્ટ આવી છે તેને છોડાવવા માટે પાઉન્ડને ઇન્ડિયન કરન્સીમાં કન્વર્ટ કરવા પડશે અને તેના માટેનો ચાર્જ ચૂકવવો પડશે. ત્યારબાદ જ ગિફ્ટ મળી શકશે.

આ પણ વાંચોઃ માતાના દર્શને જતા સમયે ટેમ્પો પલટી જતાં 2 બાળકોના મોત

યુવતી પાસેથી રૂપિયા ખંખેરવામાં આવ્યાં

સુરતની યુવતીએ નાઈઝિરિયન યુવકે મોકલેલા ગિફ્ટને છોડાવવા માટે તારીખ 1 મેથી 12 ઓગસ્ટ, 2022 સુધીમાં 57.39 લાખ રૂપિયા ચૂકવ્યા હતા. યુવતી દ્વારા અલગ અલગ બે એકાઉન્ટમાંથી રૂપિયા ટ્રાન્સફર કરવામાં આવ્યા હતા. ત્યારબાદ મહિલાને જાણ થઈ હતી કે તેની સાથે છેતરપિંડી આચરવામાં આવી છે. ત્યારે મહિલાએ સાયબર ક્રાઇમમાં આ મામલે ફરિયાદ નોંધાવી હતી.

આ પણ વાંચોઃ સુરતમાં ઇન્કમટેક્ષની બોગસ નોટીશો અને ચલણો દ્વારા છેતરપિંડી

પોલીસે આરોપીની ધરપકડ કરી

સાયબર પોલીસે આ સમગ્ર મામલે તપાસ કરીને દિલ્હીથી એક આરોપીની ધરપકડ કરી હતી. ઉલ્લેખનીય છે કે, આરોપીએ ભૂતકાળમાં પણ તે અંગે હાલ તપાસ કરવામાં આવી રહી છે. તો સુરત પોલીસે પણ તપાસ શરૂ કરી છે.

તમારા શહેરમાંથી (સુરત)

Published by:Vivek Chudasma

First published:

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cyber crime branch, Surat crime news, Surat Cyber Crime, Surat news, Surat police

Read More

ગાંધીનગરના ચંદ્રાલા નાકા પોઈન્ટથી પોલીસે વાહન ચેકિંગ દરમિયાન બસમાંથી પાર્સલોમાં પેક 204 વિદેશી દારૂની બોટલો જપ્ત કરી | Police seized 204 bottles of foreign liquor packed in parcels from the bus during vehicle checking from Chandrala Naka point in Gandhinagar.

By , , ,

ગાંધીનગર14 મિનિટ પહેલા

  • કૉપી લિંક

ગાંધીનગરના ચંદ્રાલા આગમન હોટલ સામેના હાઇવે રોડ પરના નાકા પોઈન્ટથી વાહન ચેકીંગ દરમિયાન લકઝરી બસમાં પાર્સલમાં પેક વિદેશી દારૂની 204 બોટલો મળી આવી હતી. જેથી પોલીસે દારૂની બોટલો જપ્ત કરી અમદાવાદ શાહીબાગનાં ઈસમ વિરુદ્ધ ગુનો નોંધી વધુ તપાસ હાથ ધરી છે.
બસમાં મુસાફરોના સામાનની તલાશી લેવાઈ
ગાંધીનગરનાં ચંદ્રાલા ગામની સીમ આગમન હોટલ સામેના હાઇવે રોડ પરના નાકા પોઈન્ટ ઉપર ચીલોડા પોલીસ નિત્યક્રમ મુજબ હિંમતનગર તરફથી આવતાં વાહનોને એક પછી એક રોકીને ચેકીંગ કરી રહી હતી. ત્યારે હિંમતનગરથી આવતી લકઝરી બસને રોકી દેવામાં આવી હતી. બાદમાં ડ્રાઇવર કંડકટરને સાથે રાખીને બસના મુસાફરોના સામાનની તલાશી શરૂ કરવામાં આવી હતી. જો કે મુસાફરો પાસેથી કોઈ શંકાસ્પદ ચીજ વસ્તુ મળી ન હતી.
​​​​​​​શંકાસ્પદ હાલતમાં ત્રણ પાર્સલો પડ્યા હતા
આ દરમિયાન પોલીસે લકઝરી બસની સામાન મૂકવાની ડેકીની તલાશી લેવામાં આવી હતી. જેમાં શંકાસ્પદ હાલતમાં ત્રણ પાર્સલો પડ્યા હતા. જે બાબતે પૂછતાંછ કરતાં બસના ડ્રાઈવરે કહ્યું હતું કે, બાલોતરા ઉદયપુર રાજસ્થાને ખાતેથી લાવ્યાં છે. જે અમદાવાદ શાહીબાગ ખાતેના જયેશ બારોટ નામના ઈસમે મોકલવામાં આવ્યાં છે. અમદાવાદ પહોંચતા જયેશનો માણસ પાર્સલો લેવા આવવાનો હતો.

જેનાં પગલે પોલીસે પાર્સલોની તલાશી લેતાં અંદરથી અલગ અલગ બ્રાન્ડની વિદેશી દારૂની નાની મોટી બોટલોનો જથ્થો મળી આવ્યો હતો. જેની કિંમત 32 હજાર 306 રૂપિયા ગણીને પોલીસે જયેશ બારોટ નામના ઈસમ વિરુદ્ધ ગુનો નોંધી વધુ તપાસ હાથ ધરવામાં આવી છે.

અન્ય સમાચારો પણ છે…

Read More

રૈયા રોડ પર આવેલી આવાસ યોજના મામલે કાર્યવાહી, ગેરકાયદેસર રહેતી મહિલા સામે ફરિયાદ

By , , ,

રાજકોટઃ શહેરના રૈયા રોડ ઉપર આવેલી આવાસ યોજનામાં ગેરકાયદેસર રીતે રહેતા મહિલા સામે પોલીસ ફરિયાદ નોંધવામાં આવી છે. રાજકોટમાં સૌપ્રથમ મહાનગરપાલિકાના આવાસમાં ગેરકાયદેસર રીતે રહેતા વ્યક્તિ સામે પોલીસ ફરિયાદ દાખલ થઈ છે. લોકોને ઘરનું ઘર મળી રહે તે માટે સરકારે વિવિધ આવાસ યોજનાઓ બનાવી છે. ત્યારે પોતાની જાતને કાગળ ઉપર ગરીબ બતાવીને કેટલાક શખ્સો પહેલાં આવાસ મેળવી રહ્યા છે અને પછી એ જ આવાસને આર્થિક ઉપાર્જનનું સાધન બનાવી રહ્યા છે. હવે આવા શખસો સામે રાજકોટ મહાનગરપાલિકાએ લાલ આંખ કરી છે.

આવાસને સીલ કરી દેવામાં આવતું હોય છે

મળતી માહિતી પ્રમાણે, શહેરના રૈયા રોડ ઉપર આવેલા રાજકોટ મહાનગરપાલિકાના આવાસમાં ગેરકાયદેસર કબજો કરનાર ફરજાબેન હમિરાણ સામે રાજકોટ મહાનગરપાલિકાએ શહેરના ગાંધીગ્રામ પોલીસ સ્ટેશનમાં ફરિયાદ નોંધાવી છે. સામાન્ય રીતે રાજકોટ મહાનગરપાલિકાના અધિકારીઓ દ્વારા આવાસ ગેરકાયદેસર રીતે ભાડાને આપનારા લોકો સામે નોટિસ આપીને કાર્યવાહી થતી હોય છે, તેમજ ઘણાં કિસ્સાઓમાં જે તે આવાસને સીલ કરી દેવામાં આવતું હોય છે. તેમ છતાં કેટલાક શખ્સોની દાદાગીરીને કારણે રાજકોટ મહાનગરપાલિકા દ્વારા પોલીસ ફરિયાદ કરવાની નોબત આવી છે.

લેભાગુ તત્વોએ ગેરફાયદો ઉઠાવ્યો

સરકાર જ્યારે કોઈ ગરીબલક્ષી યોજના લાવતી હોય છે. ત્યારે તે યોજના સાચા અર્થમાં ગરીબ હોય તેના સુધી પહોંચે તેવા પ્રયાસો કરવામાં આવતા હોય છે. જો કે, હવે કેટલાક લેભાગુ તત્વો સરકારની આવી ગરીબલક્ષી યોજનાનો ગેરફાયદો પણ ઉઠાવતા હોય છે. આવા શખસો આવાસ યોજનાનો ગેરફાયદો ઉઠાવી ન જાય તેના માટે રાજકોટ મહાનગરપાલિકા દ્વારા આવાસ આપતી વખતે તેને નિયમો સમજાવવામાં આવે છે. તેમજ આ નિયમોનું કડકપણે પાલન કરવા સૂચના પણ આપવામાં આવતી હોય છે. જો કે, આમ છતાં આર્થિક પ્રલોભનમાં આવીને કેટલાક શખ્સો નિયમોનો ઉલાળીયો પણ કરી દેતા હોય છે.

તમારા શહેરમાંથી (રાજકોટ)

Published by:Vivek Chudasma

First published:

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: PM Awas Yojana, Pradhan mantri awas yojana, Rajkot crime news, Rajkot News, Rajkot police

Read More

નવસારી જિલ્લા પોલીસે નવા વર્ષના પ્રથમ દિવસે જ દારૂડિયા પર તવાઈ બોલાવી, અલગ-અલગ વિસ્તારમાં 113 કેસ કર્યા | Navsari district police on the first day of the new year called Tawai on drunkards, booked 113 cases in different areas.

By , , ,

નવસારી5 મિનિટ પહેલા

  • કૉપી લિંક

રાજ્યમાં દારૂ બંધી છે જેને લઈ પોલીસ દ્વારા કડક કાર્યવાહી હાથ ધરવામાં આવતી હોય છે. ખાસ કરીને 31 ડિસેમ્બરે અને નવા વર્ષના પ્રથમ દિવસે પોલીસ દ્વારા ખાસ ચેકિંગ કરવામાં આવે છે. ત્યારે નવસારી જિલ્લા પોલીસ દ્વારા પણ થર્ટી ફર્સ્ટની રાત્રે પેટ્રોલિંગ અને કોમ્બિંગ દરમિયાન દારૂ પીને આવતા લોકો વિરુદ્ધ ગુનો દાખલ કર્યા બાદ નવા વર્ષના પ્રથમ દિવસે પણ દારૂ પીને વાહન હાંકવા તેમજ જાહેરમાં આવવા બદલ 113 લોકો વિરુદ્ધ ગુનો દાખલ કરીને કાયદેસરના પગલાં લેવામાં આવ્યાં છે.

થર્ટી ફર્સ્ટને આવકારવા માટે કેટલાય લોકો દારૂ પીને ઉજવણી કરતા હોય છે. જેથી કાયદો અને વ્યવસ્થા ભંગ થતી હોય છે જેને રોકવા માટે નવસારી જિલ્લા પોલીસ સતત બે દિવસથી કાર્યરત હતી, જે બાદ નવા વર્ષે પણ જિલ્લા પોલીસે દારૂ પીને જાહેરમાં વાહન હાંકતા અને પગપાળા 130 લોકો વિરુદ્ધ અલગ અલગ તાલુકામાં ગુનો રજીસ્ટર કર્યો છે. દારૂબંધીનો કડક અમલવારી થાય તે માટે રાજ્ય સરકાર સતત પોલીસને સૂચનાઓ આપીને પ્રોહિબિશન એક્ટ હેઠળ ગુનો નોંધવા દિશા નિર્દેશ કરે છે.

વર્ષ દરમિયાન જિલ્લા પોલીસ સતત બાતમીના આધારે દારૂની રેડ કરે છે અને બુટલેગરોને પકડવા માટે તેમના વિરુદ્ધ કેસ નોંધીને પાસા સહિતની કામગીરી કરવામાં આવે છે, થર્ટી ફર્સ્ટ નજીક આવતા દારૂની હેરાફેરી વધે છે સાથે જ દારૂ પીનારા લોકો પણ છાંકતાં ન બને તેનું પણ ધ્યાન પોલીસ રાખે છે. ત્યારે નવા વર્ષ સહિત જિલ્લા પોલીસે 300થી વધુ કેસ કરીને કાયદો અને વ્યવસ્થા જાળવવા માટે પ્રયત્નશીલ બની છે.

અન્ય સમાચારો પણ છે…

Read More

છેલ્લા 5 વર્ષથી આ ગ્રૂપ દ્વારા અનેક સેવાકીય કાર્ય કરાય છે.

By , , ,

ડીસામાં એકલવ્ય યુવા સંગઠન દ્વારા છેલ્લા ઘણા સમયથી અનેક સેવાકીય કાર્ય કરવામાં આવે છે.ત્યારે 2023ના નવા વર્ષની શરૂઆત થતા એકલવ્ય ગ્રુપ દ્વારા લોકોની મદદ કરવા બ્લડ કેમ્પ યોજાયો. છેલ્લા 5 વર્ષથી આગ્રુપ દ્વારા અનેક સેવાકીય કાર્ય કરાય છે.

Read More

કોંગ્રેસના ગેનીબેન ઠાકોરે જાહેર મંચ પરથી કોંગ્રેસ પર કટાક્ષ કરી ભાજપના વખાણ કર્યા

By , , ,

બનાસકાંઠાઃ કોંગ્રેસના ધારાસભ્ય ગેનીબેન ઠાકોરે ભાજપના વખાણ કર્યા છે. કોંગ્રેસની કારમી હાર બાદ ગેનીબેને જાહેર મંચ પરથી વિરોધી પાર્ટી ભાજપના વખાણ કર્યા છે. ગેનીબેને ઠાકોરે ભાજપની સ્ટ્રેટેજીના વખાણ કરી, કોંગ્રેસ પર પ્રહાર કર્યો હતો.

ગેનીબેને કોંગ્રેસ પર કટાક્ષ કર્યો

ગેનીબેને ઠાકોરે જાહેર મંચ પરથી કોંગ્રેસ પર કટાક્ષ કરતા કહ્યું હતું કે, ‘કોંગ્રેસના આગેવાનો-નેતાઓ અમે બધા, ACવાળી કારના કાચ ખોલવા નથી. પરિશ્રમ નથી કરવો. આ ભાજપવાળા બીજું તો એમનું હશે, ઠીક છે… એ વહીવટી તંત્રનો દુરુપયોગ કરે. પૈસા સામ,દામ, દંડ, ભેદ.. પણ એ મહેનત કરે છે.’

Published by:Vivek Chudasma

First published:

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Banankatha News, Bjp gujarat, Congress Gujarat, Geniben thakor


Read More

માધાપર ચોકડીથી બેડી ચોકડી વચ્ચે રોડ પર ટ્રક પાછળ ડમ્પર અથડાતા આગળના ભાગનો ભૂક્કો, ડ્રાઇવરનું મોત | rajkot crime news: accident between truck and dumper so one man death

By , , ,

રાજકોટ13 મિનિટ પહેલા

  • કૉપી લિંક
ટ્રક પાછળ ડમ્પર ઘૂસી જતા આગળના ભાગનો ભૂક્કો થઈ ગયો હતો. - Divya Bhaskar

ટ્રક પાછળ ડમ્પર ઘૂસી જતા આગળના ભાગનો ભૂક્કો થઈ ગયો હતો.

રાજકોટ શહેરના માધાપ૨ ચોકથી બેડી ચોકડી ત૨ફ જવાના ૨સ્તે ટ્રક પાછળ ડમ્પર ઘૂસી ગયું હતું. આથી ડમ્પરનો આગળના ભાગનો ભૂક્કો થઈ ગયો હતો અને તેના ચાલકનું ઘટનાસ્થળે જ મોત નીપજ્યું હતું. મૂળ મધ્યપ્રદેશનો વતની અને હાલ પરાપીપળીયામાં રહેતો શિવ ન૨શીભાઈ અનારી (ઉં.વ.20) નામનો યુવાન આજે સવા૨ના સમયે ડમ્પ૨ લઈ નીકળ્યો હતો. ત્યારે ૨સ્તામાં આગળ જઈ ૨હેલા ટ્રક પાછળ ડમ્પ૨ ધડાકાભે૨ અથડાતા ચાલક શિવ અનારીનું ઘટનાસ્થળે મોત નીપજ્યું હતું. ડમ્પ૨ના આગળના ભાગનો ભૂક્કો થઈ જતા તેમાં ફસાયેલા શિવનું રેસ્ક્યુ કરી તેમના મૃતદેહને બહા૨ કાઢી પોસ્ટમોર્ટમ માટે હોસ્પિટલ ખસેડાયો હતો. મૃતક માધાપ૨ ચોકડીથી બેડી ચોકડીએ ડમ્પ૨માં રેતી ભરી ખાલી ક૨વા જતો હતો.

80 હજારની ચોરી કરનાર આરોપીની ધરપકડ રાજકોટના હુડકો ક્વાર્ટરમાં રહેતાં જયંતિભાઇ વિઠ્ઠલભાઇ સોનીના મકાનમાં તિજોરીની ચાવી બનાવવા આવેલા બે સરદારજીએ તિજોરીમાં રહેલ 4 સોનાના પાટલા અને સોનાનું પેન્ડલ મળી રૂ.80 હજારના મુદામાલની ચોરી કરી નાસી ગયા હતાં. આ અંગે ભક્તિનગર પોલીસ મથકમાં ફરિયાદ નોંધાઈ હતી. દરમિયાન ક્રાઇમ બ્રાન્ચની ટીમ પેટ્રોલિંગમાં હતી ત્યારે મળેલી બાતમીના આધારે ઓમકારસિંઘ સેવસિંઘ સિકલીગરને દબોચી કાયદેસરની કાર્યવાહી કરી હતી.

ક્રાઇમ બ્રાન્ચે ચોરની ધરપકડ કરી.

ક્રાઇમ બ્રાન્ચે ચોરની ધરપકડ કરી.

દાગીના વડોદરાની એક મહિલાને વેચી નાખ્યા
પૂછપરછમાં આરોપીએ સોનાના દાગીના ચોરી એક મહિલાને વડોદરા વેચી નાંખી રોકડા રૂપિયા લઈ લીધા હોવાનું સામે આવ્યું છે. ઉલ્લેખનીય છે કે, આરોપી તાળાની ચાવી બનાવવાનો ધંધો કરતો હોય અને અલગ અલગ શહેરમાં ધંધા માટે કોઈ પણ સોસાયટીમાં તાળાની કે તીજોરીની ચાવી બનાવવા માટે ઘરમાં જઈ ઘરમાં હાજર વ્યક્તિની કોઈ પણ કારણ બતાવી તેની નજર ચૂકવી ઘરમાં પડેલ સોના-ચાંદીના દાગીના કે રોકડ રકમની ચોરી કરવાની મોડસ ઓપરેન્ડીથી ચોરી કરતો હતો.

અન્ય સમાચારો પણ છે…

Read More

24-hour cleaning operation of 40 km main roads has been started in Bharuch amb – News18 Gujarati

By , , ,

Aarti Machhi, Bharuch: ભરૂચ શહેર તથા નંદેલાવ, ભોલાવ અને ઝાડેશ્વર વિસ્તારના અંદાજિત કુલ 40 કિલોમીટર વિસ્તારના મુખ્ય રસ્તાઓની 24 કલાક સાફ-સફાઈની કામગીરીનો શુભારંભ કરવામાં આવ્યો છે. સ્વચ્છતા સર્વેક્ષણના રેન્કમાં ભરૂચ દેશના ટોપટેનમાં આવે તેવા પ્રયાસ હાથ ધરવામાં આવ્યા છે.

ભરૂચ દેશના ટોપટેન શહેરોમાં આવે તેવા પ્રયાસો કરાશે : રમેશ મિસ્ત્રી

આ પ્રસંગે ધારાસભ્યએ રમેશ મિસ્ત્રીએ જણાવ્યું હતું કે, ભરૂચને સુંદર અને હજુ વધુ રહેવાલાયક બનાવવા આથી વિશેષ પ્રસંગ બીજો કોઈ હોઈ શકે નહી. સ્વચ્છતા સર્વેક્ષણના રેન્કમાં ભરૂચ દેશના ટોપટેન શહેરોમાં આવે તેવા પ્રયાસો કરવા માઈ વિલેબલ ભરૂચને અભિયાન સ્વરૂપે ઉપાડી લઈ તંત્રને સહકાર આપીયે.

ભરૂચ શહેર તથા નંદેલાવ, ભોલાવ અને ઝાડેશ્વર વિસ્તારના અંદાજિત કુલ 40 કિલોમીટર વિસ્તારની સાફ સફાઈ, ઘર અને રસ્તાદીઠ કચરાનું એકત્રીકરણ, ભીના કચરાનુ વિભાજન, નિકાલ અને વ્યવસ્થાપન કરવામાં આવશે.

તમારા શહેરમાંથી (સુરત)

કલેકટરે સ્વચ્છતા અંગેના રસપ્રદ પ્રસંગો કહ્યા

જિલ્લા કલેક્ટર તુષાર સુમેરાએ પ્રાસંગિક પ્રવચનમાં પોતાના આઈએએસની ટ્રેનિંગ દરમ્યાન સિંગાપોર દેશની વિઝિટ દરમ્યાન સ્વચ્છતા અંગેના રસપ્રદ પ્રસંગો સાથે ત્યાંની સિસ્ટમની ચર્ચા કરી હતી.

અને ભારતમાં સ્વછતતા સર્વેક્ષણમાં પ્રથમક્રમે આવતા ઈન્દોર શહેરના ગારબેઝ કલેક્શન વ્યવસ્થા અને ગારબેઝ ફ્રી શહેરની વાત સાથે પોતાના અનુભવો વર્ણવ્યા હતા. ભરૂચ શહેરને પણ વધુ સારી રીતે રહેવાલાયક, સુંદર બનાવવાની આ પહેલને લોકો અપનાવે અને મદદરૂપ બને તેવી હાંકલ કરી હતી.

ગંદકી ફેલાવનાર શહેરીજનો વિરુધ્ધ દંડાત્મક પગલાં લેવાશે

જિલ્લા કલેક્ટર તુષાર સુમેરાએ જણાવ્યું હતું કે,શહેરની મુખ્ય દિવાલોનું બ્યુટીફીકેશનનું કામહાલ ચાલી જ રહ્યું છે. ઘર અને રસ્તાદીઠ કચરાનું એકત્રીકરણ, સુકા અને ભીના કચરાનુ વિભાજન, નિકાલ અને વ્યવસ્થાપન, ગંદકી ફેલાવનાર શહેરીજનો વિરુધ્ધ દંડાત્મક પગલાં, શહેરની ગૃહિણીઓ માટે હોમ કમ્પોસ્ટિંગની તાલીમ અને શહેરીજનો માટે ઉત્તમ રીતે રહેવાલાયક બની રહે એવી વિવિધ કામગીરી અને પ્રવૃત્તિઓ સક્રિયપણે હાથ ધરવામાં આવનારી છે.

જ્યુટ બેગનું વિતરણનું કરવામાં આવ્યું હતું

કાર્યક્રમમાં ઉપસ્થિત તમામ લોકોને સિગલ યુઝ પ્લાસ્ટિકની જગ્યાએ જ્યૂટ બેગ્સના વપરાશ અર્થે જ્યુટ બેગનું વિતરણ કરાયું હતું. આ કાર્યક્રમમાં બાંધકામ શાખાના ચેરમેન ધર્મેશ મિસ્ત્રી, ભરૂચના પૂર્વે ધારાસભ્ય દુષ્યંતભાઈ પટેલ, ખાનગી સંસ્થાઓ, સીએસઆર અનુદાન ફાળવતી કંપનીઓ તરફથી હાજર રહેલા પ્રતિનિધિઓ, તેમજ મોટી સંખ્યામાં શહેરીજનો હાજર રહ્યા હતા.

Published by:Santosh Kanojiya

First published:

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bharuch, Clean, Local 18, Road

Read More

હિંમતનગરમાં કેનાલની જાળવણીને અભાવે ગાબડાં પડ્યાં, પાલિકા-સિંચાઈ વિભાગની એકબીજા પર ખો

By , , ,

ઈશાન પરમાર, હિંમતનગરઃ કેનાલની જાળવણીના અભાવે કેનાલમાં ગાબડાં પડવા અને કેનાલ ઓવરફ્લો થવાના બનાવ સામે આવતા હોય છે. ત્યારે ખેડૂતોના પાકને ક્યારેક નુકસાન થતું હોય છે તો તંત્ર જાળવણી કરવાની તો દૂર રહી પણ એકબીજાને ખો આપી રહી છે.

કેનાલમાં સાફ સફાઇ વગર જ પાણી છોડ્યું

આ વર્ષે વરસાદ સારો પડવાથી હાથમતી જળાશયમાંથી સિંચાઇ માટે પાણી છોડવામાં આવી રહ્યું છે, પરંતુ કેનાલમાં સાફ સફાઈ કર્યા વગર જ પાણી છોડી દેતાં જ કેનાલમાં ગંદકીના થર જોવા મળી રહ્યા છે. આ ઉપરાંત આજુબાજુ ઝાડી-ઝાંખરાને લઈને પણ કેનાલમાં ગંદકી જોવા મળે છે. હિંમતનગરના મધ્યમાંથી પસાર હાથમતી કેનાલ પર કરોડોના ખર્ચે કેનાલ ફ્રન્ટ બનાવવામાં આવ્યો છે, પરંતુ પાલિકા અને સિંચાઈ વિભાગની જાળવણીના અભાવે કેનાલમાં ગંદકી ખદબદી રહી છે. જો રજૂઆત કરવા જઈએ તો પાલિકા સિંચાઈ પર અને સિંચાઈ પાલિકા પર ખો આપે છે.આ પણ વાંચોઃ છેલ્લા સાત વર્ષથી કૃષિમંત્રીના વિસ્તારની કેનાલ ખાલી

સામાન્ય લોકોથી લઈને ખેડૂતોને નુકસાન

જિલ્લામાં હજુ સુધી ગાબડાં પડવાના બનાવો બન્યાં નથી તેવું તંત્ર જણાવી રહ્યુ છે, પરંતુ કેનાલમાં સાફ સફાઈ કર્યા વગર કેનાલ ઓવરફ્લો થવાના બનાવો બને છે. તેવું અધિકારી પણ માની રહ્યા છે, ત્યારે જો કેનાલ ઓવરફ્લો થાય કે ગાબડું પડે તો સામે સામાન્ય લોકોથી લઈને ખેડૂતોને નુકસાન ભોગવવું પડતું હોય છે. ત્યારે ખેડૂતો અને સ્થાનિકોએ પણ આક્ષેપ કર્યા છે કે, ‘કેનાલમાં સાફ સફાઈ થઈ રહી નથી.’ તો બીજી તરફ અધિકારી જણાવી રહ્યા છે કે, ‘ખેડૂતો, વેપારીઓ અને સામાન્ય જનતા અને પાલિકા જ કેનાલમાં ગંદકી કરી રહ્યા છે.’

તમારા શહેરમાંથી (જામનગર)

Published by:Vivek Chudasma

First published:

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Farmer Protest, Farmers News, Jamnagar News, Narmada canal

Read More

108 બની સંજીવની: એક વર્ષમાં 108 એમ્બ્યુલન્સે 12.72 લાખ લોકોની જિંદગી બચાવી!

By , , ,

108 ambulances: રોજ 3485 અને પ્રતિ ક્લાક 145 જેટલા દર્દીઓને 108 એમ્બ્યુલન્સ દ્વારા ઇમરજન્સી સ્વાસ્થ્ય સેવા પહોંચતી કરવામાં આવી

Read More

સોજિત્રામાં પતિનું મોત થતા દીયર સાથે વિધવા ભાગી ગઈ, બે મહિનાનો ગર્ભ રહેતા દીયરે હાથ ઉચા કરી દીધા | In Sojitra, the widow ran away with Dier after her husband died, the two-month-old Dier raised her hands.

By , , ,

આણંદ29 મિનિટ પહેલા

  • કૉપી લિંક
પ્રતિકાત્મક તસવીર - Divya Bhaskar

પ્રતિકાત્મક તસવીર

સોજિત્રામાં રહેતી યુવતીના પતિનું અઢી વર્ષ પહેલા મૃત્યું નિપજ્યું હતું. બાદમાં તે તેના દીયરના પ્રેમમાં પડી હતી. પરંતુ પરિવારે આ સંબંધ ન સ્વીકારતા બન્ને ભાગી ગયાં હતાં. જોકે, વિધવાને ગર્ભ રહેતાં દીયરે હાથ ઉંચા કરી દીધા હતા અને તેને રાખવાની ના પાડી દીધી હતી. આથી, તેઓએ અભયમને જાણ કરી હતી. જેના પગલે અભયમની ટીમે દીયરને કાયદાકીય ભાન કરાવતા સમાધાન કરાવ્યું હતું.
ગર્ભ રહેતા દિયરે સાથે રાખવાનો સાફ ઈન્કાર કરી દિધો
આણંદ જિલ્લાના સોજીત્રામાં રહેતા યુવતીના પતિનું અઢી વર્ષ પહેલા અવસાન થયું હતું. દરમિયાન સાસરીમાં સારુ ન હોવાથી તેણી તેના નાના બાળકને લઈને પીયર રહેવા આવી હતી. જોકે, દરમિયાન વિધવાના કાકા સસરાના દિકરા સાથે મનમેળ થતા બન્ને પ્રેમમાં પડ્યા હતા. જે બાદ દીયર સાથે વિધવા બાળકને લઈને સૌરાષ્ટ્રમાં ભાગી ગયા હતા. જ્યા એક વર્ષ રહ્યા બાદ પરત ફર્યા હતા. દરમિયાન વિધવાને બે મહિનાનો ગર્ભ રહેતા દીયરે હાથ ઉચા કરીને સાથે રાખવાનો સાફ ઈન્કાર કરી દિધો હતો. આથી વિધવાએ અભયમની ટીમને જાણ કરી હતી. જેથી આણંદની 181 અભયમ દ્વારા ઘટના સ્થળે પહોચીને કાઉન્સિલીગ કરવામાં આવ્યું હતું. ટીમે દિયરને કાયદાકિય ભાન કરાવતા સમાધાન કરાવવામાં આવ્યું હતું.

અન્ય સમાચારો પણ છે…

Read More

છેલ્લા સાત વર્ષથી કૃષિમંત્રીના વિસ્તારની કેનાલ ખાલી, અનેકવાર રજૂઆત છતાં પાણી નથી આવતું!

By , , ,

કિંજલ કારસરીયા, જામનગરઃ જિલ્લાના જોડિયા પંથકમાં આવેલી ઊંડ-1 ડેમ હેઠળની ડાબા કાંઠાની કેનાલ છેલ્લા સાત વર્ષથી ખળભળેલી હાલતમાં પડી છે. જોડિયા પંથકના 10થી 15 ગામો જેવા કે લીંબુડા, વાવડી, હડીયાણા, નેસડા, કુનન્ડ, નથુવડલા જેવા ગામોમાં આ કેનાલ શરૂ થવાથી પાક માટે ખેડૂતોને પાણી મળી શકે એમ છે. 31 આર.બી. અને 32 માઇનોર કેનાલ છેલ્લા સાત વર્ષથી બની છે, પરંતુ તેમાં એક પણ વાર પાણી નથી આવ્યું.

અનેકવાર આ મામલે વિરોધ કર્યો

ખેડૂતો અવારનવાર આ અંગે રજૂઆતો કરી ચૂક્યા છે. એકવાર અર્ધનગ્ન અવસ્થામાં ખેડૂતોએ કેનાલમાં ઊતરી વિરોધ પ્રદર્શન કર્યુ હતું. પરંતુ હાલ પણ આ કેનાલનું કામ અધૂરું પડ્યું છે. જેટલું કેનાલનું કામ થયું છે, તેમાં પણ હાલ પોપડાઓ ઉખડી રહ્યા છે અને કુંડીઓ પણ તૂટેલી હાલતમાં જોવા મળી રહી છે. ત્યારે કૃષિ મંત્રી રાઘવજી પટેલના વિસ્તારમાં ખેડૂતો માટે આ કેનાલ શરૂ થાય તો આશિર્વાદ સમાન બની રહેશે અને પાણી આવતા ખેડૂતોના ઉભા પાકને પણ ફાયદો થઈ શકે છે.

સરકારને પગલાં લેવા રજૂઆત

ખેડૂતોના હિત ઇચ્છતી ગુજરાતની સરકારે તાત્કાલિક આ અંગે ધ્યાન આપી કેનાલની નબળી કામગીરી અંગે કોન્ટ્રાક્ટરો સામે પગલાં લેવા અને તાત્કાલિક આ કામગીરી શરૂ કરાવી અહીં પાણી શરૂ કરાવવા માગણી ઉઠી છે.

તમારા શહેરમાંથી (જામનગર)

Published by:Vivek Chudasma

First published:

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Farmer Protest, Jamnagar News, Protest

Read More