ગેનીબેન ભાજપમાં જોડાવાની તૈયારીમાં? કોરોના અંગે આરોગ્યમંત્રીનું મોટું નિવેદન, એપ્રિલમાં પણ માવઠાની આગાહી | Ganiben ready to join BJP? Traveling on Ahmedabad Vadodara Express Highway will be expensive, know how much toll tax has increased, see seven big news | Times Of Ahmedabad

• Gujarati News
• Local
• Gujarat
• Ganiben Ready To Join BJP? Traveling On Ahmedabad Vadodara Express Highway Will Be Expensive, Know How Much Toll Tax Has Increased, See Seven Big News

35 મિનિટ પહેલા

• કૉપી લિંક

RTE પ્રવેશ માટેની તારીખ થઇ જાહેર

10 થી 22 એપ્રિલ સુધીમાં વાલીઓ પોતાના બાળક માટે ફોર્મ ભરી શકશે. જો કે આ માટે 1 જૂન 2023 સુધીમા 6 વર્ષ બાળકે પૂર્ણ કરેલા હોવા જોઈએ.દરેક માતા-પિતાની ઈચ્છા હોય છે કે તેમના સંતાનોને ઉત્તમ શિક્ષણ મળે, પણ પરિવારની આર્થિક પરિસ્થિતિના કારણે સારી શાળામાં પ્રવેશ ન મળતા તે મુંઝવણ અનુભવતા હોય છે. જો કે માતા પિતાની મુંઝવણ સરકારની RTE યોજનાને કારણે હળવી થઇ શકે છે. ત્યારે નવા વર્ષ માટે ધોરણ 1માં નબળા અને વંચિત જૂથના બાળકોને પ્રવેશ મળે તે માટે RTE પ્રવેશની તારીખ જાહેર કરાઇ છે. ગુજરાતમાં RTE માટે 10 એપ્રિલથી ફોર્મ ભરાવવાનું શરૂ થશે. 10 થી 22 એપ્રિલ સુધીમાં વાલીઓ પોતાના બાળક માટે ફોર્મ ભરી શકશે.જો કે સંયુક્ત શિક્ષણ નિયામકના પરિપત્ર મુજબ બાળક પૂર્વ પ્રાથમિક શિક્ષણ પૂર્ણ કરે અને ધોરણ 1માં પ્રવેશની કાર્યવાહી કરે ત્યારે શૈક્ષણિક વર્ષ 2023-24માં પહેલી જૂનના રોજ 6 વર્ષની ઉંમર પૂર્ણ થવી જરૂરી રહેશે. બાળકની ઉંમર 1 જૂનના રોજ 6 વર્ષ કરતા ઓછી હશે, તો પ્રવેશ આપી શકાશે નહિ. ખાનગી શાળાઓમાં એડમિશન પ્રોસેસ શરૂ થઈ ગઈ છે.

આજથી અમદાવાદથી વડોદરા જવું મોંઘુ બન્યું

દેશમાં દિવસે દિવસે વધી રહેલી મોંઘવારીથી સામાન્ય માણસની હાલત કફોડી બનાવી રહી છે. પેટ્રોલ અને ડીઝલ સહિત જીવન જરૂરી ચીજોના ભાવ આસમાને પહોંચી રહ્યાં છે. ત્યારે હવે વડોદરાથી અમદાવાદના ટોલ ટેક્સમાં વધારો કરવામાં આવ્યો છે. આજથી અમદાવાદ-વડોદરા એક્સપ્રેસ હાઇવે પર ટોલ ટેક્સમાં વધારો ઝીંકવામાં આવ્યો છે.અમદાવાદ-વડોદરાની સવારી થશે મોંઘી કારણ કે એક્સપ્રેસ વેના ટોલ ટેક્સમાં વધારો થયો છે. જેમાં અમદાવાદ-વડોદરા એક્સપ્રેસ વે પર વિવિધ પ્રકારનાં વાહનો માટે ટોલ ટેક્સની ફીમાં વધારો થવા પામ્યો છે. વડોદરાથી અમદાવાદના કારના ટોલ ટેક્સમાં 10 રૂપિયાનો વધારો કરવામાં આવ્યો છે. જેમાં હવેથી કાર, જીપ, વાન અને LMV પ્રકારના વાહનોને અમદાવાદથી વડોદરા ટોલ ટેક્સ સીંગલ 135 અને રીટર્ન 200 રૂપિયા થશે. તેમજ અમદાવાદથી નડીયાદનીં સીંગલ ટ્રીપ માટે રૂા.65 અને રીટર્ન ટ્રીપનાં રૂા.95 થશે. અમદાવાદથી આણંદના સીંગલ ટ્રીપ રૂા.85 અને રીટર્ન ટ્રીપ રૂા.125 થશે.

કોરોના મુદ્દે આરોગ્યમંત્રી ઋષિકેશ પટેલનું નિવેદન

ગુજરાતમાં ફરી કોરોનાએ માથું ઉચકયો હોય તેવી સ્થિતિ જન્મી રહી છે. કોરોના કેસમા વધઘટ જોવા મળી રહી છે. ગુજરાતમાં ફરી કોરોનાના રોજિંદા સંક્રમિત દર્દીઓનો સામાન્ય વધઘટ જોવા મળી રહ્યો છે. આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ 24 કલાકમાં રાજ્યમાં કોરોનાના 338 પોઝિટિવ કેસ નોંધાયા છે. આવામાં કોરોનાને લઇને રાજ્યના આરોગ્ય મંત્રી ઋષિકેશ પટેલનું મહત્વનું નિવેદન સામે આવ્યું છે. કોરોનાને લઇને ઋષિકેશ પટેલે કહ્યું કે, કોરોનાથી હવે કોઈએ ડરવાની જરૂર નથી. હવે કોરોના જીવનનો એક ભાગ થઇ ગયો છે. કોરોનાની ઘાતકતા ઘટી છે. લોકોએ કોરોનાથી સાવધાની રાખવી જોઈએ, ડરવાની જરૂર નથી. સાથે જ સમયસર હાથ ધોવા અને માસ્ક પહેરવાની આરોગ્ય મંત્રીએ વાત કરી છે. તેમણે જણાવ્યું છે કે, કોરોના ટેસ્ટિંગમાં વધારો થઈ રહ્યો છે. રાજ્યમાં કોરોના કેસોમાં સતત વધારો નોંધાઈ રહ્યો છે. 24 કલાકમાં 338 કેસ નોંધાયા છે. અમદાવાદમા 92 કેસ તેમજ રોજકોટમાં 44 કેસ, મોરબીમાં 34, સુરતમાં 37, અમરેલીમાં 7 કેસ નોંધાયા છે. આણંદમાં 5, બનાસાકાઠામાં 12 કેસ નોંધાયા છે. ભાવનગરમાં 5 અને મહેસાણામાં 12 કેસ સામે આવ્યા છે. સાબરકાંઠામાં 14 અને નવસારીમાં 4 દર્દીઓ કોરોનાથી સંક્રમિત થયા છે. ભરૂચમાં 8 અને દાહોદમાં 1 કેસ નોંધાયો છે.

સરકારને ઘેરનારા નેતાએ કર્યા સરકારના વખાણ
વાવના ધારાસભ્ય ગેનીબેન ઠાકોરનો એક વીડિયો હાલમાં વાઈરલ થઈ રહ્યો છે. જેમાં તેઓ નડાબેટ ખાતે નડેશ્વરી માતાના 37મા પાટોત્સવ કાર્યક્રમમાં હાજરી આપવા માટે પહોંચ્યા હતા. રામ નવમીના દિવસે યોજાયેલા આ સંતવાણી કાર્યક્રમમાં તેમણે કહ્યું કે, ભારત પાકિસ્તાન સીમા પર આવેલ નડાબેટ નો સરકારે વિકાસ કર્યો છે. સરકારનો લાભ ખુબ સારા પ્રમાણમા મળતા સીમા દર્શન અને નડાબેટમાં આવેલ નડેશ્વરી માતાજીના મંદિરેને દેશમાં નહી પરંતુ વિશ્વના નકશામાં સ્થાન મળ્યું છે. તેના કારણે મોટા પ્રમાણમાં લોકો અહીં આવી મુલાકાત લેશે.નોંધનીય છે કે, હર હંમેશ વિવિધ મુદ્દા પર સરકારને ઘેરવાની તૈયારીમાં રહેતા ગેનીબેન ઠાકોરે સરકારે છેવાડાના વિસ્તારોમાં કરેલા વિકાસના કામોને વખાણ કર્યા હતા. ત્યારે હવે ખાસ જોવાનું રહેશે કે શું ગેનીબેન પણ અન્ય પૂર્વ કોંગેસના નેતાની જેમ ભાજપમાં જોડાવા જઈ રહ્યા છે?

એપ્રિલમાં પણ આવશે માવઠા

રાજ્યમાં એક પછી એક માવઠાની આગાહીની ઉપાધિ જોવા મળી રહી છે. ઉનાળાના પ્રારંભની સાથે જ માવઠાએ મોકાણ સર્જતા ઠેર-ઠેર અનેક વિસ્તારોના વાતાવરણમાં બદલાવ જોવા મળી રહ્યો હતો. તેવામાં રાજ્યમાં ફરી કમોસમી વરસાદની આગાહી કરવામાં આવતા ખેડૂતોના જીવ પડીકે બંધાયા છે. હવામાન વિભાગે ગુજરાતના વિવિધ વિસ્તારોમાં કમોસમી વરસાદની આગાહી કરી છે.રાજ્યના ખેડૂતો માટે માઠા સમાચાર છે કે, હવામાન વિભાગ દ્વારા ફરી કમોસમી વરસાદની આગાહી કરવામાં આવી છે. વધુ એક વેસ્ટર્ન ડિસ્ટર્બન્સ સક્રિય થતા વરસાદની આગાહી કરવામાં આવી છે. 4 અને 5 એપ્રિલે કમોસમી વરસાદની આગાહી કરાઈ છે તેમજ 4 એપ્રિલે કચ્છમાં સામાન્ય વરસાદની આગાહી અને 5 એપ્રિલે બનાસકાંઠા અને સાબરકાંઠામાં આગાહી કરવામાં આવી છે. આગામી 3 દિવસ બાદ ગરમીમાં વધારો થશે અને મોટાભાગના શહેરોમાં તાપમાન 35 ડિગ્રીથી વધુ નોંધાશે તેવી શક્યતાઓ વ્યક્ત કરી છે. હજુ પણ 2થી 4 ડિગ્રી તાપમાન વધવાની સંભાવના છે. આગાહીને ખેડૂતો ફરી ચિંતામાં મુકાયા છે, ભર ઉનાળે ચોમાસોનો માહોલ ફરી એકવાર જોવા મળશે.

સિવિલ હોસ્પિટલની ડિજીટલ પહેલ

અમદાવાદ સિવિલ હોસ્પિટલ દ્વારા ૧ એપ્રિલ થી દર્દીઓના હિતાર્થે નવતર પહેલ હાથ ધરવામાં આવી રહી છે. જેના અંતર્ગત હોસ્પિટલમાં નિદાન અને સારવાર અર્થે આવતા દર્દીઓ એક વખત ડોક્ટરની મુલાકાત લીધા બાદ ફરી વખત તપાસ માટે આવવા તેઓને SMS કરીને જાણ કરવામાં આવશે.વધુમાં દર્દીઓએ ફરી વખત હોસ્પિટલમાં આવતી વેળાએ આગળની સારવારના કાગળ ઓપીડી વિભાગમાં સવારે ૮:૩૦ કલાકે બતાવવાના રહેશે. સિવિલ હોસ્પિટલમાં સુપ્રીટેન્ડન્ટ ડૉ. રાકેશ જોશી એ જણાવ્યું છે કે , દર્દીઓને સત્વરે અને સરળતાથી શ્રેષ્ઠ સારવાર ઉપલબ્ધ બને તે માટે દર્દીઓના સુખાકારીમાં વધારો કરતી પહેલ હાથ ધરવામાં આવી છે. સમગ્ર દેશમાં જ્યારે ડિજિટલ ઇન્ડિયા અંતર્ગત ગુડ ગવર્નન્સ અને એમ ગવર્નન્સના અભિગમ સાથે સરકારી સેવાઓને સરળ બનાવવામાં આવી રહી છે ત્યારે આ સમગ્ર પ્રક્રિયા ને અનુસરીને સિવિલ હોસ્પિટલે પણ આ ડિજિટલ અભિગમ અપનાવ્યો છે.

સેલ્ફી લેવા જતા યુવક ખાડામાં પડ્યો

આજકાલના યુવાનોમાં વધી રહેલા મોબાઈલના વળગણમાં સેલ્ફીનું દૂષણ વધી રહ્યું છે. સેલ્ફીના ચક્કરમાં યુવાઓ પોતાનો જીવ જોખમમાં મૂકીને જીવ ગુમાવ્યાના અનેક બનાવો સામે આવી ચૂક્યા છે. ત્યારે શક્તિપીઠ પાવાગઢમાં પણ આ રીતે સેલ્ફી લેવા જતા 22 વર્ષનો એક યુવક 50 ફૂટ ઊંડા ખાડામાં ખાબક્યો હોવાની વિગતો મળી રહી છે. જોકે પોલીસ અને 108ની ટીમ દ્વારા યુવકનું દિલધડક રેસ્ક્યૂ કરવામાં આવ્યું હતું.મળતી માહિતી મુજબ, સુપ્રસિદ્ધ યાત્રાધામ પાવાગઢ ખાતે ભદ્રકાળી માતાજીના મંદિર તરફ જવાના રસ્તામાં ટંકશાળ પાસે ફોટો પાડવા જતા એક યુવક ખાડામાં ખાબક્યો હતો. સ્મિત પંડ્યા નામના યુવક દ્વારા એક યુવક ખાડામાં પડ્યો હોવાની સ્થાનિક પાવાગઢ પોલીસને જાણ કરવામાં આવી હતી. જેના પગલે પાવાગઢ પોલીસ, ફાયર ફાઇટર ટીમ અને 108 ની ટીમ તાત્કાલિક ઘટના સ્થળે પહોંચી હતી અને અંદાજીત પચાસ ફૂટ ઊંડા ખાડામાં પડેલ ગૌરવ દવેનું દિલધક રેસ્ક્યુ કરવામાં આવ્યું હતુ અને યુવકને સહીસલામત રીતે બહાર કાઢી 108 દ્વારા સારવાર અર્થે હોસ્ટપિટલ ખસેડવામાં આવ્યો હતો.

અન્ય સમાચારો પણ છે…

Read More

એસ.એફ. હાઇસ્કુલમાં આગ લાગી; ફાયર વિભાગે આગ બુઝાવી; સમગ્ર ઘટનાથી શાળાના સ્ટાફ તેમજ બાળકોને જાગૃત કરાયા | S.F. High school catches fire; The fire department extinguished the fire; The school staff and children were made aware of the entire incident | Times Of Ahmedabad

છોટા ઉદેપુર30 મિનિટ પહેલા

• કૉપી લિંક

છોટા ઉદેપુરની એસ.એફ હાઇસ્કુલ ખાતે આજરોજ ફાયર વિભાગ દ્વારા મોકડ્રીલનું આયોજન કરવામાં આવ્યું હતું. એસ.એફ. હાઇસ્કુલમાં આગ લાગતા ફાયર ફાઈટર વિભાગે આવીને આગ બુઝાવી હતી.

G-20 કાર્યક્રમ અંતર્ગત આજરોજ રજવાડાના સમયની એસ.એફ. હાઇસ્કુલ ખાતે મોકડ્રિલનું આયોજન કરવામાં આવ્યું હતું. શાળાના બાળકોને આગ લાગે ત્યારે શું કાર્યવાહી કરવી, તેમજ શાળામાં આગ લાગે ત્યારે બાળકોનો બચાવ કેવી રીતે કરવો, તેની સમજ બાળકો અને સ્ટાફને આપવા માટે મોકડિલનું આયોજન કરવામાં આવ્યું હતું.

એસ.એફ. હાઇસ્કુલમાં આજરોજ આગ લાગી હોય તેવું દૃશ્ય ઊભું કરવામાં આવ્યું હતું. ત્યારબાદ ફાયર વિભાગને ફોન કરતા ફાયર વિભાગ ઘટનાસ્થળે આવીને તાત્કાલિક આગ કાબુમાં લીધી હતી. તે સમગ્ર ઘટના શાળાના સ્ટાફ અને બાળકોને બતાવીને સમજાવ્યા હતા.

અન્ય સમાચારો પણ છે…

Read More

ખંભાત નગરપાલિકાનું ગઈકાલે બોર્ડ હતું; વિપક્ષ દ્વારા વિવિધ નારા સાથે સૂત્રોચ્ચાર કરી વિરોધ કરાયો | The board of Khambhat Municipality was yesterday; The opposition raised slogans and protested | Times Of Ahmedabad

ખંભાત16 મિનિટ પહેલા

• કૉપી લિંક

ખંભાત નગરપાલિકાની બોર્ડ બેઠક નગરપાલિકા હોલ ખાતે યોજાઈ હતી. જેમાં વર્ષ 2023-24નું બજેટ રજૂ કરવામાં આવ્યું હતું. જેમાં નગરપાલિકાની કુલ આવક 81 કરોડ 91 લાખ 31 હજાર દર્શાવવામાં આવી. જેની સામે ખર્ચ 81 કરોડ 61 લાખ 76 હજાર પાંચસો એક દર્શાવવામાં આવ્યો હતો. જે સાથે 29 લાખની પૂરાંત દર્શાવતું બજેટ રજૂ કરવામાં આવ્યું હતું. જેમાં શાસક પક્ષે વિવિધ યોજનાઓ પૈકી સ્પોર્ટ્સ કોમ્પ્લેક્સ, ગાર્ડન રીનોવેશન, અમૃતમ 2 યોજના હેઠળ મીઠા પાણીની યોજના નારેશ્વરનું બ્યુટીફિકેશન જેવી વિવિધ જોગવાઈ રજૂ કરવામાં આવી હતી. જોકે આ બોર્ડ બેઠકમાં શાસક પક્ષે વિપક્ષની એક પણ રજૂઆત સાંભળ્યા વગર જ બોર્ડ બેઠક સમેટી લેતા વિપક્ષ દ્વારા નગરપાલિકામાં હાયરે પ્રમુખ હાય હાય…ભ્રષ્ટાચાર દૂર કરો જેવા નારા લગાવી વિરોધ નોંધાવ્યો હતો.

આ અંગે વિપક્ષના કાઉન્સિલર નીતિન બ્રહ્મભટ્ટ તથા ઇપતેખાર યમની એ આક્ષેપ પૂર્વક જણાવ્યું હતું કે, બજેટ અંગે અમે કાંઈ જાણતા નથી. તેઓએ માત્ર ત્રણ મિનિટમાં જ બોર્ડ બેઠક પૂરી કરી છે. શાસક પક્ષે લોકશાહીનું ખૂન કર્યું છે. કાયદામાં સ્પષ્ટ જોગવાઈ છે કે બજેટ બોર્ડ અલાઈદુ રાખવામાં આવે, વિપક્ષને બજેટ ઉપર ચર્ચા કરવાનો સમય આપવામાં આવે, શાસક પક્ષ દ્વારા આજે બજેટ રજૂ થવાનું હતું. જેમાં શાસક પક્ષ ખંભાતના હિત માટે નવું શું કરવા માગે છે.

પ્રજા માટે નવું શું આયોજન છે એનો ચિતાર આજે રજૂ કરવાનો હતો. ઘણી એવી પરિસ્થિતિમાં આજે મુશ્કેલીમાં મુકાઈ શકે તેમ હતા. વિપક્ષે વારંવાર રજૂઆતો કરી છતાં પણ બોલવા માટે કોઈ ચાન્સ આપ્યો નથી. વિપક્ષનો અવાજ દબાવવાનો પ્રયત્ન કર્યો છે. તેઓએ લોકશાહીનો સદંતર ભંગ કર્યો છે. સંપૂર્ણ સરમુખ હત્યાશાહી ચલાવી છે. અમે શાસક પક્ષના આ કાર્યને સદંતર વખોડીએ છીએ, આજે હું તમામ પુરાવા સાથે આવ્યો હતો. શાસક પક્ષની પોલમ પોલ ખુલવાની હતી. તેમને ગંધ આવી ગઈ હતી કે વિપક્ષ આજે અમારા ઉપર કાયદેસર પ્રહાર કરશે અને એટલે જ આજે શાસક પક્ષ ઉભી પુંછડીએ ભાગ્યો છે.

અમે પ્રજા માટે પ્રજાના હિત માટે પ્રશ્નો રજૂ કરવાના હતા. જે પ્રશ્નો અમને રજૂ કરવા દીધા નથી અને પાંચ મિનિટમાં જ બોર્ડ બેઠક સમેટી લીધી છે. જે અંગે અમોએ અરજી આપી જણાવ્યું છે કે, ત્રણ દિવસમાં ફરીથી બોર્ડ બેઠક બોલાવવામાં આવે અને બજેટ અંગે ચર્ચા કરવામાં આવે જો આમ નહીં કરવામાં આવે તો અમે ઉચ્ચકક્ષાએ પ્રાદેશિક કમિશનરને રજૂઆત કરીશું.

આ અંગે નગરપાલિકા પ્રમુખ કામિની ગાંધીએ જણાવ્યું હતું કે, બજેટમાં અમે પ્રજાલક્ષી અને પ્રજાના હિત માટેના જ નિર્ણયો લીધા છે. વિપક્ષ દ્વારા એવી માગ હતી કે, બોર્ડ બેઠક પહેલા અમને સાંભળો અને પછી બોર્ડ બેઠક શરૂ કરો અમે એમને જણાવ્યું કે, બોર્ડ બેઠક પતવા દો પછી તમારો જે પ્રશ્ન હોય તે તમે જણાવો અને શક્ય હોય તો લેખિતમાં આપો. આ ઉપરાંત વિપક્ષે નગરપાલિકા હોલમાં જ ફાઈલો ફાડી અને અસભ્યતા ભર્યું વર્તન કર્યું છે. જે યોગ્ય નથી જે બાબતે વિપક્ષ દ્વારા વિરોધ કરવામાં આવ્યો છે.

અન્ય સમાચારો પણ છે…

Read More

સરથાણા ઝોનની વહીવટી બિલ્ડીંગ બે વર્ષથી બનીને તૈયાર હોય તેને કાર્યરત કરવા રજૂઆત | The administration building of Sarthana zone has been ready for two years and it is recommended to make it operational | Times Of Ahmedabad

11 મિનિટ પહેલા

• કૉપી લિંક

કરોડો રૂપિયાના ખર્ચે બનાવેલા સરથાણા વહીવટી ભવન કાર્યરત કરવા રજૂઆત

પાલિકાની સેવાઓ મેળવવા તેમજ રજૂઆતો અંગે કરોડોના ખર્ચે સરથાાણા વટીભવનનું નિર્માણ કરીને બે વર્ષથી પણ વધુ સમય વીતી ગયો હોવા છતાં હજી સુધી આ વહીવટીભવન વણવપરાયેલ પડી રહ્યો છે.

લોકોની હાલાકી કરોડો રૂપિયા ખર્ચ કર્યા બાદ પણ યથાવત

બે ઝોન બન્યા બાદ અને વર્ષ 2020માં સુરત મહાનગરપાલિકામાં સમાવિષ્ટ નવા 27 ગામો પૈકી 10 ગામો વેલંજા, ઉમરા, કોળીભરયાણા, અબ્રામા, કઠોર, પાસોદરા, કઠોદા, લસકાણા, વાલક, ભાદાનો સમાવેશ વરાછા ઝોન-બી (સરવાજા) માં સમાવેશ થતા સદર ઝોનના વિસ્તાર અને કર્મચારીઓની સંખ્યામાં વધારો થવા છતાં નવા વહીવટીભવનના અભાવે જૂના વહીવટીભવન ખાતે લોકોને તેમજ કર્મચારીઓને પુરતા સ્પેશના અભાવે કામગીરી કરવામાં અને સેવાઓ મેળવવામાં ખુબ જ દુરથી આવવું પડતું હોય છે તેમજ એક જ મુલાકાતમાં લોકોના કામો થતા નથી જેથી લોકોને ખુબ જ તકલીફો વેઠવી પડી રહી છે છે. તેમજ ઝોનમાં ખુબ જ ગરદી તથા ગીચતામાં વધારો થતા યોગ્ય ડીસ્ટન્સ પણ જળવાનું નથી.

શાસકોને જગાડવા જરૂરી છે : વિપક્ષ

સુરત કોર્પોરેશનના વિરોધ પક્ષના નેતા ધર્મેશ ભંડેરીએ જણાવ્યું કે બંને ઝોનની કામગીરી જૂના વહીવટી ઝોન ખાતેથી થતી હોવાથી સમગ્ર ઝોનમાં ઠેર ઠેર કબાટો, જુના રેકોર્ડના પોટલાઓ જોવા મળે છે અને પ્રજાને રજુઆત કરવા આવતા વેઈટીંગમાં બેસવા માટે પુરતી વ્યવસ્થા રહેતી નથી. તેમજ કર્મચારીઓ તેમજ કામદારો ફિલ્ડ પરથી આવતા હોય છે. તેઓના બેસવા માટે પણ જગ્યાનો સદંતર અભાવ વર્તાય રહેલ છે.જેની સામે કરોડોના ખર્ચે બનાવેલું નવું વહીવટીભવન વપરાશ વગર ધુળ ખાઈ રહેલ છે. ત્યારે આપશ્રી ધ્વારા નવી વહીવટીભવનનો સત્વરે ઉપયોગ શરૂ કરાવી પ્રજા અને કર્મચારીઓને સુવિધા મળી રહે ત્યાંથી આવશ્યક છે.

અન્ય સમાચારો પણ છે…

Read More

ઘોઘંબાના સરસવા ગ્રામપંચાયતના સરપંચની અનુપસ્થિતિ વચ્ચે છ સભ્યોએ વિરુદ્ધમાં મત આપ્યા; સરપંચને પદભ્રષ્ટ કરાયા | Six members voted against amid the absence of the Sarpanch of Ghoghamba's Saraswa Gram Panchayat; The Sarpanch was dismissed | Times Of Ahmedabad

હાલોલએક મિનિટ પહેલા

• કૉપી લિંક

ઘોઘંબા તાલુકાના સરસવા ગ્રામ પંચાયતના સરપંચને આખરે તાલુકા પંચાયતના વહીવટીતંત્ર દ્વારા પદ ઉપરથી હટાવી દેવતા છેલ્લા છ એક મહિનાથી ગ્રામપંયતના સભ્યો અને સરપંચ વચ્ચે ચાલી રહેલા ગજગ્રહનો અંત આવ્યો છે. અત્રે નોંધનીય છે કે, ગામલોકોના સમર્થનમાં ચૂંટણી જીતેલા સરપંચે ગામલોકોને સ્મશાનમાં જવા માટેનો ટૂંકો રસ્તો કે જે ખાનગી સર્વે નંબરમાંથી નીકળતો હતો તે બંધ કરી દેતા આ મામલે ગામલોકો અને ગ્રામપંચાયતના સભ્યોનો સરપંચ સાથે ગાજગ્રહ ઉગ્ર બન્યો હતો.

સરસવા ગ્રામ પંચાયતમાં સર્વે નંબર 21માંથી પસાર થતો ગામના સ્મશાનમાં જતો રસ્તો સરપંચ દ્વારા બંધ કરી દેવામાં આવતા ગામ લોકોને મુશ્કેલી પડી રહી હતી. અનેક વખત રજૂઆતો કરવા છતાં નિરાકરણ નહીં આવતા ગામ લોકો રોષે ભરાયા હતા અને ઘોઘંબા તાલુકા પંચાયત કચેરી ખાતે આવેદનપત્ર આપ્યું હતું. તેમજ પંચમહાલ જિલ્લા કલેક્ટરને પણ રજૂઆત કરવામાં આવી હતી. પંચમહાલ જિલ્લા નાયબ કલેક્ટર દ્વારા આ બાબતે તાલુકા વિકાસ અધિકારી તરફે સૂચન કરતા તાલુકા વિકાસ અધિકારી દ્વારા પોલીસ બંદોબસ્ત સાથે એક સમયે આ રસ્તાને ખુલ્લો પણ કરવામાં આવ્યો હતો.

તેમ છતાં ફરીથી રસ્તો બંધ કરી દેવાતા વિવાદ વધુ વકર્યો હતો. જેમાં પંચાયતના ચૂંટાયેલા સભ્યો પણ જોડાયા હતા અને સરપંચની વિરોધમાં બે મહિના અગાઉ તાલુકા પંચાયત કચેરી ઘોઘંબા ખાતે અવિશ્વાસની દરખાસ્ત રજૂ કરવામાં આવી હતી. પંચાયત ધારાની જોગવાઈઓ અનુસાર અવિશ્વાસની દરખાસ્ત મળ્યાના 15 દિવસમાં સંબંધીત તાલુકા પંચાયત કચેરી દ્વારા આ અંગેની તમામ કાર્યવાહી કરવા અંગે પંચાયત ધારામાં જોગવાઈનો નિયમ હોવા છતાં નિયમ અનુસાર કાર્યવાહી ન થતા ગામ લોકો અને સભ્યો ઉશ્કેરાયા હતા અને અધિકારીઓ તથા રાજકીય હોદ્દેદારો દ્વારા દબાણ કરાતું હોવાના આક્ષેપો સાથે તાલુકા પંચાયત કચેરી ઘોઘંબા ખાતે ભારે હોબાળો મચાવ્યો હતો. તેમજ ભૂખ હડતાલ ઉપર બેસવાની ચીમકી પણ ઉચ્ચારી હતી.

આખરે રાજગઢ પોલીસ તેમજ આગેવાનોની મધ્યસ્થીમાં ઘોઘંબા તાલુકા વિકાસ અધિકારી કે.પી. પારગી દ્વારા એક મહિનામાં આ પ્રશ્નનું નિરાકરણ લાવવાની ખાતરી આપવામાં આવી હતી. જે અનુસાર આજરોજ સરસવા ગ્રામ પંચાયત ખાતે સભ્ય દ્વારા રજુ કરવામાં આવેલી અવિશ્વાસની દરખાસ્તના પ્રસ્તાવ ઉપર ચર્ચા કરવા માટે સામાન્ય સભાની બેઠક બોલાવવામાં આવી હતી. આ અંગેની આગોતરી જાણ તમામ સભ્યો તથા સરપંચને કરવામાં આવી હતી. તેમ છતાં સૂચક રીતે સરપંચ હીરાભાઈ સુરસીંગભાઇ રાઠવા આ બેઠકમાં પણ ગેરહાજર રહ્યા હતા.

સરપંચની ગેરહાજરીમાં જ તાલુકામાંથી નિમણૂક કરાયેલ અધિકારી દ્વારા તમામ સભ્યોની હાજરીમાં અને રાજગઢ પોલીસના કડક બંદોબસ્ત વચ્ચે ગામ લોકોની મોટી સંખ્યામાં ઉપસ્થિતિમાં અવિશ્વાસની દરખાસ્ત ઉપર ચર્ચા શરૂ કરવામાં આવી હતી. જેમાં ગ્રામ પંચાયતના ચૂંટાયેલા છ સભ્યોએ સરપંચ હીરાભાઈ રાઠવાના વિરુદ્ધમાં આંગળી ઊંચી કરી અને તેઓને સરપંચ પદેથી દૂર કરવાની માંગણી કરી હતી. જે અનુસાર સામાન્ય સભાની કાર્યવાહી હાથ ધરવામાં આવી હતી અને બહુમતીથી અવિશ્વાસનો પ્રસ્તાવ પસાર કરવામાં આવતા સરસવા ગામના સરપંચ હીરાભાઈ સુરસીંગભાઇ રાઠવાને તેઓના હોદ્દા પરથી દૂર કરવાનો હુકમ કરવામાં આવ્યો હતો.

ગામલોકો અને સભ્યોનો સરપંચ સામે છેલ્લા છ-એક મહિનાથી ચાલી રહેલા વિવાદનો આખરે અંત આવ્યો. સરસવા ગ્રામ પંચાયતના સરપંચને હોદ્દા ઉપરથી હટાવી દેવામાં આવતા ગામ લોકોમાં ખુશી જોવા મળી હતી. કોઈપણ પ્રકારની અનિચ્છનીય ઘટના ન ઘટે તે માટે રાજગઢ પોલીસ દ્વારા ચુસ્ત અને ચાંપતો બંદોબસ્ત ગોઠવવામાં આવ્યો હતો.

અન્ય સમાચારો પણ છે…

Read More

ગુજરાત કોંગ્રેસના પ્રદેશ પ્રમુખ તરીકે IG ની નિમણુક કરવા NSUI ની માંગ | NSUI demands appointment of IG as state president of Gujarat Congress The name of the new state president of Gujarat Congress will be announced in a few days. Today at the Congress office. | Times Of Ahmedabad

• Gujarati News
• Local
• Gujarat
• Ahmedabad
• NSUI Demands Appointment Of IG As State President Of Gujarat Congress The Name Of The New State President Of Gujarat Congress Will Be Announced In A Few Days. Today At The Congress Office.

અમદાવાદએક કલાક પહેલા

• કૉપી લિંક

ગુજરાત કોંગ્રેસના નવા પ્રદેશ પ્રમુકના નામની થોડા દિવસમાં જાહેરાત કરવામાં આવશે. આજે કોંગ્રેસની કચેરીએ પ્રભારી રઘુ શર્માની હાજરીમાં બેઠકનો દોર શરૂ થયો છે. ત્યારે NSUIના કાર્યકરોએ સોશિયલ મીડિયા પર કેમ્પિયન શરૂ કર્યું છે. કોંગ્રેસના નવા પ્રદેશ પ્રમુખ તરીકે ઇન્દ્રવિજયસિંહ ગોહિલની નિમણુક કરવા માંગણી કરી છે.

કોંગ્રેસની કચેરીએ બેઠકનો દોર શરૂ
ગુજરાત પ્રદેશ કોંગ્રેસની કચેરીએ આજથી બેઠકનો દોર શરૂ થયો છે. રાહુલ ગાંધીની સદસ્યતા રદ થવાને લઈને તથા નવા પ્રદેશ પ્રમુખના નામનો લઈને ચર્ચા પર બેઠક થઈ હતી. આ બેઠકમાં કોંગ્રેસના પ્રભારી રઘુ શર્મા, પ્રદેશ પ્રમુખ જગદીશ ઠાકોર, કાર્યકારી પ્રમુખ તથા અલગ અલગ આગેવાનો તથા કાર્યકરો બેઠકમાં હાજર રહ્યા હતા. મહિલા મોરચો, યુથ કોંગ્રેસ સાથે રાખીને ધરણા અને વિરોધ કાર્યક્રમ પણ કરવામાં આવશે. બેઠક બહાર પણ મોટી સંખ્યામાં કાર્યકરોનો જમાવડો હતો.

NSUI દ્વારા પ્રમુખ બનાવવા માંગ કરી
કોંગ્રેસના વિદ્યાર્થી પાંખે બેઠક શરૂ થતા જ આજે કેમ્પિયન શરૂ કર્યું છે. યુવાનેતા અને કાર્યકારી પ્રમુખ ઇન્દ્રવીજયસિંહ ગોહિલની ગુજરાત કોંગ્રેસના નવા પ્રદેશ પ્રમુખ તરીકે નિમણુક કરવા માંગ કરવામાં આવી છે. કાર્યકરોએ ટ્વીટર પર ટ્વીટ કરીને IG ગોહિલની નવા પ્રમુખ બનાવવા માંગ કરી છે. મહત્વનું છે કે કોંગ્રેસની અંદર રહેલા યુવાનો માટે ઇન્દ્રવીજયસિંહ ગોહિલ લોકપ્રિય નેતા છે જેથી યુવાઓએ આજે ઇન્દ્રવીજય માટે માંગણી કરી છે. અગાઉ NSUI દ્વારા પ્રમુખ બનાવવા માંગ કરી હતી.

અન્ય સમાચારો પણ છે…

Read More

કોરોનાકાળ દરમિયાન લોકોમાં ટ્રેન્ડ વધ્યો, છેલ્લા ત્રણ વર્ષમાં 72% ગ્રાહકોએ ઓનલાઇન શોપિંગનો અનુભવ કર્યો | The trend among people increased during the Corona period, 72% of consumers experienced online shopping in the last three years | Times Of Ahmedabad

અમદાવાદએક કલાક પહેલા

• કૉપી લિંક

ઇન્ડિયન ઇન્સ્ટિટયૂટ ઓફ મેનેજમેન્ટ એટલે કે IIM અમદાવાદ દ્વારા ઓનલાઇન શોપિંગ બાબતે લોકોની આદત અને પેટર્ન અંગે કરવામાં આવેલા એક સર્વે વિશેની અમુક રોચક અને રસપ્રદ વાતો સામે આવી છે. IIMના સેન્ટર ફોર ડિજિટલ ટ્રાન્સફોર્મેશન દ્વારા કરવામાં આવેલ સર્વેમાં મોટી વાત એ સામે આવી છે કે, છેલ્લા ત્રણ વર્ષ દરમિયાન એટલે કે કોરોનાકાળ દરમિયાન લોકોમાં ઓનલાઇન શોપિંગનો ટ્રેન્ડ વધ્યો છે. આ સર્વેમાં આવેલ આંકડા મુજબ 72% ગ્રાહકોએ છેલ્લા ત્રણ વર્ષ દરમિયાન ઓનલાઇન શોપિંગનો અનુભવ કર્યો છે, જે અગાઉ ક્યારેય ન કર્યો હતો.

ઓનલાઇન શોપિંગમાં કપડાની ખરીદીને પ્રાધાન્ય આપે છે લોકો
આ ઉપરાંત આ સર્વેમાં મહત્વપૂર્ણ તારણ એ પણ આવ્યું છે કે, લોઅર મિડલ ક્લાસ એટલે કે મહિનાની 30,000ની કમાણી કરતો વર્ગ ઓફલાઈન કરતાં ઓનલાઇન કપડા અને ફેશન સંદર્ભની ખરીદી કરવાનું વધારે પસંદ કરી રહ્યો છે. IIM-અમદાવાદ દ્વારા મોટા શહેરોમાં આ સર્વે હાથ ધરવામાં આવ્યો હતો, જેમાં 35,000થી વધારે સેમ્પલ લેવામાં આવ્યા કે જે ઓનલાઈન શોપિંગ માટે ઈન્ટરનેટ સર્ફિંગ કરતું હોય અને છેલ્લે તેઓએ ખરીદી કરી હોય.

ઓનલાઈન શોપિંગમાં પુરુષો EMI ઓપ્શનને પ્રાધાન્ય આપે છે
આ સર્વેની રસપ્રદ બાબત એ પણ છે કે, મહિલાઓ ઓનલાઇન શોપિંગ દરમિયાન ફેશનને વધુ પ્રાધાન્ય આપે છે એટલે કે તે ઓનલાઈન કપડાની વધુ પડતી ખરીદી વધારે કરે છે. આ ખરીદીમાં તે સમયસર ડિલિવરી થાય છે કે નહી? તેની રિટર્ન પોલિસી શું છે? તેના પર વધારે ફોકસ કરે છે. બીજી તરફ પુરુષો કે, જેઓ ઓનલાઈન શોપિંગમાં ઇલેક્ટ્રોનિક વસ્તુઓની ખરીદી પર વધારે ફોકસ કરે છે. તેમાં રસપ્રદ બાબત એ છે કે, પુરુષો ખરીદી કરતા સમયે વસ્તુની ગુણવત્તાની સાથે-સાથે EMI ઓપ્શનને વધારે પ્રાધાન્ય આપે છે.

ઓનલાઈન ખરીદીમાં સરેરાશ 35 મિનિટનો સમય વિતાવે છે
આ સર્વેમાં લોકો સરેરાશ ઓનલાઈન ખરીદી કરતા 34 થી 35 મિનિટનો સમય પસાર કરતા હોવાનું પણ સામે આવ્યું છે. આ ઉપરાંત 35 વર્ષથી ઉપરના લોકો ઓનલાઈન ખરીદી કરતા સમયે એક કરતાં વધારે વેબસાઈટની મુલાકાત લઇ વિકલ્પો તપાસે છે અને પછી જ ખરીદી કરે છે.

અન્ય સમાચારો પણ છે…

Read More

રૂપિયા 88 કરોડના બોગસ બિલિંગ કૌભાંડમાં આરોપી મુરશીદ આલમની ધરપકડ બાદ જ્યુડિશિયલ કસ્ટડીનો હુકમ | Judicial custody order after arrest of accused Murshid Alam in Rs 88 crore bogus billing scam | Times Of Ahmedabad

સુરતએક કલાક પહેલા

• કૉપી લિંક

GSTના ખોટા બીલો બનાવી કરોડો રૂપિયાનું રિફંડ મેળવવાનો કૌભાંડ

સુરત શહેરમાં જીએસટી કૌભાંડને લઈને અનેક કિસ્સાઓ સમયાંતરે સામે આવતા હોય છે. ઔદ્યોગિક નગરી સુરત શહેરમાં ખૂબ મોટા પ્રમાણમાં વેપાર ઉદ્યોગ થતા હોવાને કારણે કેટલાક જૂતા રહો તેનો લાભ લેતા હોય છે. સરકારને જીએસટીના નામે ખોટા બિલો રજૂ કરીને કરોડો રૂપિયાનો ચુનો લગાડી દેતા હોય છે.

88 કરોડના ખોટા બિલ રજૂ કરી રિફંડ મેળવ્યા
આરોપી મુરશીદ આલમ દ્વારા 88 કરોડના બોગસ બિલ બનાવી 15.88 કરોડની સરકારમાંથી આઇટીસી મેળવવામાં આવી હતી. મુરશીદ આલમ દ્વારા ફાઇવ સ્ટારના નામે બોગસ પેઢી ઊભી કરી 88 કરોડના બોગસ બિલ બનાવવામાં આવ્યા હતા. અગાઉ ઇકો સેલ દ્વારા મુરશીદ આલમની 496 કરોડના બોગસ બીલ બનાવવાના કૌભાંડમાં ઇકો શેલ દ્વારા ધરપકડ કરાઈ હતી. જે કેસમાં જ્યુડિશિયલ કસ્ટડી હેઠળ રહેલા મુરશીદ આલમની જીએસટી વિભાગની ડીજીજીઆઈ વિગ દ્વારા ટ્રાન્સફર વોરંટથી ધરપકડ કરી કોર્ટમાં રજૂ કરાયો હતો.

જ્યુડિશિયલ કસ્ટડીમાં મોકલાયો
સ્પેશિયલ પ્રોસિક્યુટર ઇમરાન માલિકે જણાવ્યું કે આજે મુરશીદ આલમને રજૂ કરવામાં આવ્યો અગાઉ પણ આ ગુનામાં બે આરોપીઓને રજૂ કરવામાં આવ્યા હતા જેમને જામીન મળી ચૂક્યા છે. ઇકોશીયલ દ્વારા કાર્યવાહી કરવામાં આવી 14થી 15 જેટલી અલગ અલગ પેઢીઓ બતાવીને ખોટા બિલ રજૂ કરવામાં આવ્યા. કોઈપણ પ્રકારના સામાન્ય ખરીદી કર્યા વગર ખોટી રીતે જીએસટી બિલ રજૂ કરવામાં આવ્યા હતા. કોર્ટે આરોપીને જ્યૂડિસિયલ કસ્ટડીનો હુકમ કર્યો. DGGI દ્વારા અન્ય સ્ટેટમમેન્ટ લઈ કોર્ટમાં ફાઇલ કરાશે.

અન્ય સમાચારો પણ છે…

Read More

BDCAના સરદાર પટેલ સ્ટેડિયમ ખાતે વલસાડ પ્રિમિયર લીગનો શુભારંભ, ફાઈનલ મેચ જીતનારને મળશે 1 લાખથી વધુના ઈનામો | Valsad Premier League kicks off at BDCA's Sardar Patel Stadium, winners of final match to win prizes of over 1 lakh | Times Of Ahmedabad

વલસાડએક કલાક પહેલા

• કૉપી લિંક

રોટરી ક્લબ ઓફ વલસાડ દ્વારા જાહેર જનતાના લાભ માટે પેથોલોજી લેબ અને મોબાઇલ દવાખાનાનો રૂ.60 લાખના ખર્ચે રોટરી ડાયગ્નોસીસ પ્રોજેક્ટ હાથ ધરાયો છે. જે સંદર્ભે રોટરી વલસાડ પ્રિમિયર લીગ ક્રિકેટ ટુર્નામેન્ટનું આયોજન કરાયું છે. જેનું વલસાડના BDCAના સરદાર પટેલે સ્ટેડિયમ ખાતે તા. 1લી એપ્રિલ 2023ના રોજ સવારે 9 કલાકે વલસાડ જિલ્લાના ડિસ્ટ્રિક્ટ સેશન્સ જજ પ્રકાશ પટેલના હસ્તે ઉદઘાટન કરવામાં આવ્યું હતું.

રોટરી ક્લબ ઓફ ક્લબના પ્રમુખ સ્વાતિ શાહે ઉપસ્થિત સૌને આવકારતા સ્વાગત પ્રવચન કર્યું હતું. બાદ ડિસ્ટ્રિક્ટ સેશન્સ જજ પ્રકાશ પટેલ અને BDCAના સેક્રેટરી જનક દેસાઈએ દીપ પ્રગટાવીને ટુર્નામેન્ટનો આરંભ કરાવ્યો હતો.

તા.1લી એપ્રિલથી શરૂ થયેલ આ ટુર્નામેન્ટ સંદર્ભે માહિતી આપતા પ્રોજેક્ટ ચેરમેન ચેતન પટેલ(રાબડા)એ જણાવ્યું હતું કે, આ ટુર્નામેન્ટની દરેક મેચમાં મેન ઓફ ધ મેચ ટ્રોફી આપવામાં આવશે. સિરીઝના બેસ્ટ બેટ્સમેન તથા બેસ્ટ બોલરને રૂ. 5 હજારના ઇનામો અને ટ્રોફી, મેન ઓફ ધ સિરીઝને રૂ. 11 હજારના ઇનામ અને ટ્રોફી તથા ફાઇનલ મેચ જીતનારને રૂ. 1.27 લાખના ઇનામ અને ટ્રોફી અપાશે જ્યારે રનર્સઅપને રૂ. 75 હજારના ઇનામ અને ટ્રોફી એનાયત કરાશે.

આ ટુર્નામેન્ટ રોટરી ક્લબ ઓફ બલસારના ટ્રસ્ટીઓ ડૉ. નિલાક્ષ મુફ્તી, પીડીજી અનિષ શાહ અને જીજ્ઞેશ વસાણીના માર્ગદર્શન હેઠળ થઇ રહી છે. જેના આયોજનમાં પ્રોજેક્ટ કો-ચેરમેન ધર્મિન દેસાઇ, હિતેશ પટેલ, રોટરી પ્રેસિડન્ટ સ્વાતી શાહ અને સેક્રેટરી નિરાલી ગજ્જર મહત્વનો ભાગ ભજવી રહ્યા છે. રોટેરીયન ડો. પ્રેમલ શાહે આ સમારોહનું સુંદર સંચાલન કર્યુ હતું. કાર્યક્રમના અંતમાં ક્લબ સેક્રેટરી નરાલી ગજ્જરે આભાર વિધિ કરી હતી. આ પ્રસંગે પ્રોજેક્ટ ચેરમેન ચેતન પટેલ, કો ચેરમેન, ધર્મિન દેસાઇ, હિતેશ પટેલ, પીડીજી અનિશ શાહ, રોટરી ક્લબ ઓફ બલસાર ચેરીટેબલ ટ્રસ્ટના પ્રમુખ જીગ્નેશ વસાણીઉપસ્થિત રહ્યા હતા.

અન્ય સમાચારો પણ છે…

Read More

જૂનું બસ સ્ટેન્ડ ખંડેર હાલતમાં; મુસાફરો અને વિધાર્થીઓને કરવો પડી રહ્યો છે મુસ્કેલીનો સામનો | Old bus stand in ruins; Commuters and students are facing difficulties | Times Of Ahmedabad

અંબાજીએક કલાક પહેલા

• કૉપી લિંક

આજે ગુજરાત અને દેશ વિકાસના ગગન ચૂંબી રહ્યા હોય તેવો દાવો ગુજરાત સરકાર કરી રહી છે. ત્યારે યાત્રાધામ અંબાજી જે તાલુકામાં આવ્યું છે તેજ તાલુકા મથકમાં બસ સ્ટેન્ડ નથી. યાત્રાધામ અંબાજીથી 20 કિલોમીટર દૂર આવેલું દાંતા ગામ જે બનાસકાંઠા જિલ્લાનું તાલુકા મથક છે. આ દાંતા ગામમાં આજુબાજુના વિસ્તારના લોકો તાલુકા પંચાયત અને કોર્ટ કચેરીના કામથી દાંતા આવતા હોય છે. ત્યારે દાંતામાં આ અગાઉ એક બસ સ્ટેન્ડ હતું. જે બસ સ્ટેન્ડ આજે ખંડર થઈ જવા પામ્યું છે. હવે આ ખંડર બસ સ્ટેન્ડમાં એક મીની જંગલનું નિર્માણ થઈ ગયું છે.

ત્યારે આટલા મોટા તાલુકા મથકમાં બસ સ્ટેન્ડ ન હોય માત્ર એક પીકઅપ સ્ટેન્ડ બનાવીને દાંતાના ગ્રામજનોને એક લોલીપોપ આપ્યો હોય તેવો ઘાટ સર્જાયો છે. ત્યારે દાંતાના ગ્રામજનોને ભારે હાલાકીનો સામનો કરવો પડી રહ્યો છે. કારણકે આ નાનું પીકઅપ સ્ટેન્ડ બજારની વચ્ચે બનાવવામાં આવતા નાનકડી ગલીઓમાંથી બસોને પસાર થવામાં તકલીફ થતી હોય છે.

જેને લઈને કેટલીય બસો આ પીકઅપ સ્ટેન્ડ પર જવાનું ટાળતી હોય છે અને બારોબાર હાઈવેથી જતી રહેતી હોય છે. જેને લઇ મુસાફરોને હાઇવે ઉપર કલાકો તડકામાં ઊભા રહી બસની રાહ જોવી પડતી હોય છે. તો કેટલાક લોકો નાની રૂટની મીની બસો પકડવા પીકઅપ સ્ટેન્ડ પર ઉભા રહેતા હોય છે.

મહત્ત્વની વાત તો એ છે કે, દાંતા ગામમાં સરકારી જમીન પણ મોટા પાયામાં છે, પણ હવે તકલીફ એ છે કે તે જમીનો પર ભુમાફિયાઓ દબાણ કરીને આ જમીનો પર શોપિંગ સેન્ટર બનાવી પૈસા વસૂલી રહ્યા છે. ત્યારે હવે આ જગ્યાઓ ખાલી કરાવીને અધ્યતન બસસ્ટેન્ડ બની શકે તેટલી જગ્યા પરનું દબાણ દૂર કરી આ તાલુકા મથકને બસ સ્ટેન્ડ સરકાર આપે તેવી માગ ઉઠી છે.

અન્ય સમાચારો પણ છે…

Read More

Ukraine has nuclear ambitions: Kim Jong Un's sister blasts Kyiv | World News | Times Of Ahmedabad

North Korea’s Kim Yo Jong, sister of leader Kim Jong Un, accused Ukraine of calling for nuclear weapons, news agency Reuters reported quoting state media. Kim Yo Jong backed her assertion on the basis of an online petition in Ukraine which was signed by almost 1,000 signatures so far.

Kim Yo Jong, the sister of North Korea’s leader Kim Jong Un, is seen. (AFP File)

Kim Yo Jong said that the petition could be a political plot by Ukrainian President Volodymyr Zelensky’s office, without giving any details. After Russian President Vladimir Putin’s announcement on Moscow planning to station tactical nuclear weapons in Belarus, a public petition was filed on Ukrainian presidential office’s website that called for Kyiv to host nuclear weapons on Ukrainian territory. The petition also asked for Ukraine to be armed with its own nuclear weapons.

For the petition to seek a response from Ukraine’s Zelensky, it needed 25,000 signs. Kyiv officials have so far not responded to the petition.

The comments from Kim Jong Un’s sister come at a time when North Korea is trying to establish closer ties with Russia as both Pyongyang and Moscow continue to be isolated by the West. North Kore has also supported, repeatedly, Moscow’s position after Russia invaded Ukraine.

Read More

બોરસદના જંત્રાલ ગ્રામ પંચાયતના કર્મચારીને યુવકે માર માર્યો, પાણીના ટેન્કરને લઇ કોમ્પ્યુટરમાં તોડફોડ કરી | Borsad's Jantral Gram Panchayat employee beaten up by youth, took water tanker and vandalized computer | Times Of Ahmedabad

આણંદ43 મિનિટ પહેલા

• કૉપી લિંક

બોરસદ તાલુકાના જંત્રાલ ગ્રામ પંચાયતના કોમ્પ્યુટર ઓપરેટર પાસે આવેલો અરજદાર ઉશ્કેરાઇ ગયો હતો અને મારે પાણીનું ટેન્કર જોતું નથી. તેમ કહી ઓપરેટર પર હુમલો કર્યો હતો. મારમારી તેના ચશ્મા તોડી નાંખ્યાં હતાં. આ ઉપરાંત પંચાયતનું કોમ્પ્યુટર પણ તોડી નાંખ્યું હતું. આ અંગે વિરસદ પોલીસે અરજદાર સામે ગુનો નોંધ્યો હતો.

જંત્રાલ ગામમાં આવેલી બેંક ઓફ બરોડાની પાસે રહેતા પ્રતાપ ડાહ્યાભાઈ પરમાર જંત્રાલ ગ્રામ પંચાયતમાં કોમ્પ્યુટર ઓપરેટર તરીકે ફરજ બજાવે છે. તેઓ શનિવારે ફરજ પર હાજર હતાં તે સમયે સવારના સમયે જંત્રાલ ગામમાં રહેતો નટુ ઉર્ફે ગપો રાવજી પરમાર પંચાયતમાં આવ્યો હતો અને પાણીનું ટેન્કર જોઇતું નથી, મને મારા પૈસા પાછા આપી દો. તેમ કહી ઝઘડો કરવા લાગ્યો હતો. જોકે, પ્રતાપે પાણીના ટેન્કરનો વહીવટ મારી પાસે નથી. તેમ જણાવતા નટુ વધુ ઉશ્કેરાઈ ગયો હતો અને પ્રતાપ પર હુમલો કરી તેને લાફા મારી દીધાં હતાં. આ ઉપરાંત તેના ચશ્મા તોડી નાંખ્યાં હતાં અને કોમ્પ્યુટરમાં પણ તોડફોડ કરી હતી. જોકે, અન્ય કર્મચારીએ વચ્ચે પડી મામલો શાંત પાડ્યો હતો. આ અંગે પ્રતાપ પરમારે વિરસદ પોલીસ મથકે ફરિયાદ આપતા પોલીસે નટુ ઉર્ફે ગપો રાવજી પરમાર સામે ગુનો નોંધી વધુ તપાસ હાથ ધરી છે.

અન્ય સમાચારો પણ છે…

Read More

BJP vs Cong in Karnataka: How internal power tussles in both parties will decide poll outcome | Times Of Ahmedabad

shows

Published on Apr 01, 2023 06:43 PM IST

Share Via

Copy Link

In this episode of HT Decodes, our Editor-In-Chief Sukumar Ranganathan explains how internal power tussles in both parties will decide the poll outcome. Watch.

Read More